Mércores, 14 de maio de 2014, de 19,00 a 20,00 no 93.9 FM Ràdio FilispiM, ou en directo en Internet: http://giss.tv:8001/radiofilispim.ogg Repetición radiofónica: Domingos, 12 hs e Xoves de 2 a 3 madrugada.
“O Recuncho” nº 183 , programa semanal radiofónico da A.C. Fuco Buxán, cos seguintes contidos:
Invitado: Miguel Castro Serantes, para presentar a Producción de Teatro Radiofónico “Crónicas Republicanas”
O “Espertar da Razón” de José Torregrosa: ” A crítica situación de Lazos pro soliedaridade ”
Na “Sección Poética” de Lorena Calaza: Xosé Mª Díaz Castro. Letras Galegas 2014.
Divertimento para pequenos monstros, edición do venres ,9 de maio de 2014. Dúas horas de monstrosos contidos... Con este programa iniciamos a conta atrás para desintegrarnos no dial e volver a aparecernos en forma de monstro-crisálida cara o mes de setembro. Contidos:
Conversa con parte dos iintegrantes da formación ferrolá El Viejo Caracol que nos apresentaron o seu terceiro álbum, "Tanta Memez" (2014). No estudio: Erico Pose, Miguel Pita e Óscar Fojo.
Axenda Divertimento.
Conversa con Manuel Rey, integrante da nova directiva do Ateneo Ferrolán, quen fala da campaña de apoio a senlleira entidade ferrolá (http://salvemosoateneo.blogspot.com.es).
Conducen: Ana Lucecú e o Pequeno Monstro. Difunden: Rádio FilispiM, 93.9 FM (Trasancos) & Rádio Kalimera (Composteland).
* pulsa a frecha do reproductor para seleccionar o programa completo (1) ou o corte da conversa con Manuel Rey do Ateneo Ferrolán (2).
A nova directiva e cadro de persoal do Ateneo Ferrolán comeza a traballar con ilusión, ideas e colaboración mútua. A nova directiva vén de chegar a un acordo co cadro de persoal para unha redución temporal dos seus salarios, até equilibrar as contas da institución. Ademáis, adaptan as cotas de socios para persoas en situación de desemprego ou mesmo incorporan cotas especiais para integrantes dunha mesma familia... Toda a información neste audio. Informou Miguel Castro para os informativos de Rádio FilispiM. (Redacción Informativos).
DIVERTIMENTO para pequenos monstros, do venres 13 de decembro de 2013. Dúas horas de monstrosos contiudos...
Especial "LEY DE SEGURIDADE CIUDADANA", a Lei da Mordaza. Todo o que tes que saber da Lei Mordaza, o non vai máis no recortes das liberdades do PP. Coa participación de Meli Criado, Paki López e Pedro Ferrández.
Conexión con Carmen, voceira dos PRACEIROS DE PONTEDEUME que hoxe venres 13 de decembro, tras 42 días (coas súas noites), levantan o campamento na rúa, mais seguen ninguneadxs polo Alcaide de Pontedeume, o "popular" Torrente, o brazo tonto do PP eumés. + info: htps://www.facebook.com/groups/1388530921387094/?ref=ts&fref=ts
Apresenta e conduce: Pequeno Monstro. Emiten: Rádio FilispiM, 93.9 FM (Ferrol) Rádio Kalimera, 107.9 FM (Compostela) e Cuac FM, 103,4 (A Coruña), emisoras libres e comunitarias na Galiza.
Nos informativos de Rádio FilispiM recuperamos o audio desta semana de "O Espertar da Razón", a sección semanal de José Torregrosa dentro de o programa O Recuncho do Colectivo Fuco Buxán, que emite Rádio FilispiM, 93.9 FM. José Torregrosa, Victor Novás e Fernando Ocampo, comentan entre outras cuestións: "Esto es un ataque político en toda regla para desestabilizar una institución y lo más grave es que haya asociaciones que se sumen, de manera instrumental, para hacer esa tarea sucia que está dirigiendo el Concello de Ferrol...", en clara referencia a Directiva da A.VV do Centro de Ferrol e a Concellaría de Cultura dirixida por Manuel Reyes-García Hurtado.
