Un oito de xuño de 2001 visitaron Divertimento dous ilustres pequenos monstros de Ferrol: Suso Suciedad e Paco Pestes García.
Para nos situar, tomabamos as copas no Dada Circus, na defenestrada Radio Kaos retumbaban programas coma "Expresión Directa", "O que nós sabemos e vostede non" ou mesmo "Manchita Cosa" (si, antes de ser o local supervivinte da Madalena ferrolá foi un programa de radio).
Paco Pestes foi o responsábel de que o Pequeno Monstro se lease cunha rapaza chamada Radio, cando este e outros alucinados dos primeiros oitenta (Pedro "Maltrana", Luz...) realizaban en Radio Fene o Cuasimodo. Un día, Santi presentoume ao Paco nunha casa usurpada en Recimil. Anos despois, cos auspicios espirituais de Suciedad, este vería editado o seu máis afamado libro de poemas: "El último cigarrito de los nuevos sofistas callejeros".
Daquela, Suso Suciedad apresentoume a Antonin Artaud e a saga dos Panero (La Transmigración de la Locura). A banda sonora a tanto verbo púñaa un tal Corcobado, advertíndonos de que son as mulleres as que andan a pór coches bomba por haí. Ademáis, Suciedad, cando nadie nos veía me pasaba os seus poemas aterrados en fanzines malditos (Nada es Verdad), que antes escribiu en trozos de papel do wc para ler, xunto ao meu irmán Paulopaulo, naquel precipicio radiofónico de Serantes punto e principio de tantas cousas.
Nesta edición antediluviana de Divertimento para pequenos monstros,Ana Lucecú e o Pequeno Monstro, interrogan e fan tremar a estes dous de Ferrol. O programa remata en conexión cunha Lupe Ces dez anos máis nova, na Praza do Desarme de Ferrol nun acto da Marcha Mundial das Mulleres a pról do pobo palestiniano.
Friqui non é un conceito tan moderno, vén daquela. Ficades co audio.
Audiolivre pretende ser un arquivo de audios con licencias libres. Os principios que rexirán a selección de contidos serán o anticapitalismo, o antiracismo, o antisexismo, o antimilitarismo, a defensa do medio, o idioma galego e o coñecemento libre.
Audiolivre preséntase en forma de podcast, no que se poden escoitar os audios na rede, ou baixalos cadaquén ao seu computador. A páxina permite facer búsquedas, ou escoller temas da nube de etiquetas. Todos os arquivos de audiolivre están aloxados en archive.org.
Calquera persoa pode rexistrase e subir audios que considere interesantes sempre que respecten os principios enumerados anteriormente. Se queres colaborar no proxecto, facer algún comentarios ou suxerencia, ou simplemente tes un audio e non queres pasar o chollo de subilo podes contactar con nós a través do correo electrónico: audiolivre@arkipelagos.net
Estou sentadona beira dun río azulh, sen zapatos. Os meus pés son acariñados pola corrente e fáime cóxegas. Vexo salmóns, troitas e sinto como pasan entre as miñas pernas a toda velocidade, coma xogando entre os meus pés descalzos. Miro cara adiante e unha fermosa carballeira é difuminada por unha fonda néboa. Creo ter visto animaliños correteando. Algúns pasan moi perto de min. Paran ao chegar. Ao pouco disimulan, como si nada. Collen algunha bellota, algún outro froito do verde chao e voltan a toda velocidade cara ao frondoso bosque. Ule ben, a verde. No meu narís pousa unha bolboreta azulh. Fáime cóxegas. Penso que vou esbirrar. Mais, antes de que poida despréndese, fica leve a altura da miña faciana, sorrime a váise despacio voando lenta. Desaparece, desprendida.
Estou sentado na beira dun río azulh, sen zapatos. A min dame igual, porque me gosta...
Extracto de Sono azulh. Pequeno Monstro.
Divertimento para pequeno monstros. Edición do 13 de outubro de 2000 emitida por Radio Fene. Locución e ideias: Ana Santiago (Lucecú) e Pequeno Monstro. Selección musical: Pequeno Monstro. Textos: Pequeno Monstro.
