Colabora na autogestom!

Triodos Bank: ES06-1491-0001-2120-2936-2023

Titular: Associaçom Cultural OPAíí!! [Ondas Para Ativaçom da Informaçom Independente]

Mostrando postagens com marcador colectivos sociais. Mostrar todas as postagens
Mostrando postagens com marcador colectivos sociais. Mostrar todas as postagens

19 maio, 2016

15M 2011 en Ferrol; ecos cinco anos despois (arquivo Divertimento)

Imaxe da rolda de prensa (Pequeno Monstro)

Audio da rolda de prensa do colectivo "Toma la Calle Ferrol" celebrada o 16/05/2011, condeando o acontecido o día anterior (15M 2011) na Plaça de Catalunya en Barcelona, falando da concentración cacerolada prevista para o día seguinte e xustificando o movimento que viña de xudir, 15M, en todo o Estado. Na rolda de prensa estaban presentes: Luis, Oscar, Martinha, Jota e xxx. Ao fondo da imaxe pode verse a Acampada Ferrol.

Toma de son: Pequeno Monstro (Rádio FilispiM). Arquivo do Pequeno Monstro.


13 maio, 2016

Divertimento para pequenos monstros. Especial 5º aniversario do 15M - Ferrol

 Maio 2011, Ferrol (Fonte: Luis Fernández)

Na edición do 20 de maio de 2011 de Divertimento para pequenos monstros (Rádio FilispiM), realizamos a primeira das numerosas coberturas verbo da incidencia na nosa comarca do, daquela, nacente Movimento 15M. Hoxe, cadrando do quinto aniversario do 15M, recuperamos ese programa e o completamos con outros rexistros sonoros tomados directamente na Praza do Concello de Ferrol, testemuña de asembleas, acampadas e actividades promovidas polos colectivos xurdidos daquela, coma "Toma la Calle Ferrol" ou, mesmo, "Acampada Ferrol."

Este programa especial está plantexado a modo de collage sonoro, co obxecto de que a ovinte se faga unha composición do acontecido naquel Maio de 2011, no Estado, País galego e, como non, Ferrol.

As reportaxes foron rexistradas polo Pequeno Monstro para o programa Divertimento, na Praza do Concello de Ferrol os días, 19, 20 e 28 de maio de 2011Algúns destes rexistros son inéditos, non se difundiron até agora, polo que cobran especial relevancia. A actual coxuntura política, onde formacións nadas daquel 15M gobernan xa algunhas Institucións, mesmo teñen opcións de gobernar o Estado, lle dan a este documento un plus de importancia, canto a analisar como, cando e por que comezou todo.

A cronoloxía dos rexistro sonoros (según aparecen no programa) é a seguinte:
  • Xoves 19/05/2011. Conexión telefónica coa Praza do Concello de Ferrol. Iago Montes fai de correspondente. Damos voz a un dos integrantes de "Ferrol Toma la Calle", colectivo convocante da concentración que está a ter lugar (min. 00:18).
  • xx/05/2011. Audio do programa "En días como hoy" (Radio1 - RNE). Chamada de Cristina, unha ouvinte indignada co que está a ouvir na tertulia radiofónica do ente público (min. 00:33).
  • Domingo 15/05/2011. Audio rexistrado por Divertimento na manifestación do 15M de Sevilla (min. 00:40).
  • Venres 20/05/2011. Audio rexistrado por Divertimento na Asemblea aberta daquela tarde, organizada por "Ferrol Toma la Calle" (min. 00:49).
  • Sábado 28/05/2011. Entrevistas realizadas por Divertimento a persoas da "Acampada Ferrol", na Praza do Concello: grupos de traballo, coordenadoras, persoas colaboradoras, moz@s que chegaban a acampar (min. 01:06).
  • Sábado 28/05/2011, na noite. Rexistro de Divertimento do concerto do grupo folk Muxarega de As Pontes, dentro das actividades organizadas por "Acampada Ferrol" (min. 01:41).
Selección musical:
- Bigott. Gravación realizada por Divertimento no Womad de Cáceres de 2011.
- Selección de hip-hop instrumental do selo Tú Pierdes (Yo Gano-Superego). Temas de Hyppaly, etc.
- Steve Reich.
- Andrew Poppy (...)