O que van vostedes ouvir de seguido é a fotografia do actual estado das cousas no edificio do Ateneo Ferrolán. Os antecedentes que fixeron que se chegara a esta situación xa os coñecen: a cesión de parte do edificio do Ateneo, por iniciativa unilateral do Goberno do Partido Popular, a outras entidades logo da sua rehabilitación, no último momento e sen dialogo previo co Ateneo. É dicir, a traición.
O que aconteceu no serán do pasado venres 15 de novembro ás portas no propio Ateneo foi o resultado mesmo de tal "desaguisado", patrocinado polos irresponsables do actual Goberno do Concello de Ferrol, en mans do surrealista Partido Popular.
Os elementos que os ouvintes deben pór en imaxe, antes de ouvir o seguinte audio, son: o Ateneo Ferrolán, unha AVV do Centro, unha televisión local propiedade da presidenta da referida asociación, o Colexio de Arquitectos de Galicia (COAG), Man (o de Camelle), Manuel-Reyes-García-Hurtado (o de Cultura), a Policía Municipal e, para rematar, o Real coro Toxos e Froles...
Saquen vostedes a súas propias conclusións. A visión da outra parte será televisada...Miguel Castro & Pequeno Monstro para os informativos de Rádio FilispiM.
Neste Programa do Colectivo OPAII do 15 de Novembro de 2013, falamos da actualidade do Colectivo e as novidades desta semana, das concentraçons de Nunca Mais e a sentencia do caso Prestige, da iniciativa sindical "Ferrolterra Esixe Solucións", Navantia, Pemex , das mortes por accidente laboral de 2 pessoas nesta semana na nossa comarca, da sandalia das CUP's, da folga de fame de Vel-a Luz, da misteriosa desapariçom de Diego, ... música e umha chamada inexperada desde o Ateneo Ferrolán.
A autodenominada Asociación de Veciños do Centro vén de advertir que, nalgunhas ocasións, as actividades que eles programan no edificio do Ateneo cadran en tempo e espazo coas que programa o propio Ateneo. Ademáis, denuncian que aparecen armarios con útis de limpeza fechados con chave e que no Ateneo "ponen la radio a todo volumen y no podemos dar clases, porque el ruido es ensordecedor". Por outra banda, denuncian que o ascensor que os leva ao segundo andar, onde teñen o seu espazo, non funciona e que segue a haber goteiras, cuestións que xa coñecen dende o mes de maio o Alcalde e concelleiros responsábeis, sen que se dera solución.
O pasado 18 de outono de 2013 Rádio FilispiM estreou un novo espazo o "FilispiM Vai...", que como non podía ser menos, arrincou dende o Salón de Actos do edificio do Ateneo Ferrolán. En directo, durante dúas horas, falouse coas persoas que dan vida a centenaria entidade da rúa Madalena. Recollemos algúns dos momentos nos que o Presidente do Ateneo, Ramón Veloso e unha das traballadoras, Cristina, de administración, comentaban a peculiar situación na que se atopa o Ateneo tras a ocupación da súa sede por parte doutras asociacións, previa traición do actual goberno do Concello de Ferrol, en mans da maioría absoluta do dereitista PP.
Informou o Pequeno Monstro para os Informativos de Rádio FilispiM.
A "Semana Galega de Loita contra as Fronteiras" chega este vernres 25 de Outubro às 20h. ao Ateneo Ferrolán.
Durante esta semana unha serie de colectivos sociais (Foro Galego da Inmigración, Raias Travese iras, Grupo de Axitación Social, ODS-Coia e Liga Estudantil Galega) organizan a Semana Galega de Loita contra as Fronteiras, con actos en Vigo, Compostela, Ourense, A Coruña e Ferrol (en Ferrol será o venres 25 a partir das 20h. no Ateneo Ferrolán), e que contará coa participación de Eduardo Romero, integrante do colectivo asturiano Cambalache, autor de diferentes textos sobre políticas migratorias e co-autor do libro ¿Qué hacemos con las fronteras? (AKAL), que presentará en todas as cidades.
En Ferrol estarán Eduardo Romero, Carlos Piñeiro (Profesional do SERGAS) e Maite Bustamante baixo o título "Fronteiras. Diferentes dispositivos, mesma función. Políticas migratorias e exclusion de dereitos." Texto: http://artabra21.blogspot.com.es/ Audio: Miguel Castro de Rádio FilispiM entrevista a Eduardo Romero (integrante do colectivo asturiano Cambalache) no programa O Recucho.
