Colabora na autogestom!

Triodos Bank: ES06-1491-0001-2120-2936-2023

Titular: Associaçom Cultural OPAíí!! [Ondas Para Ativaçom da Informaçom Independente]

Mostrando postagens com marcador sindicalismo. Mostrar todas as postagens
Mostrando postagens com marcador sindicalismo. Mostrar todas as postagens

03 maio, 2015

As Marchas da Dignidade de Ferrolterra e a CNT repensaron o 1º de Maio en Ferrol.


Coa perspectiva do vindeiro 22 de outubro, data na que as Marchas de Dignidade convocan unha Folga Xeral en todo o Estado español, o pasado 1º de maio de 2015 tivo lugar en Ferrol unha manifestación convocada polas propias Marchas da Dignidade de Ferroterra e o Sindicato de Oficios varios da CNT na cidade, ao igual que aconteceu en outros puntos do Estado donde as Marchas uniron forzas con este e outros sindicatos alternativos, para por o contraponto a esta data e tentar recuperar a súa esencia, repensando o 1º de Maio.
No caso de Ferrol a manifestación partiu ás 6 da tarde do Cantón e rematou, logo dun longo percorrido por diversos bairros da cidade, na Praza 10 de Marzal, ao pé da estatua en homenaxe aos obreiros abatidos por disparos da policia, de Amador e Daniel, un 10 de marzo de 1972.
Os informativos da Rádio FilispiM seguimos o descorrer da manifestación dende o Cantón até o Praza 10 de Marzo, e realizamos unha pequeña reportaxe sonora coas voces das pesoas participantes, dos colectivos organizadores e finalmente, ao pé ao monumento a Amador e Daniel, recollimos o son do comunicado final confeccionado e lido en conxunto por integrantes das Marchas de Dignidade e dos sindicatos alternativos convocantes a nível de Galiza.
Posteriormente houbo un espazo de micros abertos para quen quixer participar donde ouvíronse diversas voces, coma a dun traballador das contratas de Telefónica que denunciou a ocultación por parte dos medios de comunicación de masas, da folga indefinida que están a levar adiante, pola readmisión dos despedidos e demandando un emprego con dereitos e non esclavo.  Para finalizar outras persoas dos colectivos convocantes en Ferrol, Marchas da Dignidade e CNT, tomaron a palabra e fixeron pequeñas alocucións.        
O Pequeno Monstro para os informativos da libre e comunitaria de Ferrol.

26 abril, 2015

As constantes vitais da Sanidade Pública en Ferrolterra, a análise.

Esta semana as constantes vitais da Sanidade Pública, na nosa comarca, foron analisadas en Escarnio.

O pasado xoves, no tempo do programa Escarnio, que emite Rádio FilispiM, falou Francisco Xavier Igleisas, delegado da CIG – Saúde en Ferrol. Durante boa parte do programa contou os atrancos que deben sortear as traballadoras da sanidade pública da Comarca de Ferrol, no día a día do seu traballo, facendo fronte a falta de persoal e de recursos imprescindíbeis para prestar un servizo público de calidade, fundamental, como é o da saúde pública.

O delegado sindical puxo de manifestó a vangarda, canto a defensa de dereitos, na que está a Comarca de Ferrol, que conta cunha Plataforma en Defensa da Sanidade Pública moi activa. Ademáis, falou de como sectores máis sensíbeis da poboazón están a sofrer de maneira especial os recortes sanitarios, mesmo na atención primaria, como é o caso do colectivo de inmigrantes, e mesmo da represión sindical que exerce a Consellaría de Sanidade diante das mobilizacións das traballadoras e delegad@s sindicais. Así, lembrou o acontecido en febrero de 2014 cando dous delegados da CIG foron trasladados a Comisaría Ferrolá para a súa identificación e posteriormente sancionados. Acontecía trala visita da Conselleira ao Hospital Arquitecto Marcide, previo desaloxo das traballadoras do seu propio centro de traballo, por uns 15 antidistubios, todo esto dentro das instalación do hospital público ferrolán. A día de hoxe os dous sindicalistas seguen pendentes de xuizo.

