Rádio FilispiM anda a cumprir 10 anos (experiencias, 4º parte)

O pasado sábado 7 de febreiro de 2015, celebrouse unha nova edición do ciclo "FilispiM vai...". Nesta ocasión, co gallo do décimo aniversario do inicio das emisións de Rádio FilispiM, volveuse ao Ateneo Ferrolan, a nosa sede fundacional, e titulouse estoutra edición coma "FilispiM vai... cumprir 10 anos". No transcorrer do programa contouse coas actuacións musicais de Weather Underground (Oscar Quant e Oscar Kay) e Indio & Lidia e ouvironse a voces que fomaron parte dos alicerces, do presente e, incluso, do futuro filispiniano...

Ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan.

No tempo de Informativos Locais da FilisipM, oferecemos un extracto das intervencións de Miguel Castro e Fer Ocampo que foron entrevistados por Antía Cortíças e Miguel Reimundez, tod@s el@s integrantes do Colectivo Opaii!-Rádio FilispiM, no transcorrer do programa especial. As intervencións completas poden atoparse no podcast do programa especial ou mesmo ouvirse en diferido os sábados entre as 7 e 9 da noite, no 93.9 da FM.

Informou o Pequeno Monstro para a libre e comunitaria de Ferrol.

Audio do "FilispiM vai cumprir 10 anos" (Ateneo, 07/02/2015)

O pasado sábado 7 de febreiro de 2015, celebramos unha nova edición do ciclo "FilispiM vai..."; nesta ocasión, co gallo do décimo aniversario do inicio das emisións de Rádio FilispiM, volvimos ao Ateneo Ferrolan, a nosa sede fundacional, e titulamos estoutra edición coma "FilispiM vai... cumprir 10 anos". No transcorrer do programa contamos coas aportacións musicais de Weather Underground (Oscar Quant e Oscar Kay) e Indio & Lidia e ouvimos voces dos alicerces, do presente e do futuro filispinian@...

Agora, xa en diferido poderás disfrutar deste audio ao través deste podcast, e ao través das ondas filispinianas (93.9 FM), os vindeiros sábados entre as 7 e 9 da noite.

Lembra que ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan... Seguiremos a informar.


Todas as imaxes en: https://www.facebook.com/radiofilispim.opaii/

Créditos:
Presentación e guión parte 1: Ana Lucecú e Xurxo Gago.
Presentación e guión parte 2: Antía e Miguel R.
Control técnico de son: Pequeno Monstro e Cholo.

Este sábado 7 de febreiro ás 7 do serán, "FilispiM vai cumprir 10 anos".

Este sábado 7 de febreiro de 2015 a partir das 7 do serán, o Colectivo Opaii! volve ao Ateneo Ferrolán, cunha nova edición do ciclo "FilispiM vai ...", nesta ocasión adicada ao aniversario da principal actividade do Colectivo Opaii!, a Rádio FilispiM.

"FilispiM vai... cumprir 10 anos".

Durante a gravación do programa de radio lembraranse os alicerces do proxecto, falarase do presente e do futuro. Ademaís, haberá música ao vivo da man da banda ferrolá Weather Underground (pop/rock) e o dúo Indio & Lidia Pinheiro (sons brasileiros).

No transcorrer da festa de aniversario, apresentaranse as novas camisolas e chapas, conmemorativas do 10 aniversario, realizadas para a ocasión en unidades limitadas. A entrada é de balde.

Programa de actos conmemorativo do 10º aniversario das emisión da Rádio FilispiM, 93.9 FM.

Durante este 2015, levaranse a cabo outros actos conmemorativos, coma un Ciclo de Cinema adicado as radios libres e comunitarias; retomarase o festival Conspirando por Unha Radio Libre (en xoves "santo"), unha Exposición dos 10 anos da FilispiM  e, mesmo, unhas Xornadas de Medios Libres. A práctica totalidade deste actos celebraranse no Ateneo Ferrolán, pola súa complicidade e vinculación fundacional co proxecto da activación da primeira radio libre e comunitaria (terceiro sector) da Terra de Trasancos.