Condución, montaxe e edición de audio: Pequeno Monstro (13/05/2016)


Video: Reportaxe 15M en Ferrol (fonte: chupicola)

11 maio, 2016

Divertimento para pequenos monstros, programa especial quinto aniversario 15M en Ferrol.

Movimento 15M en Ferrol
Documentos inéditos do 15M en Ferrol.

Por mor do quinto aniversario do 15M (2011), este venres ao longo da mañá, DIVERTIMENTO PARA PEQUENOS MONSTROS, pùblicará un programa Especial editado para a ocasión, con audios (algúns inéditos, non publicados até agora), rexistrados polo Pequeno Monstro na Praza do Concello de Ferrol, entre os días 19, 20 e 29 de maio de 2011. O programa ten unha duración de 1h 43 min.

Nese collage sonoro, poderemos ouvir, entre outros, os seguintes documentos:

19/maio/2011: audio da concentración "Ferrol Toma la Calle", co compañeiro de Rádio Filispim - Colectivo Opaii, Iago Montes de correspondente. Uns 10 minutos.

20/maio/2011: audio da Asemblea do 15M na praza do Concello de Ferrol, con voces de moitas persoas, reflexións en alto, etc. Son case 20 minutos.

28/maio/2011: diversos audios tomados a persoas da Acampada Ferrol: grupos de traballo, coordenador@s, persoas que chegaban para acampar, persoas lles prestaban colaboración... 16 minutos.

E para finalizar, concerto case íntegro de Muxarega durante a Acampada Ferrol, á noite do 28 de maio de 2011 na Praza do Concello.

En sucesivos días, Divertimento publicará máis material relacionado co 15M en Ferrol.
+ info en: http://pequenosmonstros.blogspot.comPequeno Monstro (páxina facebook)

Pequeno Monstro (Rádio FilispiM)

20 abril, 2016

Festival dos 40 anos do Ateneo Ferrolán. Venres 29 de abril as 9:30 pm, Super 8


Venres 29 de abril de 2016, ás 9:30 da noite, na sá Super 8 de Ferrol.
Festival musical en conmemoración dos 40 anos da refundación do Ateneo Ferrolán.
Coas actuacións de:Jaimie Fithring, Adóbriga e Os Derradeiros.
Apresenta: Cris Moreira.

.. fin de festa con Disque toca Djs de Rádio FilispiM. Sorteos e sorpresas. Entrada 5€.

Promo:

11 abril, 2016

FilispiM vai a La Espuma, este sábado 16 de abril ao vivo en r/ Igrexa, 90

Este sábado 16 de abril de 2016 "FilispiM vai a ... La Espuma".

Faremos radio ao vivo, contaremos historias de ultramarinos centenarios coma El Rápido e probaremos cervexa artesá e delicatessem... e haberá música, con Jaimie Fithring.

Lembra, non é unha festa da espuma... é o FilispiM vai a La Espuma. Delicatessemmmm, rapaz@

Acude a gravación ao vivo este sábado 16 a partir das 18:00 horas, en La Espuma (R/ Igrexa, 90).

Escoitao en diferido a partir do sábado 23 de abril ás 19:00 hrs en Rádio FilispiM, 93.9 FM.



Rádio FilispM, 10 anos compartindo.



Promo:

04 abril, 2016

VIII Conspirando por unha radio libre_Radio FilispiM, xoves 24/03/2016 (audio)

Espejos y Diamantes conspirando

Gravación do VIII CONSPIRANDO por unha radio libre, celebrado o xoves 24 de marzo de 2016 na sá Super8 de Ferrol, pola autoxestión da Rádio FilispiM, coas presentacións, entrevistas filispinas e concertos de Alberto Knox, Espejos y Diamantes e Blah! (Oscar Fojo).