No transcurso do programa especial "FilispiM vai ... ao Ateneo Ferrolán", do pasado venres 18 de outubro de 2013, chegou a nosa redacción un comunicado da sección sindical da CNT no Ateneo, donde se denuncia o impago de nóminas e débedas a seguridade social relativas ao cadro de persoal, dos que se responsabiliza a actual directiva do Ateneo. Transcribimos de seguido o comunicado completo en texto e audio:
"A Sección Sindical da CNT no Ateneo Ferrolán quere denunciar publicamente que nos últimos 10 meses a entidade endebeda 3 nóminas e media aos/as traballadores/as e ten pendente o pagamento de varias cotas dos seguros sociais. A complicada situación económica da entidade non impide que se fixeran outros pagos aprazables ou prescindibles, en troques de priorizar o pagamento das nóminas e os seguros sociais do cadro de persoal.
Sorpréndenos enormemente as declaracións nos medios de comunicación de Rosa Méndez (secretaria do Ateneo) e de Ramón Veloso (presidente) nas que declaran sentirse satisfeitos pola xestión levada a cabo nos case que dous anos na Xunta Directiva, pois foi precisamente neste período cando a situación laboral das traballadoras e traballadores empeorou notablemente.
A Sección Sindical da CNT no Ateneo Ferrolán considera nefasta a xestión por parte de todos os membros desta Xunta Directiva e unha deixadez nas súas funcións."
O venres 18 de Outubro a partir das 20h. no Salón de Actos do Ateneo Ferrolán na rúa Magdalena 202-204 (Ferrol), o novo programa de Rádio FilsipiM (FilispiM vai...) estará no Ateneo com rádio ao vivo e música a cargo de Rubén Artabe, falaremos do Ateneo Ferrolán com entrevistas e mais sorpresas.
O Ateneo Ferrolán segue a resistir o ataque sen concesións do dereitista P.P. na cidade.
Dende finais do ano pasado e durante todo o que levamos de 2013 o histórico Ateneo Ferrolán está a sofrer graves interferencias no seu normal funcionamento, como consecuencia das decisións tomadas polo Goberno do Partido Popular na cidade e o apoio do único edil de Independentes por Ferrol. Este grupo de Goberno, aproveitando a súa maioría absoluta no Concello de Ferrol, está a executar accións contra este colectivo que pouco teñen de democráticas senón máis ben de aniquiladoras. Unha delas foi a decisión unilateral (co rexeitamento de todos os grupos da oposición) de obrigar aos ateneístas a compartillar o histórico edificio do Ateneo entre ben diversos colectivos e incluso unha Asociación de Veciñanza, que ben pouco teñen en común, obviando todos os acordos municipais adoptados por anteriores corporacións.
O Ateneo Ferrolán caracterizou a súa traxectoria cultural na nosa cidade pola aportura de portas a todos os Colectivos, o que contrasta coa pretención "controladora" deste espazo da cualición dereitista PP-IF na nosa cidade, toda vez que a sede do Ateneo foi rehabilitada.
Nos informativos de Rádio FilispiM, libre e comunitaria, escoitamos a Cristina Meizoso, traballadora do Ateneo, quen nos fala das últimas novedades ao respeito destes e doutras cuestións relacionadas co centenario colectivo ferrolá.
Ateneo Ferrolán: a usurpación da súa sede e o secuestro do seu patrimonio continúan.
Logo do pasado Pleno Municipal do 27 de decembro de 2012, donde o grupo de Goberno acordou "repartir" a sede do Ateneo Ferrolán coa Sociedad de Artistas Ferrolanos (SAF) e a Asociación de Veciños Zona Centro, agora, transcorrido un mes, se suma a este "reparto" a Sociedad Filharmónica Ferrolana quen, según as persoas que traballan no Ateneo, "nen tiña coñecemento nen tiña solicitado a súa reubicación", prevista no lugar proxectado para a cafetaría da sede do Ateneo. Esta nova "cesión" foi finalmente aprobada no pleno do pasado xoves 31 de xaneiro de 2013.
