Pesquisar neste blog

30 abril, 2010

Divertimento - Serie: Pensamento 3 - Perder o tempo.

Évos aquí unha nova aventura de PENSAMENT0 3, nun dos episodios dos que máis gosto, donde Agustín García Calvo indaga coa axuda da súa audiencia oitentera [Caravana de Hormigas-Radio 3-1989] sobre a relación entre a Vida [ou o que nos vende por iso] e o Tempo [mensurábel].

Nada mellor que as primeiras verbas de Agustín, tiradas da súa introducción, para suxerirvos "gañar tempo" [entre tanto tempo perdido] escoitando o audio que segue a estas liñas:

"Matar o tempo, entreterse, divertirse e demáis é o mesmo que falar da vida. De xeito que ao falar dos ´chismitos´inventados para encher/matar o tempo estamos a falar da vida, a única que semella a real, posto que é a que nos venden.

Non hai que esquecer en que consiste a trucaxe esencialmente: cambiar a vida por tempo, converter a vida en tempo, conseguir o que se di con tan lúcida desesperación nos versos de Antonio Machado: ´ya nuestra vida es tiempo´.

Esta é a trucaxe esencial do Capital e Estado que, como explicamos outras veces, consiste en fazer crer no futuro, naturalmente non chamándoo polo seu nome [que é morte, un mome pouco conveniente, demasiado aterrador] senón chamándoo por outros nomes: futuro...

Facer crer nun destino a onde vou como ente real e a onde vai a humanidade e unha vez que se conseguiu isto, o que vai desde aquí cara ese futuro, xa é propiamente tempo. Un tempo baleiro. Un tempo que, por tanto, se pode manexar, contar. Un tempo do que vive o crédito da banca, o tempo ao que se reduce a vida do traballador mentres está no tallo e tambén [o que hoxe nos toca no programa] os ratos libres, o ocio.

Posto que o tempo non pode cambiar a natureza, é o mesmo durante o traballo que no suposto ócio ao que alude o nome desta exposición dos ´chismes´ do ócio, na que imos estar metidos incongruentamente como Javier [aludindo ao presentador] vén de dicir...".

Mais nada, a vindeira semana máis Pensamento 3, aquí onde paran os monstros.

Descargar o audio

Programa especial 1º de Maio en Rádio FilispiM

https://blogger.googleusercontent.com/img/b/R29vZ2xl/AVvXsEg9-NBaoWObT8ocTapnExaV4J8LfyT6nnq71YMqn37VNWUFy3wWrDZcn1Ugtb28Z2Qaszy2sGO_7P3N_FJBbF8oZ464T_F91VYImj9MXYJAYhCT8ZZ7QVEn0GK0A_JwM0KZv3MJ/s1600/RFM+Informativos.jpg
O pasado xoves 29 de abril de 2010, as 20:00 h. tivo lugar en Rádio FilispiM, 93.9 FM un PROGRAMA ESPECIAL: 1º de Maio.

Co convite a participar na mesa-debate de integrantes dos sindicatos con representación na comarca: CC.OO, CIG, CNT, USO, USTG e UXT

Poderás ouvir a repetición do programa:
  • Sábado 1 de maio, as 11:00 h. da mañá.
  • Domingo 2 de maio, as 15:00 h. da tarde.
  • No nosso blog opaii.blogspot.com

Descarga o audio



28 abril, 2010

O Souto [ADEGA] - Radio Filispim 26-04-2010

Nova edición de O Souto, programa de ecoloxía e meio-ambiente de ADEGA-Trasancos apresentado por Nês na Rádio Filispim, 93.9 FM.

Nesta ocasión como convidado: Alexandre Carrodeguas, do colectivo ecoloxista Verdegaia.

Máis info en: www.osoutodeadega.blogspot.com



Descargar o audio

26 abril, 2010

Divertimento - Serie: Pensamento 3 - Arte.

Nova edición da serie Pensamento 3, dentro de Divertimento para pequenos monstros, na sintonía de Rádio Filispim, 93.9 Ferrol [GZ].

Nesta ocasión o profesor Agustín García Calvo diserta cos ouvintes sobre o Arte.

Como todos os PENSAMENTO 3 que estamos a recuperar, este foi emitido orixinalmente un venres do 1989 en Radio 3, dentro do programa Caravana de Hormigas. Memorábel espazo matutino apresentado orixinalmente por Juan Francia, Jesús Beltrán e Enma Tamargo, que non tardarían en ser fulminados de Radio 3, de feito resulta unha sórdida ironía saber que J. Francia e J. Beltrán acabaron en Radio Exterior de España.