Grazas aos grupos, artistas e xente que colaborastes!!!



Toma de son: Jorge Mirancos.
Edición e montaxe: Pequeno Monstro.

Escoitao en diferido este domingo ás 18:00 h. na Rádio FilispiM, 93.9 FM

01 abril, 2016

Festival 40 anos da refundación do Ateneo Ferrolán, sábado 16 de abril, Carvalho Calero.



O Ateneo Ferrolán vén de cumprir 40 anos da súa refundación. O sábado 16 de abril de 2016 dende as 6 da tarde, celébrao con nós no Centro Cultural Carvalho Calero de Ferrol. Música, teatro, poesía, sorteos e moitas sorpresas.

Lembra. Festival solidario co Ateneo Ferrolán, en conmemoración do 40 aniversario da súa refundación. O sábado 16 de abril as 6 da tarde, no Carvalho Calero. Entrada de balde. Agardámoste!!

Ateneo Ferrolán, un encontro para a Cultura.

Promo Rádio FilispiM:

05 fevereiro, 2016

Divertimento recupera o arquivo sonoro das etapas en: Radio Fene, Radio Kaos e primeiros tempos da Rádio FilispiM.


Durante esta pausa nas emisións de Divertimento para pequenos monstros recuperaremos gravacións históricas do programa que, subidas no seu momento, foron caendo na rede tralos cambios en blip.tv

Agora, dende archive.org, recuperaremos eses programas correspondentes ás etapas de emisión en Rádio Kaos (anos 1998/2000), Radio Fene (2000/2005) e da Rádio FilispiM (2005/2012), no caso filispiniano gravados no mítico estudio "metro cadrado", no Ateneo Ferrolán.

Acéitanse peticións de re-subida destes programas de arquivo. De terdes especial interés nalgún, ou fostes protagonistas deles coma convidad@s (persoas ou Colectivos), non deixedes de solicitar a súa resubida.

Podes seguir a actualización e recuperación do arquivo sonoro de Divertimento en:
http://pequenosmonstros.blogspot.com
Saùde e divertimento.
Pequeno Monstro, xaneiro 2016

13 outubro, 2015

Divertimento - Colectivo CGTH, 10 anos + Danza, con Suso Perez Lago e Mar Sanchez

Mar Sánchez e Suso Pérez Lago, en Divertimento

Edición do venres 9 de outubro de DIVERTIMENTO para pequenos monstros...

Contidos:
  • O Colectivo ferrolán CGTH anda a cumprir 10 anos, e para cebralo programan unha festa para o vindeiro venres 16 de outubro na sala Super 8 de Ferrol, coas actuacións de Bala, Klute e Os Novos. Oscar e Olaia, integrantes de CGTH, estiveron no estudio...
  • O mundo da DANZA e da DANZATERAPIA en Ferrol. Coa presenza do bailarín Suso Pérez Lago e da danzaterapeuta Mar Sanchez Fraga​, que afondaron no mundo da danza e nos contaron as actividades para este novo curso e da áula de danzaterapia que impartirá Mar Sanchez a partir do xoves 15 de outubro.
  • Recomendacións para a fin de semana...


Difunden:
 Rádio FilispiM, 93.9 FM (Ferrol) & Rádio Kalimera, 107.9 FM.
Conducen: Ana Lucecú​ e o Pequeno Monstro​.
+ info: http://pequenosmonstros.blogspot.com

05 outubro, 2015

Divertimento - `Apaga la tele, enciende tu vida´ + Presentación de Ferror Records (Espejos y Diamantes, Alarido Mongólico & Carrero Bianco).

Rubén Artabe, Erika Road e Luis Kaf, "Apaga la tele.."

