Colabora na autogestom!
Triodos Bank: ES06-1491-0001-2120-2936-2023
Titular: Associaçom Cultural OPAíí!! [Ondas Para Ativaçom da Informaçom Independente]
Mostrando postagens com marcador Novas Locais. Mostrar todas as postagens
Mostrando postagens com marcador Novas Locais. Mostrar todas as postagens
26 maio, 2018
13 abril, 2018
FilispiM vai ás VI Xornadas de Enfermaría Familiar e Comunitaria, 14 de abril 2018 no Hospital Naval de Ferrol.
Este sábado 14 de abril, a partir das 10:45 am, dende o Áula Nodo de Innovación do Hospital Naval de Ferrol: “FilispiM vai ás VI Xornadas de Enfermería Familiar e Comunitaria.”
Gravación ao vivo coa participación do persoal técnico e sanitario especializado en enfermaría comunitaria: enfermeiras, sicólocos clínicos, traballadoras sociais, médicos, xestoras sanitarias e responsábeis de formación…
“Filispim vai ás VI Xornadas de Enfermería Familiar e Comunitaria”. Este sábado 14 de abril a partir das 10:45 am. Entrada libre.
Emisión en diferido o sábado 21 de abril a partir das 7 da tarde, en Rádio FilispiM, 93.9 FM
Rádio FilispiM, nacida libre.
(promo)
17 março, 2017
Nova Local - Lectura do comunicado na Concentración en EMAFESA pola Plataforma Pola Remunicipalización.
Audio da lectura do comunicado da Plataforma na Defensa dos Servizos Públicos, pola Remunicipalización, na concentración en Ferrol polo Saneamento contra a Taxa,
por unha EMAFESA cen por cen Pública, o pasado mércores 1 de marzo, ás
doce do mediodía, na Praza da Ilustración.
>
02 janeiro, 2017
Concentración de denuncia polos últimos feminicidios, 20 Dez 2016
O pasado Martes 20 de Decembro de 2016, ás oito da tarde, persoas, partidos e diferentes asociacións da comarca, concentráronse diante da Casa do Concello de Ferrol, como no resto das cidades de Galiza, para denunciar os últimos feminicidios, convocados pola Marcha Mundial das Mulleres. #oMachismoMata
30 junho, 2016
22 junho, 2016
Lectura do manifesto unitário en apoio às pessoas refugiadas, Ferrol 19-06-2016
No passado domingo, 19 de Junho de 2016, a Rede Galega em Apoio às Pessoas Refugiadas de Ferrolterra, mobilizou-se nas ruas de Ferrol, saindo em manifestaçom até o Cantom, onde numha concentraçom, na que o voluntário, recem chegado de Idomeni, Alberto Amieiros, deu leitura ao manifesto unitário:
"Rachemos com as fronteiras. Nom, às guerras!"
"Rachemos com as fronteiras. Nom, às guerras!"
14 junho, 2016
28 abril, 2016
O Tribunal Supremo anula o projecto de execuçom de Reganosa
O Tribunal Supremo vem de decidir este joves 28 de abril a anulaçom do projecto de construçom da planta de gás de Reganosa.
A sentença do Supremo é firme e une-se à que há um mês deitou abaixo a autorizaçom prévia da instalação e obriga ao Governo em funçons a conceder-lhe novas permissos nas próximas semanas ou a decretar a paralisaçom da sua actividade.
A sentença era esperada, em coerência com o decidido há umhas semanas.
Reganosa está agora obrigada a solicitar a autorizaçom prévia e o projecto construtivo ao Governo em funçons.
O Ministro de Indústria -que agora é Luis de Guindos- deve decidir através da Direcçom-Geral de Política Energética e Minas se paralisa a actividade da regasificadora ou lhe concede estas novas autorizaçons.
