NOVAS LOCAIS. A asociación LAZOS de Ferrol lanza un S.O.S. social.

O Comité LAZOS pro-solidariedade, lanza un S.O.S. ante o incremento de usuarios do servizo de almorzo diario.

A Asociación Lazos Pro-solidariedade é unha entidade sen ánimo de lucro de afectados/as polo VIH, as drogas e de profesionais do ámbito sociosanitario fundada en novembro de 1995. Ademais de enfocar a súa actividade na prevención, información-formación-sensibilización e grupos de auto-axuda, en referencia ao VIH, desenvolve unha actividade asistencial moi importante, como apoio psicosocial, formación e axuda para o desenvolvemento persoal, asesoramento diante das administracións e os xulgados, axuda á inclusión social e laboral, punto de encontro e axuda ao benestar para persoas moi vulnerábeis, ...

O sábado 11 de maio de 2013, en Ferrol, Lazos Pro Solidariedade lanzaba un SOS, porque se lle remataban as existencias de alimentos coa que realiza a súa laboura social. Solicitaban axuda urxente, pois no seu local social almorzan entre 35 e 50 persoas todos os días, un pouco de leite, galletas, café, azucre. Ademais tamén axudan a unhas 70 familias, sen recursos, que atenden no seu Programa e para levar a casa.

Os pontos de contacto con ista iniciativa, enmarcada dentro da Rede de Apoio Mutuo de Ferrol Terra, son:

PARA A ENTREGA DE ALIMENTOS:
Local de Lazos
Avda. Dr Fleming 8-10 Baixo
15401 Ferrol
Teléfonos: 981350777-698147975
Correo electrónico: comiteantisidaferrol@gmail.com

Horario de atención:

• de 09.30 a 13.30 Luns a Venres (días laborais)
• de 16.00 a 20.00 Martes e Xoves (días laborais)

Redacción Infomativos RFM

Música, surf, medio ambiente - Programa nº 51 14.05.13

UN SURFISTA FERROLANO POR LOS MARES DEL MUNDO

En 1992, Gonzalo Casal –Súper- empezó a ver el surf de otra manera. Sin renunciar a la competición, descubrió otras facetas igual o más interesantes. Al mismo tiempo Ferrolterra y Galicia le empezaron a parecer pequeñas. Había que salir, contemplar nuevos horizontes. De ahí nace su primer surfari, un viaje a la lejana Costa Rica.

Desde entonces, han transcurrido 21 años llenos de nuevas experiencias. Desde la tienda de campaña en Las Landas a los viajes en barco por Indonesia. Hacer con el un recorrido por todas esas aventuras es muy interesante. Como lo es escucharle que nuestra costa, nuestras puestas de sol y nuestras olas compiten dignamente con las de cualquier otro lugar del planeta. Como su opinión es una opinión autorizada, acabamos el programa con nuestra autoestima muy alta…

NOVAS LOCAIS. O Ateneo Ferrolán segue a resistir o ataque frontal do Partido Popular na cidade.

O Ateneo Ferrolán segue a resistir o ataque sen concesións do dereitista P.P. na cidade.

Dende finais do ano pasado e durante todo o que levamos de 2013 o histórico Ateneo Ferrolán está a sofrer graves interferencias no seu normal funcionamento, como consecuencia das decisións tomadas polo Goberno do Partido Popular na cidade e o apoio do único edil de Independentes por Ferrol. Este grupo de Goberno, aproveitando a súa maioría absoluta no Concello de Ferrol, está a executar accións contra este colectivo que pouco teñen de democráticas senón máis ben de aniquiladoras. Unha delas foi a decisión unilateral (co rexeitamento de todos os grupos da oposición) de obrigar aos ateneístas a compartillar o histórico edificio do Ateneo entre ben diversos colectivos e incluso unha Asociación de Veciñanza, que ben pouco teñen en común, obviando todos os acordos municipais adoptados por anteriores corporacións.

O Ateneo Ferrolán caracterizou a súa traxectoria cultural na nosa cidade pola aportura de portas a todos os Colectivos, o que contrasta coa pretención "controladora" deste espazo da cualición dereitista PP-IF na nosa cidade, toda vez que a sede do Ateneo foi rehabilitada.

Nos informativos de Rádio FilispiM, libre e comunitaria, escoitamos a Cristina Meizoso, traballadora do Ateneo, quen nos fala das últimas novedades ao respeito destes e doutras cuestións relacionadas co centenario colectivo ferrolá.

Redacción Informativos RFM.

A voz de Roberto Vidal Bolaño, no Ponte en Galego! nº 11

Edición número 11 do programa de Normalización Lingüística do IES Breamo, que recupera para a radio un monólogo de Roberto Vidal Bolaño, presentado na sala NASA en 1999. En Galego nun click visitamos ao rapeiro Gamy. En Dicionario vivo exploramos a palabra vesar. En Son de aquí falamos do novo disco da agrupación folclórica eumesa Orballo. Tamén presentamos o III Concurso de Videoclips do IES Breamo, e falamos con Carlos Callón, que recentemente estivo en Pontedeume para presentar o seu libro Como falar e escribir en galego con correción e fluidez.