Divertimento para pequenos monstros, edición do vernes 2 de outono de 2015  na Rádio FilispiM, 93.9 FM

Contidos:
  • "Apaga la tele. Enciende tu vida", proposta interdisciplinar protagonizada por Rubén Artabe (músico e cantos), Luis Kaf (poeta) i Erika Road (performer). Os tres estiveron no estudio e contaron de que vai este proxecto que percorrerá a xeografía galega. Ese mesmo venres estiveron subvertindo o Ateneo Ferrolán.
  • "Ferror Records" é un selo de música e músicos locais, creado por Serxio Peck Retropower e Fernando Fernández Rego. Afondamos neste proxecto feito realidade e ouvimos (en exclusiva mundial) parte do primeiro cedé recompilatorio deste selo ferrolterráqueo, adiantándonos ao acontecido na presentación do mesmo, o sábado 3 de outubro de 2015, na Sala SUPER 8 Ferrol. Na actualidade a `escudería´ de Ferror Records está formada pola triada: Espejos y Diamantes, Alarido Mongólico e Carrero Bianco.
  • Recomendacións para esta finde...


Apresentan e conducen: Ana Lucecú e o Pequeno Monstro
Transmiten, radios libres: Rádio FilispiM, 93.9 FM (Ferrol) & Radio Kalimera, 107.9 (Compostela).

+ info: http://pequenosmonstros.blogspot.com

22 setembro, 2015

Comeza a andar na Comarca a escola "Semente de Trasancos", espazo educativo alternativo para nen@s entre 2 e 6 anos.

A Terra de Trasancos conta xa cun espazo educativo alternativo para nen@s entre 2 e 6 anos.
A asociación cultural "Semente de Trasancos" vén de abrir unha escola popular en Narón, para nenas e nenos entre 2 e 6 anos, una via diferente a oferta de ensino público e privado, que ten os seus referentes máis inmediatos nas escolas "Semente" que xa funciona en Compostela e Vigo. Según as súas impulsoras este espazo educativo non ten que ver coas tradicionais "garderias" baseando a súa metodoloxía educacional no respecto a crianza, o contacto coa natureza, o máis inmediato, e a lingua propia do país.
No audio escoitamos a Silvia Bogo, unha das promotoras do novo espazo educacional "Semente de Trasancos" que estivo o pasado venres 18 de setembro no programa Divertimento para pequenos monstros.
Informou o Pequeno Monstro para Rádio FilispiM

21 setembro, 2015

DIVERTIMENTO - O proxecto educativo para nen@s, Semente de Trasancos, bota a andar + Charla "El Jazz en Ferrol", organiza por Arteriola

Un instante da charla "El Jazz en Ferrol" no Guarisnais

Edición do venres 18 de setembro de 2015 de Divertimento para pequenos monstros, no noso regreso as ondas tralo vrao...
Neste programa:
  • O proxecto educativo, Semente de Trasancos, para nen@s entre 2 e 6 anos, bota a andar na nosa comarca. Silvia Bogo, unha das súas impulsoras estivo no estudio... 
  • Dentro do "I Ciclo de Jazz", organizado pola asociación de hostelaría alternativa Arteriola, o pasado 11 de setembro tivo lugar no Guarisnais (R/ Taxonera) unha charla titulada "El Jazz en Ferrol", donde participaron, Antonio Peña, Baldo Martinez (ambos de Clunia Jazz) e Fernando Naveiras, quen fixo as veces de apresentador da charla... Divertimento estivo alí e rexistrou o son. 
Apresenta e conduce: Pequeno Monstro.
Difunden: Rádio FilispiM (Ferrol) & Radio Kalimera (Compostela).



Nota: en breve ofereceremos enlace ao audio íntegro da charla "El jazz en Ferrol", de case dúas horas e media.

03 setembro, 2015

O cadro de persoal do Diario de Ferrol mobilízase contra do desmantelamento do xornal na cidade.