Como todos os programas os iniciamos e findamos tal como o facían daquela: co himno da Comunidade de Madrid, se ben aínda non atopei a versión con coro, tal como se emitía, pois sei é a que vos gosta ;-).

Por certo, curioseando na web da editorial autoxestionada polo propio Agustin G.C. [LUCINA], veño de atoparme cunha grata sorpresa. No menú: enlaces de internet/registros sonoros/himno de Madrid, hai un enlace... nada máis e nada menos que a un arquivo de audio que eu mesmo subín hai algún tempo!. A verdade é que me ten feito moita ilusión, ter contribuido inda que sexa desde tan abaixo a difundir esta alfaia agachada nas moquetas de tan distinguidos politic@s. Podedes velo aquí: ->enlace

Mais nada, a vindeira semana unha nova edición de PENSAMENTO 3, aquí, onde paran os monstros.

Descargar o arquivo





Imaxe: podería ser arte.

Spanglish 23 abril 2010


Set list Spanglish 23 de abril 2010:

  • We are Standard – Don´t give up
  • JJ - Nº 3 - And Now
  • Los Punsetes - LP2 - Tus amigos
  • Fanfarlo – Reservoir - Ghosts
  • Surfin' Bichos - Hermanos carnales - Fuerte
  • Surfin' Bichos – Buzos haciendo suf (extracto)
  • Nada Surf - If I had a HI-Fi - Evolución (de Mercromina)
  • Nudozurdo – Sintetica - Negativo
  • Klaus and kinski – Tu hoguera está ardiendo - El Cristo del Perdón
  • Carrero Bianco – Soy un misil
  • Los Planetas - Una Ópera Egipcia - No sé cómo te atreves
  • Hola a todo el mundo - Hatem prayer team


Descargar o arquivo

25 abril, 2010

O Recuncho Nº 29

Estimado@s compañeir@s, o sábado24 de Abril nova edición de O Recuncho.Coma de cotiá de 11 a 13 horas en Radio Filispim (93.9 fm)

Neste programa destacamos os seguintes contidos:

- Contactamos en directo coa manifestación que tivo o sábado 24 en solidariedade co xuiz Garzón . Co lema: “Verdade, xustiza, reparación.”

- En directo, no estudo de radio Filispim Benigno López da ong solidariedade galega co pobo saharaui.

- Do 22 ao 27 de marzo deste ano 2010, estiveron en Ferrol dúas antropólogas catalás – Susana Narotzky e Irene Sabaté – facendo un traballo sobre a Megasa Siderúrxica S.L., dentro dun estudo máis amplo da siderurxia en España. O Recuncho falou con elas.

- Na sección poética, levada por Fernando Ocampo, aniversario da morte de Mario Benedetti.

- Especial día do libro.

- Coma de cotiá, José Torregrosa coa sú sección “O espertar da razón”.

Sen máis, un saúdo dende O Recuncho.

Descargar o arquivo



--
"O recuncho", o programa da asociación cultural Fuco Buxán
en Radio FilispiM, 93.9 FM.

Tódolos programas en www.recunchofuco.blogspot.com

23 abril, 2010

O Souto [ADEGA] - RadioFilispim19-04-2010

Nova de edición de O Souto, o programa apresentado por Nês en nome da Asociación para a defensa ecoloxica de Galiza [ADEGA]. Nesta ocasión de novo visita o programa Xabier Prieto, integrante da Sociedade Galega de Historia Natural [delegación Ferrol].

Máis info e audios do programa en: www.osoutodeadega.blogspot.com


Descargar o arquivo

22 abril, 2010

Divertimento - Serie: arquivo sonoro/historicos: Oitenta_Vinilos [Cap.10]

Derradeiro [polo momento] capítulo da serie Oitenta Vinilos, dentro de Divertimento para pequenos monstros.

Nesta edición aparecéronse as músicas de: Tino Casal, Academia Parabuten, Paralisis Permanente, Gabinete Caligari, Décima Víctima e Ecodalia.

No capítulo de "incidencias sonoras" ouvimos o minimalismo da terceira xeración de Andrew Poppy e no de "cicloxénese local" a La Nev Diva [Colectivo La Nevera].

Con este capítulo fechamos a serie Oitenta Vinilos, dentro de Divertimento, coa promesa que volver sumar novos capítulos nun futuro. Así que agardamos as vosas suxestións ao respeito en: radiomonstro[arroba]gmail.com ou comentando esta entrada.

