UNHA TARDE NO MUÍÑO.
Programa nº 8. Luns 8 xaneiro 2018.
Emisión do programa número oito. Comezo
coa nova sintonía para dar entrada a Roberto Taboada e a súa sección
informativa NOTICIAS DO BARRIO
ALTO-CANIDO.
Continuidade da programación coa
presentación da nova sección OUTRA INFORMACIÓN É POSIBLE. Rafael
Aguirrebengoa, encargado desta nova proposta, expón a necesidade de espallar
unha información que achegue noticias que escasamente van aparecer nos medios habituais
de comunicación. Desenvolve Rafa as noticias escolmadas para esta emisión.
E pásase ao debate do día, AS IRMANDADES DA FALA, que neste ano
foron distinguidas como “Ferrolán do ano”. Participan como convidados Xosé Mª Dobarro, Xesús A. López Piñeiro e Bernardo
Maiz. Desenvolvemento do debate dende a exposición do momento histórico e os
cambios económicos e sociais que a comezos de século acontecen no País. O
movemento das Irmandades e a diversidade ideolóxica das xente que o compoñían.
A extensión territorial das Irmandades. O Manifesto como proxecto vangardista
que abranguía unha concepción nova e transformadora para Galicia. A expresión estética dende a
Literatura, a música ou as artes plásticas…
Escoitamos a Manuel Quiroga e o
seu Canto Amoroso e despedímonos con En pé de Ramón Cabanillas.
Nenhum comentário:
Postar um comentário