Na mesmo Pleno, o concelleiro de Economía e dereitista, Alejandro Langtry, explicou que o que quere o Goberno local é "concentrar nun mesmo espazo a entidades relacionadas coa oferta cultural da cidade, quedando o Ateneo con aínda más espazo do que tiña antes da rehabilitación da súa sede" o que provocou a indignación do cadro de persoal do Ateneo presentes no pleno, pedindo a dimisión do Alcalde, o dereitista José Manuel Rey Varela; persoal traballador do Ateneo que, a vista do que está a aconteder, comeza a temer pola perda do seus postos de traballo.
O resultado da votación do novo "reparto" do Ateneo foi a seguinte: todos os concelleiros do partido do Goberno, o dereitista PP, votaron a favor do novo reparto do Ateneo entre as tres entidades (AVV del Centro, SAF e Sociedad Filarmónica Ferrolana) xunto cun novo apoio do "independente" Juan Fernández. O resto das formacións, PSOE, BNG e EU, votaron en contra, razoando o seu posicionamento nun intento de neutralizar a acción cutural participativa do Ateneo por parte do PP, nunha teima sen precedentes contra da centenaria institución, a excepción do periodo da dictadura do Xeneral fascista Francisco Franco.
Outro dos problemas que segue a ter Ateneo Ferrolán é o secuestro do seu valioso patrimonio por parte do grupo de Goberno PP-Independientes por Ferrol. Na actualidade este patrimonio, ademáis dos seus seus enseres, seguen secuestrados polo grupo de Goberno quen non quere asumir o pagamento á empresa de gardamóbeis, reclamando ao Ateneo que se desexa recuperalo asuma o pagamento da contiosa factura á empresa privada.
Por outra banda, dende o Ateneo Ferrolán se denuncia "que algunhas asociacións que pretenden facer actividades culturais no Ateneo están a ser ameazadas telefonicamente para que non utilicen este espazo". Así, acusan o alcalde o dereitista José Manuel Rey Varela e ao conxunto do grupo de Goberno de "estar xogando cos postos de traballo" que advirten seguirán a defender.
O Ateneo Ferrolán, institución cultura creada en 1879, sempre tivo un papel moi importante na promoción da cultura na cidade de Ferrol; dinamiza ese edificio dende 1983, momento no que o Concello aprobou por unanimidade ceder o primeiro andar do inmoble (que recibira como parte do Legado Carbajal). Durante anos a entidade pagou un aluguer, até que en 1996 o Concello (gobernado daquela polo PP) acordou a cesión gratuíta por un período de 15 anos. En 2008 (con goberno do PSOE) o pleno aprobou de novo por unanimidade a cesión indefinida do edificio ao Ateneo.
Dende a chegada ao Concello de Ferrol do actual grupo de Goberno do PP a cultura local ten sido atacada en diversas formas e maneiras ben perversas, sendo un dos responsábeis desta situación o concelleiro Manuel Reyes García Hurtado coa complicidade do Alcalde e demáis integrantes do grupo de Goberno.
Centos de apoios ao Ateneo Ferrolán veñen de ser emitidos por entidades, colectivos e personalidades do mundo da cultura, sen que o dereitista grupo do Goberno do PP de Ferrol co apoio do "independiente" Juan Fernández, variase un ápice o seu propósito, máis ben recrudencendo aínda máis a súa postura contra do Ateneo e os ateneístas ferroláns, como se ten visto neste último pleno coa aprobación dun novo "reparto".
Escoitamos o audio de parte do primeiro pleno do Concello de Ferrol do xoves 27 de decembro 2012, cando comezou a usurpación da sede do Ateneo Ferrolán. Naquela ocasión, se aprobara a "reparto" do Ateneo coa SAF (Asociación de Artistas de Ferrol) e Asociación de Veciños do Centro.
Como consecuencia das agardadas obras de rehabilitación do Ateneo Ferrolán, o Colectivo Opaíí!-Rádio FilispiM, véuse obrigado a abandonar o mítico estudio "metro cadrado"o pasado 29 de xuño de 2010 e a procurar un novo espazo. Como consecuencia desto, tivemos un apagon de pouco máis de dous meses e medio nas nosas emisións, que no pasado mes de agosto de 2010 farían cinco anos.
Logo da complicada tarefa da procura dun novo local donde volver a instalar as súas equipas técnicas e antena, na tarde de ontes (sexta feira, 17 de setembro) conseguiron volver as ondas as emisións da radio libre e comunitaria da Terra de Trasancos, que agora emite dende a traseira do Mercado de Caranza (Ferrol).