Escoitamos ao delegado de CIG Saúde Francisco Xavier Iglesias, no programa Escarnio de Rádio FilispiM, o pasado xoves.

Informou o Pequeno Monstro para a libre e comunitaria de Ferrol.

19 março, 2015

A Igrexa e a policía española seguen a ocultar información sobre Marzo do 72

Tempo de información local na Rádio FilispiM.
A Igrexa e a policía seguen a ocultar información sobre Marzo do 72.
Testemuño 1

Testemuño 2

Testemuño 3


Este mes de marzo de 2015 cumpríronse 43 anos dos terríbeis sucesos de marzo do 72 na comarca de Ferrol.

Coincidindo con esta data, apresentouse no Ateneo Ferrolán o volume “Informes diversos de los sucesos de Ferrol. 10 de marzo de 1972” (publicado por Liber Factory) , escrito pola profesora da Universidade Complutenese de Madrid, Rosa Cal, quen ofereceu novos datos sobre aquel marzo do 72 en Ferrol, que rematou co asasinato, por parte da policía, dos traballadores dos astelerios, Amador e Daniel, cuxas figuran ficaron inmortalizadas na escultura ao carón do IES Ferrolterra, a altura das Pías.

Según a autora do novo estudio, Rosa Cal, os feitos seguen tendo dúas visións ben diferentes: a dos que están a favor e en contra dos obreiros. No segundo caso estaría a policía, e no primeiro, todos os demais. No caso da Policía Armada o informe da época é unha vergoña: non fala nin dos obreiros mortos nin dos feridos. Tristemente, 43 anos despois os documentos, que consta existen nos arquivos da Policia, seguén a estar vetados aos investigadores... 43 anos despois dos sucesos.

Asi, Rosa Cal, na súa investigación para a redacción deste novo volume “Informes diversos de los sucesos de Ferrol. 10 de marzo de 1972”, afirma que no arquivo do Reino de Galicia da Coruña, ou o do Arquivo Militar do Noroeste en Ferrol, tiveron unha excelente disposición a hora de facilitarlle acceso a documentación da época; mais, canto aos arquivos policiais, aseguraronlle á autora que “non tiñan nada”, polo que non puido acceder as dúas caixas que si consta existen nos arquivos policiais sobre os sucesos.

Canto ao arquivos da Igrexa, ao non ter arquivo histórico, a historiadora acudiu a conferencia epicopal dos Obispos. Unha vez alí, aseguráronlle que “algo sabían”, mais que non podian facilitar documento algún até transcorridos 80 anos...

A policia e a Igrexa seguen a ocutar información sobre marzo do 72; 43 anos despois dos sucesos que acabaron coa vida dos traballadores dos asteleiros ferroláns Amador e Daniel a disparos da policia, e con centros de feridos e represaliados pola autoridade fascista do momento, sendo ademáis o inicio dunha espiral de represión, e dun punto de inflexión na luita obreira a nível de todo estado, que tería como cenario Ferrol e coma protagonistas a sua clase obreira.

No programa de Rádio FilispiM, "Escarnio" adicaron un tempo a estes sucesos, recollendo algunhas das voces dos testemuños vivos daqueles dias... escoitámolos:

Informou o Pequeno Monstro para a libre e comunitaria de Ferrol.
Fonte documental: Diario de Ferrol,, libro de Rosa Cal "Informes diversos de los sucesos de Ferrol. 10 de marzo de 1972.

09 janeiro, 2015

O fin do veto a construcción civil en Navantia, chegou polo Nadal.


O fin do veto a construcción civil en Navantia, chegou polo Nadal.

O fin do veto á construción civil de Navantia chegou tarde, cuns estaleiros fóra de xogo do duro mercado internacional, coas gruas paradas e cunha boa parte da man de obra formando parte das listas de desemprego.  A pesar da esperanza que xera a posibilidade de que as antiguas Astano e Bazán poidan volver a construcción civil e do "navideño" anuncio do vicepresidente da Comisión Europea (CE) e responsable de Competencia, Joaquín Almunia, a sensación entre o cadro de persoal é que se trata unicamente dunha medida de distracción... 