Seguiremos informando... Ficades tod@s convidad@s.

Cunha promo:

(Evento no facebook: https://www.facebook.com/events/367768726681325/?pnref=story)

FilispiM vai a Fundaçom Artábria, 21/11/2014 (audio)

 FilispiM vai a Fundaçom Artábria (21/11/2014)

O Colectivo Opaíí! apresentou unha nova edición do ciclo "Filispim vai...".

"Filispim vai... á Fundaçom Artábria", un programa especial adicado á mítica asociación cultural da lingua, realizado ao vivo dende o seu local social, na Travesía de Batallóns, 7 - Esteiro (Ferrol). Ademáis contamos coa música de Oscar Fojo e Fausto.

A gravación ao vivo do programa especial, tivo lugar o venres, sexta feira, 21 de novembro de 2014 entre as 20:00 e as 22:00 h. Agora, oférecémosvos o audio evento, dúas horas de radio ao vivo, coa intervención de moitas persoas relacionadas directa ou indirectamente coa Fundaçom Artábria.

O ciclo de programas "Filispim vai..." é unha outra aventura do Colectivo Opaíí!-Rádio FilispiM, para achegar o medio libre e comunitario aos colectivos e espazos sociais da nosa contorna.

Podes ver aquí algunhas imaxes do evento: https://www.facebook.com/radiofilispim.opaii/

FilispiM vai á Fundaçom Artábria. Gravación ao vivo este venres, as 20:00 h. no local social de Artábria.

O Colectivo Opaíí! apresenta unha nova edición do ciclo "FilispiM vai..."

FilispiM vai... á Fundaçom Artábria. Programa especial adicado á asociación cultural, realizado ao vivo dende o seu local social, na Travesía de Batallóns, 7 - Esteiro (Ferrol), perto da Biblioteca do Patín. Coas actuacións especiais dos músicos Oscar Fojo e Cächi Xefe Indio.

Acude a gravación en vivo do programa especial, este venres 21 de novembro entre as 20:00 e as 22:00 h. (prégase achegarse con antelación).

E, ao día seguinte, sábado, ás 19:00 hr. escoita a emisión do programa en Rádio FilispiM, 93.9 FM (para todo o mundo vía streaming, en: http://opaii.blogspot.com/).

O ciclo de programas "FilispiM vai..." é unha outra aventura do Colectivo Opaíí!-Rádio FilispiM, para achegar o medio libre e comunitario aos colectivos e espazos sociais da nosa contorna.

FilispiM vai; vén ti!

Evento no facebook: https://www.facebook.com/events/558781240920348/?pnref=story

Rádio FilispiM vai... a Escola Oficial de Idiomas de Ferrol.

Rádio FilispiM vai... á Escola Oficial de Idiomas de Ferrol. 

Programa especial realizado desde a biblioteca da Escola Oficial de Idiomas da nosa cidade, coa participación especial do Departamento de Portugués para conmemorarmos o 25 de Abril. Ademáis contaremos coa actuación especial do cantor Jorge Mirancos.

      Acude a gravación en vivo do programa especial o venres 25 de Abril a partir das 17:00 h (prégase puntualidade).

      Escoita a emisión do programa en Rádio FilispiM, 93.9 FM e para todo o mundo, vía streaming (http://opaii.blogspot.com) os días:

•  Venres a partir das 20:00 h.
•  Sábado a partir das 19:00 h. 

O ciclo de programas "FilispiM vai..." é unha outra aventura comunitaria do Colectivo Opaíí!-Rádio FilispiM, para achegar o medio libre e comunitario aos colectivos e espazos do noso entorno.

FilispiM vai; vén ti!

+ info:
Podes ver imaxes do"FilispiM vai á E.O.I de Ferrol", aquí: https://www.facebook.com/radiofilispim.opaii/media_set?set=a.10202021226000051.1468153325&type=3

En breves colgaremos o audio...