Se non puidestes escoitar Spanglish en directo o venres 13 de novembro ídesvos a perder os primeros 15 minutos do programa, porque debido á gran tormenta só puidemos recuperar da grabación parte do programa.
Pero non nos queixamos, puidemos recuperar 45 minutos, así que a disfrutalos!!!!!!!
O set list que ha sobreviviu foi a seguinte:
Madness - “On the Town”
Protein Shake – “Macho Gwapito”
BSO “Parlez moi de la pluie”
Fresh Body Shop - Tasteless – “Mr Weirdo”
Maps - “Let Go of the Fear”
Joyce McKinney Experience - “Forceps to Heaven”
FANNY+ALEXANDER – Alfaias – “Setecentos”
Damien Jurado – “Gillian was a horse”
The Cure “It's Over”
Krakovia - “Ride to Ride”
Brian Hunt con Russian Red – “Led by Moses”
E para os e as que nos puidestes escoitar en directo, abrimos con Kikumoto Allstars - “Warehouse Days” e continuamos con Expérience – Nous (en) sommes encore là- “Des héros”.
Un estudio de radio pódese converter de súpeto [por arte de radio] nun parque outonado, nunha praia deserta de bañistas ou na mirada inocente dun neno. É imprescindíbel que de cando en vez sexa así, para disfrute dos aqueloutrados da radio.
Deso foron as emisións de Divertimento para pequenos monstros, na etapa en que o programa se emitia en Radio Fene. Un 27 de outubro de 2000, unha tal Ana Lucecú e André Divertimento (coa colaboración no primeiro texto de Paulo Puntoeprincipio), interpretan os guións dun tal Pequeno Monstro.
A cuestión foi como segue: o Pequeno Monstro maquinaba en praias solitarias aqueles textos. Despois quedaba con Ana Lucecú no Mister ou no Café do Patín, en Esteiro. Ensaiban os textos e só ficaba procurar melodías infinitas que servirán de almofada a tanto verbo outonado.
O resultado foi o que segue neste programa. Para a vindeira semán máis follaxe.
Un novo alento ás reivindicacións do "Masdias" cun peche no Concello de Ferrol Representantes da comunidade educativa do Colexio Público "Masdias" de Caranza pechan-se no Pazo Municipal do Concello de Ferrol
A Comunidade educativa do Manuel Masdias sigue intentando que a Consellaría de Educación dé solución aos problemas que impiden que o curso 2009-2010, se estexa desenvolvendo coa normalidade necesaria.
Son moitas as iniciativas que esta comunidade leva desenvolvendo para solicitar unha saída para as súas reivindicacións. As características do alumnado, sobre todo a incorporación de alumnado que ven doutros centros, impide unha mínima atención educativa dado que non se conta co profesorado necesario para atender as necesidades educativas especiais que prantexa o claustro, a dirección e a ANPA.
Até o momento a delegación territorial só concedeu unha mestra interina ao 50% da xornada lectiva. Os encerros no centro, as marchas a pé das familias até a delegación de Ferrol, ou a viaxe á delegación territorial d'A Coruña, non conseguiron alertar da urxencia de dotar convenientemente este centro por parte do Conselleiro Jesús Vázquez. Esto motivou unha nova mobilización por parte das familias e profesorado, nesta ocasión cun encerro na casa consistorial de Ferrol. A alcaldia anunciou o apoio às reivindicacións desta comunidade educativa. Apoio, ao que se agarda se sumen distintas organizacións políticas e sociais da comarca, coñecedoras do labor educativo que se ven realizando no barrio, sendo o único centro público que imparte educación infantil e primaria, sobrevivindo a unha importante competencia por parte dos centros privados concertados, de confesión católica.
Mentras se fai ver a través dos medios de comunicación, que o alumnado dos centros educativos perde interese e respeto polo traballo do profesorado, os sectores sociais máis desfavorecidos ven vulnerado o dereito básico a unha educación de calidade, que no centro Manuel Masdias pasa por conseguir o profesorado de apoio que se precisa. A figura do mestre ou mestra, queda así vinculada unha vez máis ás necesidades básicas da infancia. Que esta reivindicación básica non sexa atendida, só pode vincularse con un retroceso social en canto á escolarización universal de todos os nenos e nenas, independentemente da súa orixe económica, etnia, relixión ou condicións de saúde física ou mental.