Mais, que aconteu dende aquel primer veto, hai trinta anos, até hoxe? (...) -escoita o audio-

 

O fin da veto a construcción civil chegou polo Nadal. Dende os Informativos de Rádio FilispiM, animamos aos Xestores mediocres do público a marchar, para que a oportunicade de volver a producir e ser competitivos se poida materializar dende xa.

Informou o Pequeno Monstro para libre e comunitaria de Ferrol, Rádio FilispiM, 93.9 FM

27 novembro, 2014

As orixes ferrolás das CC.OO, fala Rafael Pillado.

Audio tirado da charla que Rafael Pillado deu o pasado 21/11/2014 na sede do sindicato en Ferrol, verbo das orixes das CC.OO. Pillado, que en 1979 fora elixido lider do Partido Comunista en Galicia, conta en primeira persoa o nacemento das CC.OO. En Marzo do 1972, Pillado e Julio Aneiros foran protagonistas, xunto un moitos traballadores dos asteleiros ferroláns, dos tráxicos sucesos daquel mes, nos que a policia española e fascista asasinaba aos traballadores Amador e Daniel, rematando eles dous en prisión no que foi o inicio dunha espiral de represión...


Podes ouvir a charla completa (e posterior coloquio con Eugenio Pereiro e público), aquí: http://www.ivoox.com/charla-rafael-pillado (en breve emisión da charla completa no tempo de "Programas Especiais", sábados as 18:00 h.)

Redacción Informativos, Rádio FilispiM.

03 novembro, 2014

Boletín Informativo (Parte de Guerra, nº 3) Escarnio.


Coma todas as semanas, nos Informativos da Rádio FilispiM rescatamos o Boletín informativo (Parte de Guerra nº 3) emitido dentro do programa Escarnio, coas novas máis salientábeis do local ao internacional, máis unha análise da organización e incidencia da pasada folga estudiantil na nosa bisbarra.



Redacción Informativos de Rádio FilispiM

O sindicato COG (Central Obreira Galega) acada un excelente resultado en Mercadona


Pese as presións da empresa e dos sindicatos maioritarios a sección sindical da COG en Mercadona, (Central Obreira Galega), vén de acadar un estupendo apoio entre o cadro de persoal,  nas eleccións a representantes sindicais no potente e influinte grupo empresarial Mercadona na provincia de A Coruña. Na última edición do programa Escarnio, conversaron con André, un dos novos delegados da COG, quen avaliou este resultado e puxo de manifesto os compadreos entre as "forzas sindicais clásicas" coa empresa, explicando como acabou marchando das CC.OO. para integrarse na COG co obxecto de poder asumir unha delegación sindical coherente coa defensa dos traballadores. Escoitamos un extracto dese audio...



Redacción Informativos Rádio FilispiM.

24 outubro, 2014

Xaquín García Sinde, vetado polo CNI en Navantia.

Extracto da entrevista realizada a Xaquín García Sinde, enxeñeiro técnico e integrante de CC.OO. (sector crítico) quen foi vetado polo CNI (Centro Nacional de Inteligencia español) na libre circulación polas instalacións de Navantia, ao serlle denegada a "Habilitación de Personal de Seguridad" (HPS) que tiña solicitada. García Sinde traballa nos asteleiros de Navantia-Ferrol dende hai 34 anos, e nunca foi amonestado nin expedientado, non ten antecedentes penais e nen sequer foi detido. Según a normativa vixente, a acreditación HPS pódese denegar a quen "demostrou, de obra ou palabra, falta de honradez, deslealdade, falta de fiabilidade, non ser de confianza ou indiscreción".


Fonte do audio: programa O Recuncho (mércores, 22/10/2014).

Redacción Informativos de Rádio FilispiM.

20 setembro, 2014

Concentración en Apoio ao Ateneo Ferrolán, 16/09/2014. Recortes sonoros.