Rádio FilispiM vai... ao CEIP Xan Xoán de Filgueira.

Nova edición de FilispiM Vai... está vez ao CEIP San Xoán de Filgueira. Programa especial  adicado a este estupendo centro educativo público da nosa comarca, dendo o propio centro e coa participación de toda a comunidade educativa.

Escoita a gravación do programa especial este sábado a partir das 19:00 h. en Rádio FilispiM, 93.9 FM, ou para todo o mundo vía streaming en: http://opaii.blogspot.com

O ciclo de programas FilispiM vai... é unha outra aventura comunitaria do Colectivo Opaíí!-Rádio FilispiM, para achegar o medio libre e comunitario aos colectivos e espazos do noso entorno.

FilispiM vai; vén ti!

FilispiM Vai ... ao IES Breamo de Pontedeume

... E FilispiM foi ao IES Breamo! A passada terça-feira 25 de Fevereiro juntamo-nos na sala de  reuniom do IES Breamo gravar este programa especial. Com a presença dos alunos e alunas de 1 º e 2 º de ESO A, pelo cenário passou umha ampla representaçom das pessoas que trabalham e colaboram com a actividade do Centro: alunado, professorado, pais e maes. Apresentárom  Delia Fraga,  Alba González e Luís R. Chacón, alun@s de 2 º de ESO.

Minuto

0:00:00 Introduçom musical.  Antón Varela  ao acordeom. 

0:02:11 Grupo de teatro  Arjé

0:13:40 Projecto  Islândia

0:34:28 Projecto  Bretanha

0:38:35 Concurso de  Videos. Concurso de  Robótica.  Tira-lhe da Língua

0:46:05 Entrevista ao  director.

0:50:50 O alunado organizado:  Junta de delegados (Carlos Mosqueira)  e  Comités (Leo Rei)

0:56:15 A  Educaçom de Adultos  no IES Breamo

01:03:40 Acordeom com Hugo Caldevilla e as pandeireteiras  Alba González, Alba Lucía Varela e

01:10:25  Ponte en Galego: alunado com secçom no programa

01:27:25 Truco de  magia  de  Mateo Pociña

01:25:40 Antón Varela ao acordeom e pandeireteiras com o  Verde Gaio

01:31:30 Entrevista ao professor  Fernando Querol  (Teatro Arjé)

01:36:25 O  Colectivo Terra . Entrevista a  Olalha .

01:40:25 Departamento de  Música : Entrevista  Sergio Río s e  Carme Castro

01:46:17 A  Associaçom de Maes e Pais do IES Breamo

01:56:30 Despedida:  Gaiteiro .

FilispiM Vai... ao Cantón Vello

O venres 31 de Xaneiro a partir das 20h. no Cantón Vello, o novo programa de Rádio FilsipiM (FilispiM vai...) foi ao Cantón Vello com rádio e música ao vivo, entrevistas e mais sorpresas.
Acompanharon nos com a música Octavio García (Baixo) e Tony Torres (Guitarra).
Falamos com Narsés (sócio e trabalhador do Cantón Vello) sobre a história do Cantón Vello, con Maximino Rivas (responsable Programación do "Pinsapo"), Pedro Fernández (ex-filispino e colaborador do Diario de Ferrol), Andrés Rodríguez (traballador de Navantia e membro da USTG), Eduardo Mera (da revista "Pajaritas de papel"), Nicolás Vidal (xornalista do Diario de Ferrol e co-autor do libro "Ferroláns de Seu") e Manel (sócio e trabalhador do Cantón Vello).

• Apresentarom o programa: Fran e Ana "LuceCu"
• Técnicos: Miguel C. e Cholo
• Regidor: Miguel R.

Iste venres 31 de xaneiro de 2014, Rádio FilispiM vai ao Cantón Vello.

"FilispiM vai… ao Cantón Vello" (3º programa dentro do ciclo “Filispim Vai…”).