As emisións polo de agora son en probas, mais agardamos recibir novas d@s ouvintes ao respeito de como se escoita a nosa sintonía (93.9 FM) nos diferentes bairros. Fazede chegar as vosas impresións coas vosas mensaxes a este blog e vía e.mail a filispina@gmail.com
Ao pé desta entrada ofeceremos as imaxes da instalación das equipas no novo estudio do bairro de Caranza (a historia paso a paso). O audio estámolo a editar.
En breve daremos información sobre como participar na vindeira grella da Rádio FilispiM (2010/2011), que estreará a nova ubicación. Así que ide pensando nas vosas propostas radiofónicas!!!.
Finalizamos este comunicado agradecendo a solidaridade de todas aquelas persoas que amosaron a súa disposición a colaborar na procura dun novo espazo para a radio libre e comuntaria de Trasancos, durante estes dous meses e medio que durou esta nova batalla "filispiniana". Grazas sobre todo por colaborar con xeneroxidade e sen protagonismos, de acordo aos principios fundacionais do Colectivo Opaii! -Rádio FilispiM. Obrigad@s a tod@s!! Avante coa rádio libre e comuntária!!
Foto superior: re-instalación do dipolo [antena] de Rádio FilispiM en Caranza. Carrusel de imaxes: instalación do novo estudo da FilispiM no local da traseira do Mercado de Caranza.
Instante das "desmostaxe" do lexendario estudio "metro cadrado"
no Ateneo Ferrolán.
Son moitas xa as preguntas sen resposta, moitas xa as semanas "suspendidas no dial". Moit@s @s filispin@s vagando sen rumbo polos bairros do lugar, como zombies.
Todo aconteceu no mes de xunho do 2010, ou mellor sería dicir todo mudou...
Mais é hora xa de que o Colectivo Opaii!-Rádio FilispiM, vaia soltando prenda e nos dea pistas do que realmente está a acontecer, do porque deste parón nas súas emisións, logo de cinco anos de transmisións finispinislándicas ininterrompidas [agosto de 2005].
En breve teredes a solución a este sudoku do caralho, mais de momento a seguir especulando.
Polo de agora deixámovos con estas fotos tiradas no momento e lugar dos feitos [xunho de 2010, estudio de Rádio FilispiM, no Ateneo Ferrolán].
Mais, ti que pensas de todo isto?. Están de conha en Rádio FilispiM?. Tentan despistarnos unha vez máis?. Éche un experimento máis con obscuras intencións?. Unha outra Conspiranción?. Porque andan a desmontar as equipas técnicas?. Levan alta tensión eses cables que coroan a testa d@lgúns d@s filispin@s?
Algunha imaxes do proceso de desmontaxe do mítico estudio "metro cadrado", da Rádio FilispiM, no Ateneo Ferrolán. Continuará...
O pasado 29 de xunho de 2010 ás 16:35 h, Rádio FilispiM, a emisora libre e comunitaria da Terra de Trasancos que emite dende Ferrol, deixou de emitir temporalmente. Neste lugar debería ir unha explicación máis ou menos lóxica e convincente para que todxs coñecésemos as razóns de tal “apagón”. logo de case que cinco anos de emisións ininterrompidas dende o xa famoso estudio "metro cadrado" do Ateneo Ferrolán [cinco anos de emisións que cumpriremos en agosto deste 2010].
En lugar de darvos esa razón “aplastante” que vos deixaría a todas e todos contentas [ou non?] oferecémosvos unha serie de razóns para que vos elixades [ao voso entender] a máis lóxica e convicente.
Este extrano procedimento ten que ver cun experimento que estamos a levar a cabo no departamento Filispiniano de Humanística, de cuxos resultados informaremos en futuras entradas neste mesmo blogue. Permanecede a espera.
Se o desexades podedes elixir e votar pola opción [ou opcións] que pensades son as que teñen motivado a SUSPENSIÓN das emisións de Rádio FilispiM. Para ilo habilitamos un panel de votacións que atoparás na marxe dereita deste blogue. Ademáis, nun derroche de espirito democrático sen igual, podededes deixar o voso comentario ao pé desta entrada.
Estas son as razóns polas que PODEDES VOTAR. Animádevos!!!:
OPCIÓN 1º. Non hai suspensión, de feito non houbo nen sequer emisións en todo este tempo. Éche todo unha trangallada do Colectivo Opaii!, unha farsa que durou case que cinco anos. Que todo o mundo se entere!.
