A Xanela das Fucas. Programa Nº 49 (8-4-2021)
Comenzamos o
programa presentando unha sección que realizará Alvixe.
Acude Mª José
Pena Garcia, coma vicepresidenta que nos relata a orixe desta asociación e cales son o seus
fins.
Tamén convidamos a Lola
Ferreiro Díaz para conversar con ela do seu
último traballo .
Coméntanos que en novembro
do ano pasado despois de ver un documental con motivo do 20 N, fixo unha reflexión inmediata: se os anarquistas
foron ninguneados pola historia oficial (da esquerda), imaxina as
anarquistas. E como é de xustiza
democrática identificar e reparar a antedita invisibilización dentro do proceso
de recuperación da memoria histórica, decideú
dedicarlles (a elas) o calendario deste ano 2021.
Ao longo da pescuda que fixo na procura de nomes e
datos confirmou o que xa supoñía: moi
pouco material e, en ocasións, nin sequera unha foto que nos permitira verlle a
cara a algunhas delas. Tal é o caso (entre as que aparecen no calendario) de María
Bello Paz, María Otero González e Alicia Dorado Viso. Entre as (escasas) fontes das que puido tirar
datos sobre elas destaca a obra de Carmen Blanco García, Casas
anarquistas de mulleres libertarias (A resistencia anarquista das mulleres
despois do levantamento fascista de 1936), publicado pola CNT en 2007. Ela foi
pioneira na investigación sobre as libertarias galegas resistentes fronte ao
fascismo e logrou identificar e obter algúns datos sobre 22 mulleres afiliadas
á CNT, FAI e/ou Xuventudes Libertarias que xogaron un papel fundamental na
resistencia habilitando casas-refuxio para acoller persoas perseguidas, as máis
das veces nas súas propias vivendas, e algunhas veces con militancia non
libertaria. Isto último debe ser destacado como trazo da súa xenerosidade e
ausencia de sectarismo, tendo en conta que puxeron en risco a súa liberdade e
mesmo a súa propia vida, perdendo ambas as dúas en moitas ocasións.
Aportounos tanta
información, incluso despois de rematar o programa, que
nos sentimos en debeda con ela
para que todos estos datos saian a luz. .
Fucas que participan en directo: Chelo Carballal Balsa, Sonia Fernández Bellas, Ana Belén López Verez, Eva Tizón
Bouza.
Convidadas: Lola Ferreiro Díaz , Mª
José Pena García.
A música que
escoitamos: A sintonía do programa: La
Vita E Bella, (Nicola Piova) ; Rexurdimente (De Vacas) ; Roses
Blanques ( Lluis Llach);
Co xenio destrozado) (Ses).9 ( 8-4-2021