ATENCIÓN! RE-DIFUSIÓN ISTE SÁBADO A PARTIR DAS 19:00 h. en Rádio FilispiM, 93.9 FM e vía streaming: http://giss.tv:8001/radiofilispim.ogg

Iste venres 31 de xaneiro de 2013 unha intensa borrasca achegará unha nove fronte a Galicia cara a noite donde as precipitacións serán máis persistentes. As temperaturas ascenderán de xeito lixeiro a moderado e os ventos soprarán do sudoeste moderados con intervalos fortes no litoral norte... mais é unha previsión.

O que si é seguro é que "Rádio FilispiM vai ao Cantón Velllo". O Colectivo Opaíí! movilizará as súas hostes e aparellos iste venres ao mítico local do bairro de Esteiro (R/ Taxonera) cun programa especial en vivo e directo entre as 8 e 10 da noite, que tinxirá o dial ferrolterráqueo de voces ben diversas...


Por si todo isto fór pouco, haberá música en vivo da man do guitarrista Cabe García  dos músicos OCTAVIO GARCÍA (baixo) e TONY TORRES (guitarra)*. O programa de radio será gravado e retransmitido en directo ao través de Rádio FilispiM, 93.9 FM e vía streaming para todo o mundo neste mesmo blog.


O ciclo "Rádio FilispiM vai…" terá continuidade no futuro coa participación doutros Colectivos, Asociacións e espazos da nosa Comarca. 

Filispim vai!!!. Vén ti!!!

Evento no facebook: https://www.facebook.com/events/725801644097658/?fref=ts

(*) Cambios de última hora comunicados polo Cantón Vello.

FilispiM Vai... ao Manchita Cosa

O Venres 29 de Novembro de 2013, o Colectivo OPAII - Rádio FilispiM, foi com o novo programa FilispiM Vai... ao curioso local ferrolám Manchita Cosa, onde entrevistamos a diversa "fauna" e nos acomp anhou o músico argentino Gabriel Guerramayor, duas horas de rádio desde o Manchita, nom o perdades.

FilispiM Vai... ao Manchita Cosa. Iste venres 29 de novembro ás 20:00 h. Vés ti?

Iste venres continuará a situación anticiclónica en Ferrol, os ceos estarán pouco anubrados e as temperaturas non sofrerán cambios significativos, mais é unha previsión.

O que si é seguro é que “Rádio Filispim vai … ao Manchita Cosa”. O Colectivo Opaíí! emitirá iste venres 29 de novembro, un programa especial en vivo e directo entre as 8 e 10 da noite, que tinxirá o dial ferrolterráqueo de “manchitas” ben diversas...

O programa será gravado e retransmitido en directo ao través do 93.9 FM e vía streaming para todo o mundo. Ademáis, haberá música en directo. Que pasa?

Iste venres 29 de novembro, entre as 8 e as 10 da noite, vai ti saber que se coce no Manchita... radio en directo e ao vivo.

Filispim vai... VÉN TI!!!

FilispiM vai... ao Ateneo Ferrolán [T1 P1]

Já podes escoitar FilispiM Vai... ao Ateneo Ferrolán o pasado Venres 18 de Outubro de 2013, iniciamos esta nova andaina filispiniana, de programas colectivos ao vivo e fora do estudo filispiniano, no Ateneo Ferrolán, co músico e autor Rubén Artabe ponhendo a música ao vivo e con diferentes entrevistas que nos ajudaron a fazer umha perfeita radiografia do Ateneo Ferrolán.

FilispiM vai... ao Ateneo Ferrolán

O venres 18 de Outubro a partir das 20h. no Salón de Actos do Ateneo Ferrolán na rúa Magdalena 202-204 (Ferrol), o novo programa de Rádio FilsipiM (FilispiM vai...) estará no Ateneo com rádio ao vivo e música a cargo de Rubén Artabe, falaremos do Ateneo Ferrolán com entrevistas e mais sorpresas.

O evento no Facebook
Que se coce no Ateneo?