O pasado martes 16 de setembro de 2014, máis de 500 persoas achegáronse a Praza do Concello de Ferrol para APOIAR ao Ateneo Ferrolán, fronte ao acoso do actual goberno do PP en Ferrol, co seu Alcalde, José Manuel Rey Varela como máximo responsábel. O acto serviu para constatar a concienciación da cidadanía, ante a desfeita e mala fé co tecido cultural, por parte de Manuel Reyes-Hurtado, Concelleiro de Cultura. Un auténtico despropósito sen precendentes, canto a xestión cultural e relación coas Asociacións e Colectivos, que pasará a historia por "inesquecíbel", unha auténtica filigrana do enredo.

A presente reportaxe sonora, rexistrada pola equipa de Informativos de Rádio FilispiM, 93.9 FM, libre e comunitaria,  recolle as opinións de cidadáns e cidadás, comunicados dalgúns dos colectivos e asociacións que participaron no acto, da representante da sección sindical da CNT, do presidente do Ateneo, así coma o Manifesto da asinado polo Ateneo e refrendado por numerosos colectivos.

Recortes sonoros (1). 
- Guillermo, un cidadá. 
- Ismael e Mónica, cidadás.
- Fer, integrante de Fuco Buxán, Colectivo Opai!!-Rádio FilispiM e Ateneo Ferrolán. 


Recortes sonoros (2). 
- Comunicado integrante da Asociación Memoria Histórica Democrática (extracto).
- Comunicado Sección Sindical CNT no Ateneo.
- Eliseo Fernández, presidente do Ateneo Ferrolán. 


Recortes sonoros (3). 
- Manifesto do Ateneo Ferrolán, lido pola integrante da Asociación, Ángeles Seoane.
- Helga, actriz e integrante do Ateneo. Canto de Amor e Liberdade (letra de Nina Simone).

- Voces das persoas asistentes: "Non ao roubo do Ateneo!!!!!".
Recortes sonoros (4). 
- Karloti, Guillermo, José Luis e Manolo, cidadáns. 
- Aina e Gabi, meniñ@s (5 e 6 anos respeitivamente). 
- Gloria e Manola, cidadás maiores. 
- Carmen, cidadá. 


+ info: campaña http://salvemosoateneo.blogspot.com

Redacción informativos Rádio FilispiM.

08 março, 2014

Divertimento - Especial II Xornadas 10 Março ´72 do Colectivo Chimarrao & conversa con Machina.


Nova edición de Divertimento para pequenos monstros, en pleno Entroido, donde Ana Lucecú veu do revés o Pequeno Monstro locutou facendo o pino e os nosos convidados se intercambiaron a roupa. Ademáis, os nosos ouvintes permaneceron espidos durante todo o programa... Quen da máis?

Contiúdos:

  • Axenda Divertimento.
  • Especial 10 de Março. No estudio integrantes do Coletivo Chimarrao, que falaron das II Jornadas conmemorando o 10 de Março do 72, que principiarán o martes 11 deste mes. Ademáis, falamos con integrantes de MACHINA, que fecharán as Xornadas o sábado 15 xunto a banda local XAVONAROLA nun concerto no Chimarrao, Berton-Ferrol (+ info: https://www.facebook.com/events/357305967741117/).
  • Destruimos aínda máis Ferrol Vello.
Apresentan: Ana Lucecú & Pequeno Monstro. 
Emiten: Rádio Filispim Colectivo OpaiiCuac FM e Rádio A Kalimera Rádio Livre



Todos os programas en:  http://pequenosmonstros.blogspot.com

06 março, 2014

II Jornadas do 10 de Marzo, Colectivo Chimarrao (Bertom-Ferrol).




II Jornadas do 10 de Marzo, Colectivo Chimarrao (Bertom-Ferrol).
1972 - 2014: Reencaminhando as luitas obreiras

Este ano as jornadas organizadas polo Coletivo Chimarrao em comemoraçom do 10 Março do 72 constarám de diversas atividades ao longo da se gunda semana de Março.

Empezaremos a terça 11 de Março às 19:00 horas na A.V. de Esteiro (Rua Fernando VI no bloque I), com umha palestra baixo o título "Autoorganizaçom obreira, sujeito, modelo, alcance e repressom", na que intervirám: Xam Lopes, Fernando Ramos Armesto e um membro da CNT.