OPCIÓN 2º. Trátase dunha suspensión das emisións para o mantemento dos equipos e do persoal. Aos equipos háilles que cambiar as lámpadas e ao persoal algún tornillo. En breves volverán ao ár, estou segura.
OPCIÓN 3º. Non apagaron os equipos de emisión, llos apagaron!!! Ou fou Fenosa, por impago, ou a Xunta, por alegais. Escoiteino ontes na pescadería!
OPCIÓN 4º. Foi un apagón de emisións temporal. Van cambiar de ubicación o estudio da radio. Onde estaban eles van montar unha perruquería, eles van para un lugar máis seguro [logo das últimas ameazas… da Policía].
OPCIÓN 5º. Realmente todo é un experimento sociolóxico para estudiar a reacción do pobo de
Ferrol e Trasancos tras a desaparación dunha droga á que foi enganchada previamente.
OPCIÓN 6º. La culpa de todo la tiene Zapatero. Sin más, lo dijeron en Intereconomia TV.
OPCIÓN 7º. A suspensión das emisión é tan só unha interrupción. Van cambiar os equipos á unha nova ubicación dentro do Ateneo Ferrolán. Rádio FilispiM pasa a ocupar todo o Ateneo e o Ateneo pasa a ocupar o metro cadrado que lle deron a Filispim hai cinco anos.
OPCIÓN 8º. Ganando como está “La Roja”, no sé a que vienen estos temas. Arriba España!!, coño!!
OPCIÓN 9º. Non deixaron de emitir, é unha emisión especial de Aquiloquevibra, están emitindo un maxi dun grupete destes raritos dos oitenta, música experimental, ruidista… Só tes que clicar no reprodutor de abaixo.
OPCIÓN 10º. Non. Trátase dunha suspensión de emisións, durante o tempo que dure a instalación da nova torreta: en Montefaro, con 18 dipolos apilados e o novo emisor de 5.000 w.
OPCIÓN 11º. Ten que ver coa comentada fusión de RADIO MARÍA con RADIO FILISPIM, nunha nova cadena que se chamará RADIO MARÍA A TODO FILISPIM STAR. Canto teñan postos os crucifixos, cadeiras eléctricas e demáis aparataxe preparao reanudarán as emisións.
Agora XA PODEDES VOTAR no panel que habilitamos na marxe superior dereita deste blogue.
En breves colgaremos, en exclusiva, unhas extranas e desasosegantes imaxes tiradas o día do apagón temporario filispiniano. Atentas, atentos. Seguiremos informando...
Cara as 13:25 horas do día 17 de xaneiro de 2008, un ruido e despois un fume denso, que sae da porta de entrada, alertan a unha traballadora do Ateneo Ferrolán, quen observa como está ardendo o acceso directo ao Ateneo. De tod@s é coñecida a estreita vinculación fundacional, do colectivo OPAII-Rádio FilispiM e o Ateneo Ferrolán. Somos socios da entidade e o noso local social está aí, no propio Ateneo. É polo que tamén nos sentimos igualmente afectados polos feitos acontecidos. Por si esto fora pouco, o pasado sábado 26 de xaneiro, un novo lume prendeu, como consecuencia dun cortocircuito na instalación eléctrica, seriamente danada no primeiro incidente. Pretendemos, con este comunicado, 1º Deixar constancia pública da nosa solidaridade c@s traballador@s do Ateneo Ferrolán e cos @s voluntari@s de DYA,que sofriron as consequencias do INCENDIO PROVOCADO, contra da cultura, o voluntarismo e da entidade centenaria, AteneoFerrolán. 2º Unirnos á demanda da xunta directiva do Ateneo Ferrolán, quen reclama ao Concello de Ferrol que:
a) Se ARRANXE DE INMEDIATO o acceso ao público do Ateneo. As condicións nas que se atopa, logo do acontecido, fan que estean en risco a valiosa e única hemerotea-biblioteca, o propio patrimonio da entidade e, o máis importante, a seguridade e vida das persoas.
b) Se acometan dunha vez as OBRAS DE REHABILITACIÓN, tal e como está contemplado no acordo de inversións (21 millóns de euros) que en Xullo do 2002 suscribiron o Goberno Local e a Xunta de Galicia para a Rehabilitación do Barrio da Magdalena e Ferrol Vello. c) Se respete e se valore a unha Entidade Cultural con mais de 129 anos, facendo Cultura con e para o pobo.