O texto da sala do Contencioso-Administrativo do Tribunal Supremo, conhecido este joves, assinala que a ilegalidade da autorizaçom administrativa prévia decretada há umhas semanas faz com que "todo o procedimento de desenvolvimento ou posta em execuçom dessa autorizaçom" incorra "na mesma falta de adequaçom à normativa urbanística".
Informou Cholo para Rádio FilispiM
20 abril, 2016
Festival dos 40 anos do Ateneo Ferrolán. Venres 29 de abril as 9:30 pm, Super 8
Venres 29 de abril de 2016, ás 9:30 da noite, na sá Super 8 de Ferrol.
Festival musical en conmemoración dos 40 anos da refundación do Ateneo Ferrolán.
Coas actuacións de:Jaimie Fithring, Adóbriga e Os Derradeiros.
Apresenta: Cris Moreira.
.. fin de festa con Disque toca Djs de Rádio FilispiM. Sorteos e sorpresas. Entrada 5€.
Promo:
12 abril, 2016
IV Xornada sobre o maltrato á infancia e á adolescencia de AGAMME
AGAMME, A Asociación Galega contra o Maltrato a Menores en colaboración com o Concello de Ferrol e o Ateneo Ferrolán, organiza este Venres 15 de Abril, a partir das cinco da tarde no Ateneo Ferrolán as súas IV Xornadas sobre o maltrato á infancia e á adolescencia.
Analizarán o impacto sobre os dereitos das vítimas menores de idade que supón o novo marco normativo de infancia.
INTERVIRÁN:
- A Psicóloga Sonia Vaccaro, experta en vitimoloxía e avaliación do testemuño infantil.
- O profesor de dereito Penal da Universidade da Coruña José Antonio Ramos, investigador das modificacións do Código Penal en materia de violencia sexual contra menores de idade.
- A Psicóloga Clínica Felisa Balboa que nos falará da súa experiencia como traballadora no Centro Municipal de Información dos Dereitos da Muller do Concello de Vigo, especialmente no relativo aos dereitos da infancia en casos de violencia de xénero.
11 abril, 2016
FilispiM vai a La Espuma, este sábado 16 de abril ao vivo en r/ Igrexa, 90
Este sábado 16 de abril de 2016 "FilispiM vai a ... La Espuma".
Faremos radio ao vivo, contaremos historias de ultramarinos centenarios coma El Rápido e probaremos cervexa artesá e delicatessem... e haberá música, con Jaimie Fithring.
Lembra, non é unha festa da espuma... é o FilispiM vai a La Espuma. Delicatessemmmm, rapaz@
Acude a gravación ao vivo este sábado 16 a partir das 18:00 horas, en La Espuma (R/ Igrexa, 90).
Escoitao en diferido a partir do sábado 23 de abril ás 19:00 hrs en Rádio FilispiM, 93.9 FM.
Rádio FilispM, 10 anos compartindo.
Promo:
Faremos radio ao vivo, contaremos historias de ultramarinos centenarios coma El Rápido e probaremos cervexa artesá e delicatessem... e haberá música, con Jaimie Fithring.
Lembra, non é unha festa da espuma... é o FilispiM vai a La Espuma. Delicatessemmmm, rapaz@
Acude a gravación ao vivo este sábado 16 a partir das 18:00 horas, en La Espuma (R/ Igrexa, 90).
Escoitao en diferido a partir do sábado 23 de abril ás 19:00 hrs en Rádio FilispiM, 93.9 FM.
Rádio FilispM, 10 anos compartindo.
Promo:
01 abril, 2016
Festival 40 anos da refundación do Ateneo Ferrolán, sábado 16 de abril, Carvalho Calero.
O Ateneo Ferrolán vén de cumprir 40 anos da súa refundación. O sábado 16 de abril de 2016 dende as 6 da tarde, celébrao con nós no Centro Cultural Carvalho Calero de Ferrol. Música, teatro, poesía, sorteos e moitas sorpresas.