Seguiremos a quinta 13 de Março às 19:00 horas no Ateneo Ferrolám (Rua Magdalena 202-204), com outra palestra entitulada "Dinamizaçom da luita obreira", em ela falarám-nós Inácio Mártinez e um membro da CNT.

Continuaremos a sexta 14 de Março às 19:00 horas na Galeria Sargadelos (Rua Rubalcaba 30-32) com a última das palestras baixo o nome "Discriminaçom sexual por grémios e sexualizaçom do trabalho", como ponhentes teremos a Lupe Cés e Lola Ferreiro.

Para rematar o Sábado 15 de Março às 21:00 (sede pontuais) teremos no Bar Chimarrao (Rua sartanha 61) o concerto de Machina e Savonarola. A entrada será de balde.
Evento no facebook:
coletivochimarrao@gmail.com
www.facebook.com/coletivo.chimarrao

Fonte: Colectivo Chimarrao - Ferrol
Audios: informativos de Rádio FilispiM.

Nova completa:

Cunha radio:

02 março, 2014

DIVERTIMENTO - Marchas da Dignidade - Alianza Social Galega - Represión Sindical - Especial Voluntariado UDC Campus Esteiro-Ferrol.


Nova edición de Divertimento para Pequenos Monstros. Dúas horas de contidos interestelares.
  • Pan, teito e dignidade. Quentando motores para as Marchas da Dignidade que confluirán en Madrid o vindeiro 22 de marzo de 2014. Comunicado final da manifestación do pasado mércores 26 de febreiro en Ferrol. 
  • Para variar, escoitamos a versión dos sindicalistas detidos pola policía en Ferrol, por defender a Sanidade Pública. 
  • Manifestacións da Alianza Social Galega no país, tamén en Ferrol. Aconteceu o pasado xoves 17 de febreiro. Escoitamos o comunicado final. 
  • Especial Voluntariado da UDC-Campus Esteiro. Conversamos con Vanessa Míguez (Técnica da Oficina de Cooperación e Voluntariado da Univ. da Coruña - Campus Ferrol), Aroa Fandiño (coordenadora), Daniel Pena e Lorena López. Durante case unha hora pronfundamos verbo do programa de voluntariado no que traballan, a educación para o desenvolvemento. 
Apresenta e conduce: Pequeno Monstro.
Difunden: Rádio Filispim (Ferrol), Rádio Kalimera (Compostela) e Cuac FM (A Coruña).
Programa completo:


Escoita aquí o Especial Voluntariado UDC Campus Esteiro-Ferrol:

+ info: http://pequenosmonstros.blogspot.com

04 dezembro, 2013

Novas Locais. FOTOGRAFIAS SONORAS, Manifestación 01/12/2103, Ferrol.


Manhá do domingo 1 de decembro de 2013. Vai friaxe en Ferrol, mais está despexado. O que non semella tan claro é o futuro que se cerne sobre a Comarca de Ferrolterra, unha negra sombra alimentada polas erráticas e malintencionadas políticas e por aqueles que as consinten... Mais, a poboazón de Ferrol e Comarca non perdeu a dignidade e, unha vez máis, tomou as rúas nunha xornada especialmente reividicativa e dura. Manhá non haberá traballo. A equipa de Informativos de Rádio FilispiM colleu un micro, vontade e realizou ista serie de fotografias sonoras con voces ben diversas, non só as das "grandes siglas", senón as das pequenas organizacións e, sobre todo, as voces da xente, persoas humanas con voz propia. Isto foi o que aconteceu...

Recortes sonoros (1). Manifestación - Ferrol 01/12/2013:
1. Praza Inferninho. Antes de partir, mulher comprometida.
2. Comeza a manifestación, dúas mozas de 18 anos.
3. Estrada Castela, dous xubilados no naval.
4. Perto de Praza España, nai trintañeira con neno pequeno.



Recortes sonoros (2):
1. Perto de Praza Espanha, tres xubilados.
2. Praza Espanha. Bruno, Nos-UP.
3. Praza Espanha. Nai e filla, 38 e 51 anos.



