021 Divertimento Para Pequenos Monstros

Segundo programa especial sobre o movimento de centros sociais autoxestionados (CSA) en Galiza.
En outubro do ano 2002, Divertimento para pequenos monstros, producía un novo especial que daba continuidade á entrevista que mantiñamos un ano e meio antes con Fran Buey, do CSA Casa Encantada de Compostela.
Nesta ocasión dende a Casa Encantada nos comentan máis sobre a singularidade deste centro social, estabelecemos unha conexión con Xacio da lexendaria Casa Okupa da Ría en Oleiros e mantemos unha conversa con Keke do CSA Mil Lúas de A Coruña.

Tres centros socias, tres, que hoxe en día non existen, aló menos tal e como os coñeciamos nalquel momento. Decimos isto xa que é moi probábel que aqueles protagonistas cos que mantivemos as conversas, naqueles primeiros noventa, estean hoxe en día dando vida novos espazos liberados. O propio CSA Laboratorio Okupado As Atochas no Bairro de Monte Alto (A Coruña), é bon exemplo da vixencia do citado movimento, mais deste espazo xa tivestes boa conta noutras entradas deste blog e na propia Rádio FilispiM, 93.9 FM.

Para nós, estes audios se teñen convertido nuns documentos que describen na voz dos seus protagonistas, como funcionaban tres centros socias (que non os únicos) aos que puidemos achegarnos os pequenos monstros, naqueles anos, cando este Divertimento se emitía ao través das ondas da radio pública local Radio Fene 107.7 FM (A Coruña).

A disfrutar do audio!!!

Descargar o arquivo

018 Spanglish

Set list do Spanglish do 27 de Febreiro de 2009

• Correcto – Joni
• Klaus & Kinski - Tu hoguera esta ardiendo – El cristo del perdón
• Tame Impala – Desire Be Desire Go
• Jamia Simone Nash & Impact Repertory Theater – Raise it up
• Goldfrapp - UK Girls (physical)
• Goldfrapp – Utopia
• Your song is good – The action – Action!!!!
• Standstill – Viva la guerra – Víctor san juan
• These New Puritans – Elvisss
• Indómitos – No aguanto
• Industri Royal – The Beat Boy
• Sonic Youth – Kool Thing

Descargar o arquivo

010 O Recuncho

Moi boas dende O Recuncho.
O sábado 21 de Febreiro, no noso xa décimo programa abordamos os seguintes temas:

• Manifestación en Santiago de Compostela da rede "Galiza Non Se Vende".
• Entrevista con Nanina da revista feminista Andaina.
• Falamos e escoitaremos poemas de Eduardo Galeano.
• Falamos en directo con César Fraga, traballador de Megasa, quen nos fala da situación que están a pasar na empresa coas súas movilizacións.
• Especiais musicais, remix clásicos e música de gratís.
• En directo, no plató, José Torregrosa, mestre e directivo de Fuco Buxán.
• Iago trae duas novas seccións: "O MENOs media" e "De Gratíss"

Sen máis, un saúdo dende O Recuncho.

Descargar o arquivo

020 Divertimento Para Pequenos Monstros

Hoxe en Divertimento para Pequenos Monstros, recuperamos o primeiro de varios audios no que entrevistamos a Fran del Buey, un dos integrantes da asembleia da por entón Casa Encantada de Compostela, audio que co paso dos anos ten pasado a ser un documento.

Por entón, Divertimento, emitíase na lexendaria radio municipal Rádio Fene (hoxe Radio Fusión) radio senlleira dentro das municipais da Galiza. De feito Divertimento naceu en Rádio Fene, se ben é certo que tambén pasou polas ondas da ferrolá Radio Kaos, universitaria da que algún día falaremos nun especial que se podería titular "como ser universitario, cargarse unha radio universitaria e non morrer no intento".

No vindeiro Divertimento daremos continuidade a este especial aos centros autoxestionados daqueles primeiros noventa no noso país, con novas entrevistas a integrantes da Casa Encantada de Compostela, a membros da lexendaria Casa Okupa da Ría en Oleiros (A Coruña) ou mesmo do Centro Social Mil Luas en A Coruña.

Hoxe en día, todos estes centros sociais autoxestionados non existen, mais forman parte da historia e a experiencia daqueles pionerios e que hoxe queremos compartillar con todos vós.

Pequenos monstros, a disfrutar do documento.

Descargar o arquivo