Lembra. Festival solidario co Ateneo Ferrolán, en conmemoración do 40 aniversario da súa refundación. O sábado 16 de abril as 6 da tarde, no Carvalho Calero. Entrada de balde. Agardámoste!!
Ateneo Ferrolán, un encontro para a Cultura.
Promo Rádio FilispiM:
25 março, 2016
VIII Conspirando por umha Rádio Livre
O VIII Conspirando por umha Rádio Livre, será o joves 24 de Março de 2016 às 22h:00hs. na Sala Super8 de Ferrol.
Com as atuaçons das bandas ferrolás:
ALBERTO KNOX
BLAH!
ESPEJOS Y DIAMANTES
Petiscos, Photocall e sorteio de camisolas filispinianas, e para rematar a festa, pinchada de ANDRÉS (Alarido Mongólico).
A entrada será de 5€ e destinarase integramente para a autogestom da Rádio Livre e comunitária da Terra de Trasancos, Rádio FilispiM.
26 fevereiro, 2016
Rádio FilispiM Vai.. a Estación de Bioloxía Mariña da Graña. Este venres ás 11:00 am, ao vivo na Casa da Estrela.
Durante o programa especial actuará Alberto Knox!
A gravación do programa especial poderá disfrutarse coma público ao vivo na Casa da Estrela este venres ás 11 da mañá. A emisión en diferido será en Rádio FilispiM, 93.9 FM o sábado entre as 19:00 e 21:00 h. e xoves de madrugada, entre a partir da 01:00 h Ao través deste blog poderá ouvirse en streaming para todo o planeta.
Rádio FilispiM, 10 anos compartindo.
Audio promo evento
30 janeiro, 2016
FilispiM vai... ao CEIP Isaac Peral; este venres 29 de xaneiro ás 18:00h, entrada libre.
Neste primeiro "FilispiM Vai..." do ano 2016, trasladamos a radio libre e comunitaria ao CEIP Isaac Peral de Ferrol; será este venres 29 de xaneiro ás 18:00 h. Para coñecer de primeira man que acontece neste centro público de ensino do bairro de Esteiro de Ferrol, podes acudir coma público, ou mesmo escoitar a gravación en diferido do programa especial o sábado entre as 19:00 e 21:00 horas, en Rádio FilispiM, 93.9 FM.
22 setembro, 2015
Comeza a andar na Comarca a escola "Semente de Trasancos", espazo educativo alternativo para nen@s entre 2 e 6 anos.
A asociación cultural "Semente de Trasancos" vén de abrir unha escola popular en Narón, para nenas e nenos entre 2 e 6 anos, una via diferente a oferta de ensino público e privado, que ten os seus referentes máis inmediatos nas escolas "Semente" que xa funciona en Compostela e Vigo. Según as súas impulsoras este espazo educativo non ten que ver coas tradicionais "garderias" baseando a súa metodoloxía educacional no respecto a crianza, o contacto coa natureza, o máis inmediato, e a lingua propia do país.
No audio escoitamos a Silvia Bogo, unha das promotoras do novo espazo educacional "Semente de Trasancos" que estivo o pasado venres 18 de setembro no programa Divertimento para pequenos monstros.
Informou o Pequeno Monstro para Rádio FilispiM
07 setembro, 2015
Persoas a título individual, políticos, colectivos e profesionais da comunicación amosan o seu apoio ao cadro de persoal do Diario de Ferrol.
Tal e como relatamos no último boletín informativo de Rádio FilispiM, o pasado mércores 2 de setembro, tivo lugar a primeira das dúas xornadas de mobilización do cadro de persoal do Diario de Ferrol. Así, centos de persoas amosaron o seu apoio concentrándose as portas da sede da cabeceira ferrolá, na Rúa Galiano, e despois, en manifestación até a praza José Couso en Esteiro, onde, Nicolás Vidal, (un dos xornalistas máis veteranos do xornal) leu un comunicado.