Recortes sonoros (3):
1. Rúa do Sol. Pepe Leira, Sociólogo e profesor universitario do Campus de Ferrol.
2. Os reporteiros da FilispiM avalliando a manifestación, a pé de micro.



Recortes sonoros (4):
1. Rua do Sol. Trabalhadora dun Restaurante ás portas do negocio vendo pasar a marea humana.
2. Rua do Sol a altura da Praza de Armas. Visión da manifestación dos reporteiros de Rádio FilispIM.
3. Praza de Armas, Manolo Cendán - PSOE-Ferrol



Recortes sonoros (5):
1. Praza de Armas, rapaza 32 anos.
2. Senhora que vai en direccion contraria a manifestación.
3. Joam Lopes. CIG Admón-Ferrol.
4. Senhora que vai en dirección contraria a manifestación (reprise).



Recortes sonoros (6):
1. - Praza de Armas. Xuventudes Comunistas, Jacobo e Begoña.
2. - Escadas da Praza de Armas. Plataforma Nunca Máis, Nes.



Recortes sonoros (7):
1. Praza de Armas, rapaz e rapaza 18 anos.
2. Escadas Praza Armas, Victor Ledo, Secretario General Federación de Industria CCOO.



Recortes sonoros (8):
1. Praza de Armas, rapaza 32 anos.
2. Praza de Armas.  Xabi. CNT Ferrol,



Recortes sonoros (9):
1. Praza de Armas, fin manifestación. Ibán Rivas, BNG Ferrol.
2. Praza de Armas. Jorge Suárez. EU-IU Ferrol.



Recortes sonoros (10):
1. Rematada a manifestación, ao pé das escadas da Praza de Armas. Jorge Porto, El Militante.



Recortes sonoros (11):
1. Estrada de Castela, perto da Praza Espanha. Tres xubilados indignados.
2. Muller con presas en dirección contraria a manifestación.
3. Praza de Armas, findou a manifestación. Nai nova co seu fillo de 6 anos.



Audios producidos polo grupo de Traballo de Informativos de Rádio FilispiM, 93.9 FM (libre e comunitaria). Redacción Informativos.

01 dezembro, 2013

Novas Locais. Ferrolterra ESIXE solucións. Audios concentración `Noite Defuntos´.


Na noite do pasado venres 29 de novembro de 2013, milleiros de persoas achegáronse á Praza de Armas de Ferrol, `armados´ de cabazas e fachos, secundado a convocatoria da práctica totalidade dos sindicatos da comarca en defensa do Sector Naval e baixo a mesma bandeira e lema, Ferrolterra Esixe Solucións´. O obxectivo, unir as conciencias dun xeito simbólico, para facer fronte a Longa Noite de Pedra que se aveciña ante a nula carteira de pedidos dos Asteleiros da Comarca, como consecuencia da neglixente xestión dos responsábeis políticos. Daquela, compre mobilizarnos.

Tras desa noite reivindicativa, aínda vivas as sombras dos fachos acendidos e das formas amezantes da cabazas, todo está preparado para que este domingo 1 de decembro de 2013 conflúan, nunha mesma MANIFESTACIÓN, dúas luitas: a da defensa do Naval e a da indignación pola recente sentenza do Prestige. A manifestación, que se prevé multitudinaria, partirá este domingo as 12:30 h. da praza do Inferniño.

Dende os informativos de Rádio FilispiM, animámosvos a sair hoxe domingo á rúa e unirse a convocatoria, donde todas as siglas, colectivos e persoas marcharán cun mesmo obxectivo, como ciudadáns éticamente incombustíbeis non resignados.

Audio: tirado do video producido polo Colectivo Ártabra 21 e editado polo grupo de traballo de Informativos de RFM.



Pequeno Monstro, Redacción Informativos de Rádio FilispiM.

22 outubro, 2013

Novas Locais. Comunicado da sección sindical da CNT no Ateneo ante impagos de nóminas e seguridade social do cadro de persoal.