O cadro de persoal do Diario de Ferrol retoma as mobilizacións logo do despedimento de dúas das xornalistas máis veteranas da cabeceira ferrolá e dun novo despedimento, desta vez de El Ideal Gallego, todas elas pertencentes ao grupo La Capital. O paro, de carácter indefinido, cun primeiro tramo de corenta e oito horas, comezou ontes mércores 2 de setembro. O persoal demanda un plan de viabilidade que garanta os postos de traballo, a readmisión d@s despedid@s, así como o aboo dos salarios adebedados até hoxe e a súa normalización mensual. 

A xornada de mobilización de onte 2 de setembro constatou o apoio da cidadanía ao cadro de persoal do Diario de Ferrol, así como á continuidade deste xornal, coa asistencia dunha grande cantidade de persoas que, a título individual ou en nome de diversos colectivos, acudiron á concentración as portas da sede do Diario, na rúa Galiano, e despois partiron en manifestación até a praza José Couso onde un representate dos traballadores leu o comunicado.

Dende o Colectivo Opaii!-Rádio FilispiM, expresamos a nosa solidaridade co cadro de persoal do Diario de Ferrol, así como a continuidade normalizada dunha cabeceira tan necesaria, que garanta a pluralidade informativa e a información local.

No audio, rexistrado polos informativos de Rádio FilispiM, ouvimos o comunicado final desa mobilización lido por Nicolás Vidal, en representación do cadro de persoal do Diario de Ferrol. 

Informou o Pequeno Monstro para os Informativos locais de Rádio FilispiM.

Galería de imaxes: imaxes Rádio FilispiM

23 junho, 2015

DIVERTIMENTO (extra) - A nosa contribución á maratón "A Filispina Tolea" (13/06/2015)

Algunhas das persoas participantes no extra-Divertimento 

O pasado sábado 13 de xuño de 2015, Ana Lucecú e o Pequeno Monstro, a equipa habitual de Divertimento para pequenos monstros, participamos na maratón "A Filispina Tolea!", xunto a outros espazos, dentro do programa de actos do 10º aniversario das emisións de Rádio FilispiM.

Durante algo máis de hora e media, falamos con algunhas das persoas que foron testemuñas dos alicerces "filispinianos", aquelos primeiros tempos (setembro de 2003) onde, entre moita xente diversa, se lle deu forma a idea da primeira radio libre e comunitaria que emitiría dende Ferrol e Trasancos. Radio pertencente ao terceiro sector da comunicación, xestionada pola comunidade.

No estudio da Rádio FilispiM, estiveron, contando cada quen as súas lembranzas e valorando o estado actual do proxecto: Cholo Martínez, Paula Meizoso, Nes, Xabi, Iván, Suso Manchita, Narsés Mira, Ana Lucecú e o André "Pequeno Monstro". Coma convidado especial estivo Serxio dos Carrero Bianco, que tocaron aquela mesma noita no Pinsapo.

Longa vida a Rádio FilispiM!!

20 junho, 2015

XVI Sesión Vermú, fin de grella, 2014/2015. Sábado 20 de xuño, a partir das 12:00 h.


Vem celebrar com nós a despedida da tempada filispiniana 2014/2015. 


Este sábado 20 de Junho, nova Sessiom Vermú na traseira do Mercado de Caranza a partir das 12:00 até as 15:00 h., com a actuaçom, especial de Jamie Fifthring (Jaime Quintanilla).


Radio ao vivo, música, petiscos e sorteio de camisolas filispinianas!!. Nom o podes perder!!



Evento no facebook: https://www.facebook.com/events/1592178171051262/

Rádio FilispiM, 10 anos compartindo.

10 junho, 2015

A Filispina Tolea!, maratón radiofónico, este sábado de 11:00 a 21:00 h. (10 anos radio, 10 horas de radio).

Continúan os actos en conmemoración do 10º aniversario das emisións da Rádio FilispiM, 93.9 FMcoa maratón radiofónica "A Filispina Tolea!!!"

O sábado 13 de xuño, dende as 11 da mañá até as 9 da noite, emitiranse 10 horas ao vivo para celebrar os 10 anos de emisións da radio libre e comunitaria de Trasancos que emite dende Ferrol. 