Entrevistas_2:
- Pablo Portero (creador audiovisual, ex colaborador Diario)
- Elena
- José Torregrosa (Fuco Buxán, ex colaborador Diario)
- Anxo Ferreiro (colaborador Diario de Ferrol)
- Pepe Cunha (Colectivo Opaii!, Ábretedeorellas, ex colaborador Diario).
Entrevistas_3:
- Jorge Suárez (Alcalde de Ferrol).
- Xan Morales (xornalista deportivo, ex presidente Clube de Prensa de Ferrol).
Entrevistas_4:
- Germán Castro (primer director fundador do Diario de Ferrol)
Entrevistas_5:
- Iván Rivas (edil e voceiro do BNG en Ferrol).
- Nicolás Vidal (xornalista do Diario de Ferrol dende maio de 1999)
- Bruno (asistente a manifestación).
Entrevistas_6:
- Beatriz Sestayo (tenente alcalde, PSOE, Ferrol)
- Henrique Sánfiz (xornalista, Director Radio Fene, Radio Fusion).
- Helga Méndez (actriz).
Informaron Pequeno Monstro e Pepe Cunha para Rádio FilispiM
Nestrouto boletín radiofónico, oferecémosvos unha colleita de audios, con voces de persoas que a título individual, en representación de colectivos, mesmo coma xornalistas doutros medios de comunicación, amosaban a súa solidariedade co cadro de persoal e as xornalistas despedidas recentemente, apostando pola continuidade dunha cabeceira que garanta a pluralidade informativa, mesmo a difusión de información local, na cidade de Ferrol.
Entrevistas_1:
- Grupo de asistentes.
- Victor Ledo (CC.OO)
- María Xesús Arias (Radio Fene - Radio Fusión)
- Xan (CIG).
- Guillermo Ferrández (Poesía Salvaxe)
- Karlotti (Poesía Salvaxe)
- Fernando
Entrevistas_1:
- Grupo de asistentes.
- Victor Ledo (CC.OO)
- María Xesús Arias (Radio Fene - Radio Fusión)
- Xan (CIG).
- Guillermo Ferrández (Poesía Salvaxe)
- Karlotti (Poesía Salvaxe)
- Fernando
Entrevistas_2:
- Pablo Portero (creador audiovisual, ex colaborador Diario)
- Elena
- José Torregrosa (Fuco Buxán, ex colaborador Diario)
- Anxo Ferreiro (colaborador Diario de Ferrol)
- Pepe Cunha (Colectivo Opaii!, Ábretedeorellas, ex colaborador Diario).
Entrevistas_3:
- Jorge Suárez (Alcalde de Ferrol).
- Xan Morales (xornalista deportivo, ex presidente Clube de Prensa de Ferrol).
Entrevistas_4:
- Germán Castro (primer director fundador do Diario de Ferrol)
Entrevistas_5:
- Iván Rivas (edil e voceiro do BNG en Ferrol).
- Nicolás Vidal (xornalista do Diario de Ferrol dende maio de 1999)
- Bruno (asistente a manifestación).
Entrevistas_6:
- Beatriz Sestayo (tenente alcalde, PSOE, Ferrol)
- Henrique Sánfiz (xornalista, Director Radio Fene, Radio Fusion).
- Helga Méndez (actriz).
Informaron Pequeno Monstro e Pepe Cunha para Rádio FilispiM
03 setembro, 2015
O cadro de persoal do Diario de Ferrol mobilízase contra do desmantelamento do xornal na cidade.
O cadro de persoal do Diario de Ferrol retoma as mobilizacións logo do despedimento de dúas das xornalistas máis veteranas da cabeceira ferrolá e dun novo despedimento, desta vez de El Ideal Gallego, todas elas pertencentes ao grupo La Capital. O paro, de carácter indefinido, cun primeiro tramo de corenta e oito horas, comezou ontes mércores 2 de setembro. O persoal demanda un plan de viabilidade que garanta os postos de traballo, a readmisión d@s despedid@s, así como o aboo dos salarios adebedados até hoxe e a súa normalización mensual.