No transcurso do programa especial "FilispiM vai ... ao Ateneo Ferrolán", do pasado venres 18 de outubro de 2013, chegou a nosa redacción un comunicado da sección sindical da CNT no Ateneo, donde se denuncia o impago de nóminas e débedas a seguridade social relativas ao cadro de persoal, dos que se responsabiliza a actual directiva do Ateneo. Transcribimos de seguido o comunicado completo en texto e audio:

"A Sección Sindical da CNT no Ateneo Ferrolán quere denunciar publicamente que nos últimos 10 meses a entidade endebeda 3 nóminas e media aos/as traballadores/as e ten pendente o pagamento de varias cotas dos seguros sociais. A complicada situación económica da entidade non impide que se fixeran outros pagos aprazables ou prescindibles, en troques de priorizar o pagamento das nóminas e os seguros sociais do cadro de persoal.

Sorpréndenos enormemente as declaracións nos medios de comunicación de Rosa Méndez (secretaria do Ateneo) e de Ramón Veloso (presidente) nas que declaran sentirse satisfeitos pola xestión levada a cabo nos case que dous anos na Xunta Directiva, pois foi precisamente neste período cando a situación laboral das traballadoras e traballadores empeorou notablemente.

A Sección Sindical da CNT no Ateneo Ferrolán considera nefasta a xestión por parte de todos os membros desta Xunta Directiva e unha deixadez nas súas funcións."

Sección Sindical CNT no Ateneo Ferrolán

18 de outubro de 2013

01 outubro, 2013

DIVERTIMENTO - Xornada dos CUO en Ferrol - Especial feminismo, Marcha Mundial das Mulleres.


Divertimento para pequenos monstros do venres 27 de setembro de 2013. Dúas horas de monstrosos contiúdos...
  • Contacto telefónico cos CUO Ferrol (Comités pola Unidade Obreira) para nos falar da charla que celebrarán o venres 27 de setembro na Galería Sargadelos de Ferrol, baixo o título "A experiencia dos CUO na loita do carbón asturiano. A unidade obreira, unha necesidade".
  • Especial feminismo, coa presenza de integrantes da Marcha Mundial das Mulleres de Ferrolterra, falando da súa orixe, da súa tensa relación co Grupo de Goberno do dereitista PP en Ferrol, das Xornadas "Feminismo en Obras" do 5 de outubro en Narón (A Coruña) e da manifestación polo dereito ao aborto este sábado 28 de setembro de 2013 en Compostela. 
Conduciu o especial feminismo: Paula Meizoso.
Apresentaron e conduciron Divertimento: Ana Lucecú e André "Pequeño Monstro".
Emisión: Rádio FilispiM (Ferrol), Rádio Kalimera (Compostela) e Cuac FM de Corunha. 

Nota: enlace audio substituido polo correcto.

21 junho, 2013

DIVERTIMENTO - CUO, Comités pola Unidade Obreira (Galiza) - CARRERO BIANCO, "Horror, horror!", Synth pop (Ferrol).


DIVERTIMENTO para pequenos monstros, edición do xoves 20/06/2013.

Contidos:
  • Conversa con Josechu integrante de C.U.O. Galiza (Comités pola Unidade Obreira), que nos explica quen son e o porque da súa organización.
  • Entrevista especial con tres dos catro integrantes de CARRERO BIANCO (Toni, Quincho e Carlota), apresentando a súa nova demo, adianto do seu novo álbum: "Horror, horror!". Electro pop alienígena dende Ferrol.
  • Axenda Divertimento.
Apresenta e conduce: Pequeno Monstro.

Todos os programas en: http://pequenosmonstros.blogspot.com

01 maio, 2013

NOVAS LOCAIS. Audios comunicado manifestación 1º maio da CIG en Ferrol.



Ao longo desta xornada do 1º de maio de 2013 milleiros de traballadores e traballadoras da nosa comarca se mobilizaron en Ferrol, secundando as tres convocatorias das diferentes organizacións e sindicatos con presenza na comarca.

Nesta primeira toma de pulso ao acontecido nesta xornada, oferecemos o audio dos comunicados lidos ao findar a manifestación do sindicato CIG no Cantón de Ferrol.