Nesta festa da radio libre haberá músicas en directo, humor, lembranzas, mestura de programas actuais e regreso de voces que foron parte destes 10 anos de radio libre e comunitaria. Serán 10 horas continuadas coas voces do presente, do pasado e do futuro… as voces da túa comunidade!

O Colectivo Opaíí! invita a sintonizar o 93.9 da FM, ou vía streaming neste blog, e a participar a traves do teléfono directo 981.371040. Porque a xente conta!

Lembra: este sábado 13 de xuño entre as 11 da mañá e as 9 da noite… “A Filispina Tolea!!!”. 10 horas de radio ao vivo, 10 anos de vida.

Rádio FilispiM; 10 anos compartindo!


27 maio, 2015

DIVERTIMENTO. Especial blog "Infoderadio" + "La Ciudad en B", Radio Betanzos

Banner do blog "Infoderadio" e parte da equipa de "La Ciudad en B" (Radio Betanzos)











Edición de DIVERTIMENTO para pequenos monstros a Radio Filispim 93.9FM, do venres 22 de maio de 2015. Especial: "A radio local ferrolá mola mogollón (e a de Betanzos tamén)".

Contidos: 
  • Conversa con Roi Carballido, mantedor do blog Info de Radio, e pequena analise da "marabillosa" radio local na nosa comarca.
  •  Conversa cun dos integrantes do proxecto "La Cidad en B"; proposta cidadá de programa de radio que o Concello de Betanzos non está a apoiar, pese a ter coste cero e a que na actualidade a emisora, coma programación local, só emite os plenos do Concello.
  •  Ao final do programa Ana Lucecú e o Pequeno Monstro fixemos o gamberr@.
Conducen e apresentan: Ana Lucecú e o Pequeno Monstro.
Difunden: Rádio FilispiM, 93.9 FM, libre de Ferrol e Rádio Kalimera, 107.9 FM, libre de Compostela.

09 maio, 2015

DIVERTIMENTO - Especial "Ferrol Mola en Eleccións" _ 08/05/2015

Instantanea do especial "Ferrol Mola en Eleccións".

Edición de DIVERTIMENTO para pequenos monstros do venres 8 de maio de 2015, na Rádio Filispim, 93.9 FM, libre e comunitaria dende Ferrol.

Especial, "FERROL MOLA EN ELECCIÓNS".

Coa presenza de:
  • MELI CRIADO. Comandanta en Xefa do blog: http://labocadelaria.blogspot.com
  • XABI PORTO. Comandante en Xefe de ningúen. Espazo Libertario (CNT-Unión Libertaria).
  • PEDRO FERRÁNDEZ. Comandante en Xefe do seu pensamento. Ideologo e pensador no Diario de Ferrol, no seu tempo en Rádio FilispiM, con "Aquiloquevibra".
  • ELENA. Comandante en Xefa da súa natureza. Integrante da Sociedade Galega de Historia Natural, cantante de samba, boas vibracións.
Neste program xuntamos a persoas para falar de política con maiúsculas, que é como fala a xente do pobo. Así, Meli contounos máis da Ria de Ferrol, do Porto e do seu blog (La Boca de La Ría) onde a Ría, coma ser vivo de natureza rebelde que é, toma a palabra. Elena, lembrou a Manolo de Vite, ser humano que soubo pasar polas persoas e terras que camiñou, integrante da Sociedade Galega de Historia Natural. Xabi, falou do 1º de Maio e Pedro pensou en Ferrol. Despois, entre tod@s falamos do inicio da campaña eleitoral en Ferrol... e así pasaron case dúas horas con xente que fala de corazón.

Apresentan e conducen: Ana Lucecú e Pequeno Monstro.

03 maio, 2015

As Marchas da Dignidade de Ferrolterra e a CNT repensaron o 1º de Maio en Ferrol.