3º Informar que, as emisións da radio libre, comunitaria e autoxestionada, Rádio FilispiM, 93.9FM, que transmitía dende o mes de agosto de 2005 de xeito ininterrompido, foron suspendidas o pasado sábado 26 de xaneiro, como consecuencia dos estragos do lume na instalación eléctrica do Ateneo Ferrolán.As emisións, das ondas libres e comunitarias, non poderán volver ao ár, até que se garanta o perfecto estado da instalación eléctrica afectada, cuestión que, reiteramos, está a condicionar gravemente as nosas emisións.
Emprazamos á quen corresponda, a por solución a esta problemática o antes posíbel, en nome da cultura e do sentido común. Ferrol, 2 de febreiro de 2008
O Colectivo Opaíí ! (Ondas Para Activación de Información Independente - Rádio FilispiM) é unha Asociación Cultural, sen ánimo de lucro, oficialmente constituida no ano 2004.
Arredor das 13:25 horas do día 17 de xaneiro de 2008, um ruido e despois um fume denso que sae da porta de entrada, alerta á trabalhadora do Ateneo Ferrolán que ao abrir a porta ve como está ardendo a entrada.
É sabido que OPAII-Rádio FilispiM, é socio do Ateneo como colectivo, e tem também a súa sede no Ateneo, polo que tambem nos sentimos afectados e queremos solidarizar-nos com @s trabalhador@s do Ateneo Ferrolán e com @s voluntari@s de DYA, que tambem sufrirom as consequencias deste sucesso contra a cultura e contra umha entidade centenária como é o Ateneo Ferrolán, o Pequeno Monstro, que tinha programa esse dia, nom lhe quedou outra que centrar o tema no que acontecera essa tarde, e esta é a entrevista que lhe fixo à trabalhadora do Ateneo.
Entrevista de Rádio FilispiM á trabalhadora do Ateneo Ferrolán
Detalle do cenario do 1º Conspirando por unha radio libre
Temos o prazer de vos comunicar que o proxecto dunha radio libre e comunitaria para Ferrol, Rádio FilipiM, iniciado hai agora case un ano e ideado polo Colectivo OPAíí!! (Ondas Para Activación Información Independente ), xa é unha realidade. Rádio FilipiM comezou as súas emisións en probas no 93.0 da FM o meiodía do pasado sábado 27 de agosto deste 2005. Nas vindeiras semáns os integrantes deste colectivo ferrolterrán (legalmente constituido como asociación cultural) levarán ao cabo os axustes técnicos precisos para a correcta recepción "da filispim".
Como sabedes, Rádio FilipiM(RFM), esta concebida coma unha radio de baixa potencia encadrada dentro do ideario das radios comunitarias e libres habidas no mundo, sen patrocinadores ou intereses ente-empresariais. As súas referencias máis inmediatas son: Rádio Kalimera (Santiago de Compostela), Rádio Piratona (Vigo) ou, mesmo, a CUAC FM, radio universitaria de A Coruña. Os nosos referentes estatais: a U.R.C.M (Unión de Rádios Comunitarias e Culturais de Madrid), entre outros. A todos eles: grazas pola vosa inestimábel axuda!. Agradecementos que fazemos extensivos, a tod@s @s ferrolterráns que colaboraron desinteresadamente para fazer real o proxecto: participando nos festivais "Conspirando por unha rádio libre", as bandas de música locais que cederon a súa música para os cedés recompilatorios.... en definitiva, que colaboraron activamente no autofinanciamento do proxecto da activación da primeira radio libre e comuntaria de Ferrol e comarca que xa é unha realidade!!
En breve teredes máis información ao respeito da presentación oficial do proxecto e da convidación á participación criativa que se avecina. Ao loro! De momento, pedímosvos que nos sintonicedes as emisións en probas e remitades a este mail filispina@gmail.com coas vosas impresións de como chega a "sintonía filispiniana", lugar dende onde sintonizades...
Lembra, Rádio FilipiM xa en probas, no 93.0 da FM. Colectivo Opaii!!! - RFM, 93.9 FM.