Comunicado Manifestación CIG 1º Maio Ferrol (1ª parte: Anxo Pintos).
Comunicado Manifestación CIG 1º Maio Ferrol (2ª parte: Manuel Grandal).

Comunicado Maniffestación CIG 1º Maio Ferrol (3º parte: convocatoria en defensa do ensino público).

Redacción Informativos RFM

16 abril, 2013

NOVAS LOCAIS. Ferrol en ruínas, estaleiros que caen derrubados, corvos, lume e coches destruídos.


O Concello de Ferrol en ruínas, estaleiros que caen derrubados, corvos, lume e coches destruídos. Ese é o panorama que poden atopar aqueles que visiten a cidade. Son as fotografías-ficción do enxeñeiro naval, traballador de Navantia e artista Edu Pereira. "Matan ao naval. Desastre comarcal", rezan estas vallas publicitarias que intentan axitar a conciencia da cidadanía ante o drama ao que se asoma o sector da comarca.

As enormes imaxes pretenden chamar a atención sobre a situación na que quedaría a conmarca se o naval desaparece. Tres enormes carteis (de oito por tres metros) que se poden ver fronte ao Alcampo, así como nas estradas de Catabois ou Castela. Un intento por amosar a importancia dun sector "estratéxico" e do que "dependen todos" en Ferrol e que vai camiño do desastre, tal e como denuncia o comité de empresa, que este mércores presentou estas vallas publicitarias que pretenden chamar a atención sobre a situación dunha comarca que alcanza uns niveis de paro récord en Galicia e sobre o que suporía "que os estaleiros desaparecesen".

Edu Pereira, o fotógrafo autor destas imaxes dos carteis, explica a Praza que a idea xurdiu nas mesmas instalacións de Navantia, onde el traballa. "Alguén do comité de empresa viu os traballos que se basean na idea dun Ferrol deserto, da situación fantasmagórica na que quedaría a cidade se os estaleiros continúan nesta progresiva destrución; ocorréuselles utilizalas como parte dunha campaña de impacto visual para chamar a atención sobre a gravidade do que estamos a pasar", conta. "Se cadra unha imaxe vale máis que mil palabras; levamos moito tempo manifestándonos e repetindo lemas".

Daquela, Pereira ampliou as fotografías, modificounas e engadiulles outros elementos representativos da comarca, como o Concello de Narón ou o Castelo de Fene. "Posiblemente unha imaxe valla máis que mil palabras; levamos moito tempo manifestándonos e repetindo lemas...".
Fonte: xornal Praza Pública

Ir a descargar

Redacción Informativos RFM

01 abril, 2013

NOVAS LOCAIS. A procesión da Confraría do Flotel sacou o seu Trono reivindicativo, pese ao mal tempo.


A Semana Santa ferrolá acolleu actos actos reivindicativos dignos de mención. Até fai uns anos o Colectivo OPAÍÍ! organizaba en xoves Santo o  “Conspirando por unha radio libre”, en defensa e promoción de radios como a que estas a escoitar, Radio Filispim. 

Desta vez, por segundo ano consecutivo, fomos testemuñas dunha verdadeira procesión, con bastantes máis motivacións que as relixiosas. A pesar do mal tempo, que dende logo non acompañou, a "procesión" da Cofradía do Flotel saíu o martes 26 de marzo de 2013 polas rúas de Ferrol. Muitas persoas operarias do naval ferrolá enarbolaron buzos de traballo e reclamaron, unha vez máis, carga de traballo para os estaleiros da Ría. O Trono representaba o buque flotel, supostamente encargado a empresa petroleira mexicana Pemex pola Xunta de Galicia.

Lembremos que máis de 2.000 traballadoras e traballadoras foron despedidos das factorías de Ferrol e Fene nos últimos meses. A falta de previsión de carga de traballo, fai aparecer a sombra do desemprego masivo no naval ferrolá. A redución salarial e pode que un expediente de regulación de emprego formen parte das previsións da dirección da SEPI. As traballadoras e traballadores de Navantia seguen en loita, con moita 'Carga de Dignidade', esixindo carga de traballo.
Ir a descargar
Redacción informativos RFM.
Related Posts with Thumbnails