Coa perspectiva do vindeiro 22 de outubro, data na que as Marchas de Dignidade convocan unha Folga Xeral en todo o Estado español, o pasado 1º de maio de 2015 tivo lugar en Ferrol unha manifestación convocada polas propias Marchas da Dignidade de Ferroterra e o Sindicato de Oficios varios da CNT na cidade, ao igual que aconteceu en outros puntos do Estado donde as Marchas uniron forzas con este e outros sindicatos alternativos, para por o contraponto a esta data e tentar recuperar a súa esencia, repensando o 1º de Maio.
No caso de Ferrol a manifestación partiu ás 6 da tarde do Cantón e rematou, logo dun longo percorrido por diversos bairros da cidade, na Praza 10 de Marzal, ao pé da estatua en homenaxe aos obreiros abatidos por disparos da policia, de Amador e Daniel, un 10 de marzo de 1972.
Os informativos da Rádio FilispiM seguimos o descorrer da manifestación dende o Cantón até o Praza 10 de Marzo, e realizamos unha pequeña reportaxe sonora coas voces das pesoas participantes, dos colectivos organizadores e finalmente, ao pé ao monumento a Amador e Daniel, recollimos o son do comunicado final confeccionado e lido en conxunto por integrantes das Marchas de Dignidade e dos sindicatos alternativos convocantes a nível de Galiza.
Posteriormente houbo un espazo de micros abertos para quen quixer participar donde ouvíronse diversas voces, coma a dun traballador das contratas de Telefónica que denunciou a ocultación por parte dos medios de comunicación de masas, da folga indefinida que están a levar adiante, pola readmisión dos despedidos e demandando un emprego con dereitos e non esclavo.  Para finalizar outras persoas dos colectivos convocantes en Ferrol, Marchas da Dignidade e CNT, tomaron a palabra e fixeron pequeñas alocucións.        
O Pequeno Monstro para os informativos da libre e comunitaria de Ferrol.

30 abril, 2015

As Marchas da Dignidade e o Sindicato de Oficios Varios da CNT, convocan un 1º de Maio alternativo en Ferrol.


1º de maio alternativo en Ferrol, este venres ás 18:00 no Cantón (Ferrol).

As Marchas da Dignidade e o Sindicato de Oficios varios da CNT, convocan en conxunto unha manifestación en Ferrol o vindeiro 1º de Maio de 2015 as 6 da tarde con saída do Cantón en Ferrol.
Ao igual que noutros puntos do Estado español, as Marchas da Dignidade suman forzas  ao sindicalismo alternativo co obxecto de crear as condicións para unha mobilización de carácter estatal e xeral,  unha folga laboral, social e de consumo para o vindeiro 22 de outubro de 2015.  Con esta mobilización tentarán denunciar un cambio de modelo social, que actualmente condea a maioría da poboazón a vivir na precariedade e na falta total de expectativas.

 En diversas cidades do Estado español son 10 as organizacións que convocan esta mobilización xunto a todos os colectivos sociais e organizacións que conforman as Marchas da Dignidade, baixo o lema “Polo reparto dos traballos e a riqueza: camiñando cara a Folga Xeral”. Sen esquecer a principal consigna da loita das Marchas dende o 22 de marzo de 2014: " Pan, traballo, teito e dignidade".
Segundo os colectivos e sindicatos organizadores “para que toda a poboazón síntase convocada e partícipe da Folga Xeral do vindeiro 22 de outubro de 2015, esta debe plantexarse da forma máis imaxinativa posíbel, tratando de recoller a realidade social que está a mudar”, por iso queren involucrar a toda a sociedade dende xa.

A cita para participar no primeiro de maio alternativo en Ferrol, é o venres 1 de maio as 6 da tarde, con saída do Cantón. Na nosa cidade organizan: as Marchas da Dignidade de Ferrolterra e o Sindicato de Oficios Varios da CNT.

O Pequeno Monstro para os informativos locais da libre e comunitaria de Ferrol.
Montaxe sonora, mobilización Marchas da Dignidade: galizacontrainfo
Related Posts with Thumbnails