Unha familia de orixe chilena denuncia un intento de agresión racista en Ferrol
Demándalle ao goberno español que aclare a existencia de colectivos xenófobos na cidade e pide explicacións sobre unha suposta falta de dilixencia policial.
Os feitos denunciados ocorreron na cidade de Ferrol o pasado 4 de outubro. Segundo a denuncia dun cidadán de orixe chilena, a súa familia foi vítima dun intento de agresión racista e xenófoba. Na noite daquel domingo foron increpados e ameazados verbal e fisicamente "por un grupo dunhas 30 persoas que proferían insultos racistas e moitas ameazas". A filla do denunciante, tamén vítima, chamou á policía en dúas ocasións, mais non foi atendida: "na primeira chamada dixeron que non podían facer nada porque non era a súa competencia e na segunda reiteraron que non podían actuar". Segundo explican houbo, ademais, unha terceira chamada que non tivo contestación.
Brote de racismo ou grupos organizados? O Foro Galego de Inmigración (FGI) manterá unha xuntanza este mércores co subdelegado do goberno español na Coruña. Coa presenza desta persoa denunciante, preguntaranlle a Manuel Pose sobre a posíbel existencia de colectivos xenófobos na cidade de Ferrol. Este non é o primeiro episodio racista vivido nos últimos meses, logo dunha experiencia similar cun cidadán senegalés, e os diferentes colectivos temen que poida ser algo máis que un brote esporádico de xenofobia.
"Cónstanos que o subdelegado esperou a darnos unha data para a xuntanza a ter os correspondentes informes policiais", explica Miguel Fernández, do Foro Galego de Inmigración. "Queremos que se nos informe se hai constancia da existencia de grupos cun certo contido ideolóxico racista ou de extrema dereita e que o que se está a facer para evitar actuacións coma esta", explica. "Queremos que se investigue e se informe sobre se existe algún tipo de estrutura, de organización ou simplemente, neste caso puntual, a acción foi obxecto dun grupo de mozos borrachos".
Falta de resposta policial Doutra banda, tanto as organizacións de inmigrantes como o propio denunciante alertan sobre a falta de dilixencia por parte da policía. Así, piden "que se clarexe o antes posíbel se houbo unha deixación de responsabilidades por parte da Policía Nacional de Ferrol", que atende o servizo do 091. O Foro Galego de Inmigración considera "de máximo interese unha aclaración por parte da máxima autoridade provincial en temas de seguridade diante desta denuncia contrastada e apoiada polo propio Concello de Ferrol".
Este colectivo tamén preguntará a Pose polas intervencións "con excesivo celo" por parte das forzas de orde pública coas persoas inmigrantes en situación de irregularidade administrativa. "Entendemos que se están a levar a cabo actuacións desmesuradas", explica Fernández, "que se está a prestar unha excesiva atención a este colectivo".
A Asociación de Veciños “O Cruceiro” de Mehá, na tarde do martes 10 de Novembro, presentou denuncia ante a Garda Civil de Mugardos, por unha nova agresión sufrida dentro do seu propio local, situado na travesía dá Pedreira. Persoa ou persoas descoñecidas accederon ao local e plantaron lume á documentación alí gardada, relativa á Asociación e ao Comité Cidadán de Emerxencia, do que forma parte. A chegada dunha das socias impedíu que o incendio tomase maior envergadura. Non se notou en falta nada do alí gardado, o que vén demostrar que o obxectivo da agresión era destruír a documentación citada.