A xornada de mobilización de onte 2 de setembro constatou o apoio da cidadanía ao cadro de persoal do Diario de Ferrol, así como á continuidade deste xornal, coa asistencia dunha grande cantidade de persoas que, a título individual ou en nome de diversos colectivos, acudiron á concentración as portas da sede do Diario, na rúa Galiano, e despois partiron en manifestación até a praza José Couso onde un representate dos traballadores leu o comunicado.
Dende o Colectivo Opaii!-Rádio FilispiM, expresamos a nosa solidaridade co cadro de persoal do Diario de Ferrol, así como a continuidade normalizada dunha cabeceira tan necesaria, que garanta a pluralidade informativa e a información local.
No audio, rexistrado polos informativos de Rádio FilispiM, ouvimos o comunicado final desa mobilización lido por Nicolás Vidal, en representación do cadro de persoal do Diario de Ferrol.
Informou o Pequeno Monstro para os Informativos locais de Rádio FilispiM.
Galería de imaxes: imaxes Rádio FilispiM
20 junho, 2015
XVI Sesión Vermú, fin de grella, 2014/2015. Sábado 20 de xuño, a partir das 12:00 h.
Vem celebrar com nós a despedida da tempada filispiniana 2014/2015.
Este sábado 20 de Junho, nova Sessiom Vermú na traseira do Mercado de Caranza a partir das 12:00 até as 15:00 h., com a actuaçom, especial de Jamie Fifthring (Jaime Quintanilla).
Radio ao vivo, música, petiscos e sorteio de camisolas filispinianas!!. Nom o podes perder!!
Evento no facebook: https://www.facebook.com/events/1592178171051262/
Rádio FilispiM, 10 anos compartindo.
30 abril, 2015
As Marchas da Dignidade e o Sindicato de Oficios Varios da CNT, convocan un 1º de Maio alternativo en Ferrol.
As Marchas da Dignidade e o Sindicato de Oficios varios da CNT, convocan en conxunto unha manifestación en Ferrol o vindeiro 1º de Maio de 2015 as 6 da tarde con saída do Cantón en Ferrol.
Ao igual que noutros puntos do Estado español, as Marchas da Dignidade suman forzas ao sindicalismo alternativo co obxecto de crear as condicións para unha mobilización de carácter estatal e xeral, unha folga laboral, social e de consumo para o vindeiro 22 de outubro de 2015. Con esta mobilización tentarán denunciar un cambio de modelo social, que actualmente condea a maioría da poboazón a vivir na precariedade e na falta total de expectativas.
En diversas cidades do Estado español son 10 as organizacións que convocan esta mobilización xunto a todos os colectivos sociais e organizacións que conforman as Marchas da Dignidade, baixo o lema “Polo reparto dos traballos e a riqueza: camiñando cara a Folga Xeral”. Sen esquecer a principal consigna da loita das Marchas dende o 22 de marzo de 2014: " Pan, traballo, teito e dignidade".
Segundo os colectivos e sindicatos organizadores “para que toda a poboazón síntase convocada e partícipe da Folga Xeral do vindeiro 22 de outubro de 2015, esta debe plantexarse da forma máis imaxinativa posíbel, tratando de recoller a realidade social que está a mudar”, por iso queren involucrar a toda a sociedade dende xa.
A cita para participar no primeiro de maio alternativo en Ferrol, é o venres 1 de maio as 6 da tarde, con saída do Cantón. Na nosa cidade organizan: as Marchas da Dignidade de Ferrolterra e o Sindicato de Oficios Varios da CNT.
O Pequeno Monstro para os informativos locais da libre e comunitaria de Ferrol.
Montaxe sonora, mobilización Marchas da Dignidade: galizacontrainfo
Montaxe sonora, mobilización Marchas da Dignidade: galizacontrainfo
Assinar:
Postagens (Atom)