O 10 de Novembro, o Comité Cidadán de Emerxencia, facía pública a súa satisfacción pola resolución do Tribunal Supremo, favorable ao recurso interposto pola Plataforma dos Praceres, ordenando a reposición ao seu estado natural do recheo do porto de Marín, por carecer de Estudo de Impacto Ambiental. O Comité Cidadán, espera similar resolución respecto da Planta de Gas de Reganosa, en Mugardos, que carece tamén de Estudo de Impacto Ambiental, tal como sinalan nas sentenzas do TSXG, recorridas pola Xunta ao TS., ademáis, neste caso, do gravísimo perigo que a súa localización supón, para as persoas, os postos de traballo, os bens e o sistema ecolóxico da súa contorna, que continuamente vimos denunciando.
Traje de Saliva foi un grupo que naceu en Vigo no ano 1998 baixo os auspicios espirituais de Mon Ninguén e Una Vena. Daquela, por cuestións laborais, Mon andaba por Ferrol e un bon día un tal Suso Suciedad presentoullo ao Pequeno Monstro. Ise foi o prinicipio do fin.
Traían baixo o brazo un mini cedé (Ep) titulado "El Cuerpo y la Ciudad" (1999) e o seu primeira duración "Mima" (2000). Con todo ese material os Pequenos Monstros decidimos que xa era dabondo, polo que secuestrámolos durante unha hora no estudio de Radio Fene, naqueles tempos refuxio do Divertimento.
Baixo o manto sonoro daqueles dous primeiros traballos de Traje de Saliva, un dezaséis de febreiro de 2001, cometimos unha entrevista-crime que comeza inocentemente (para despistar) e remata con preguntas do tipo:
- Sentídevos sós en todo isto? - Considerádevos uns intelectuais do mundo? - Vedes a televisión? - Que comedes normalmente? - Pensades que poderedes comer algún día das vosas músicas? - Enviariades a vosa música ao espacio exterior? - Que pensades das vacas tolas e todo iso?
Nota: a gravación orixinal da entrevista foi realizada en pletina de casete nos estudios de Radio Fene. Debido a un problema técnico de dito aparato apreciaredes desfases na velocidade de reproduzón. Quero subliñar isto xa que para ouvir na súa plenitude a música de Traje de Saliva debedes ou mercar os seus discos, baixárvolos [se vos deixan] ou procurar outras fórmulas alternativas [latrocinios varios...]. Nesta gravación defectuosa semella que os Traje de Saliva desafinanban, o que non é certo, o problema de son débese ao referido problema técnico.
Aquí tedes as fotos do que foi a VII Sessiom Vermú do Colectivo OPAII-RFM e o Ateneo Ferrolán, presentando a nova grelha de programaçom de Rádio FilsipiM para a tempada 2009-2010.
Também podes escoitar o programa especial que realizamos durante a VII Sessiom Vermú o 31 do 10 de 2009, na que presentamos os programas e escoitamos ao grupo de música folk da Terra de Trasancos BOJ.
Xoubas 3-10
-
Descargar en ogg
Descargar en mp3
Nesta décima edición de xoubas, última de 2011, abrimos cun espectacular e
luminescente Regreso ao Pasado políti...
Presentacion do proxecto Agrodilar
-
Localizacion:
Cova dos Ratos
Presentación do proxecto agroecoloxico Agrodilar (Asociación de personas
para el desarrollo de la agricutura ecologica en...
C'mmons baby!#69
-
Nesta época do ano de friaxes, chuvias e festas de solsticios invernais, o
que máis presta é ficar na casa, a caloriña do lar *(duración: 15'59")*.
Baixa...
Cobertura das eleccións á Reitoría da UDC 2011
-
Cuac FM fixo unha ampla cobertura da primeira rolda das eleccións á
reitoría. O xoves 24 fixemos unha serie de entrevistas ós candidatos que
podes escoitar...
Descarga o directo de FucoXabier
-
Xa podes descargar o disco en directo de FucoXabier nas deskargas musikais
de komunikando.net Deskargas Musikais (http://komunikando.net/dkk)
Peza do filme colectivo: A caza dos gatos
-
Título: A caza dos gatos Autorxs: Lara Tigre, Chris Marker et altri Ano:
2011 Enlace:
http://cineclubedecompostela.blogaliza.org/2011/05/12/a-caza-dos-gatos/
Postagens