Como sabedes iniciamos hai unhas semanas unha nova aventura, rescatando do pasado "radiotresero" a voz e reflexións de Agustión García Calvo, na serie Pensamento 3, así que procura no dial de Rádio Filispim, ou segue a seríe neste blog.

Máis novas en breve, aquí, onde paran os monstros.

Fotos: Décima Víctima.


Descargar o arquivo



21 abril, 2010

Balanzo da Asemblea da ReMC [Rede estatal Medios Comunitarios].

Durante a pasada fin de semana celebrouse na localidad de Torremolinos, en Málaga, a Asamblea de la Rede estatal de Medios Comunitarios, [ReMC], da que é membra Rádio Filispim. Nela, aprobaronse importantes medidas logo da súa constitución hai agora un ano.

Baixo a organización da emisora comunitaria de Málaga, Onda Color, trataronse cuestións como as nuevas solicitudes de adhesión a la Rede, o orzamento para o ano 2010, o estabelecemento de protocolos de organización interna e o repaso e planificación dos Grupos de Traballo da Rede estatal de Medios Comunitarios [ReMC]

Todos os detalles desta Asamblea con Alejandro Blanco, de Onda Color, ao través do informativo Más Voces [difundido por moitas radios libres e comunitarias do estado, dentre delas Rádio Filispim]:





Audio publicado en Más Voces : www.masvoces.org

18 abril, 2010

Spanglish 16 abril 2010


Set list Spanglish 16 de abril de 2010:

  • Lidia Damunt – En la isla de las bufandas – Aloes de 50 metros
  • Hot Chip - One Life Stand
  • Yummy cake – Karmel
  • "Zorba El Griego" Dir.: Michael Cacoyannis. Música: Mikis Theodorakis
  • Standstill – Viva la guerra – La mirada de los mil metros
  • Standstill – Adelante Bonaparte – I. Algunos recuerdos significativos de B. – La familia inventada
  • Dwomo – Moscas en diciembre - No soy París
  • The Heavens – This beautiful machine
  • Arizona Baby & L.A. - Standing in the way of control (de Gossip)
  • Indomitos – No aguanto
  • Franc3s – Me gustaría verte sangrar
  • She and Him – Volume Two - In the Sun

Descargar o arquivo



17 abril, 2010

O Recuncho nº 28

Estimado@s compañeir@s, este sábado 10 de Abril tivemos un novo programa de O Recuncho, o programa da Asociación Cultural Fuco Buxán.

Neste programa destacamos os seguintes contidos:

  • En directo, no estudo de radio Filispim o pintor Víctor García Novás e o poeta Juan Carlos Valle “Karlotti” presentando a exposición “El color de la dignidad”.
  • Escoitamos as verbas de Xose Manuel Beiras, hitórico político galego.
  • Falamos con Santiago, propulsor da iniciativa Pucha Kucha en Ferrol, a cal se realizou por primeira vez na nosa cidade no teatro Jofre.
  • Na sección poética, levada por Fernando Ocampo, Jose Agustín Goytisolo.
  • Coma de cotiá, José Torregrosa coa sú sección “O despertar da razón”.


Sen máis, un saúdo dende O Recuncho.

Descargar o arquivo



16 abril, 2010

Divertimento - Serie: Pensamento 3 - Quen es, que fas.

Terceiro capítulo da serie PENSAMENTO 3, dentro de Divertimento para pequenos monstros [Rádio Filispim]. Como o resto dos capítulos, programa recuperado grazas as gravazóns caseiras realizadas polos propios ouvintes da serie, emitida orixinalmente cara o ano 1989 dentro de Caravana de Hormigas [Radio 3, RNE], e hoxe ao dispór de tod@s na rede.

Nesta ocasión o profesor Agustín García Calvo, fala cos seus ouvintes sobre o "Quen es, que fas".

Nas súas reflexóns intrudotorias ele di:

"As masas están compostas de individuos e, xa que logo, eu como ser real son idéntico coas masas e con quen as manexan, coas instancias superiores do capital, do Estado.

Esta é unha cuestión que se pode revelar en todos os terreos. Por exemplo, nas artes na relación entre o cadro e a figura, asistimos a esta substitución do cadro da obra pola figura.


En efecto, xa ninguén pode lembrar os sentimentos e utilidades que un cadro, unha obra, unha escultura púidolle proporcionar na súa casa ou na vía pública, sospéitase que esas obras non serven para nada, na medida en que a ninguén lles ocasiona pracer nin descubrimento. Na mesma medida, a sinatura vaise agrandado até recubrir o cadro enteiro.

Así, un Picasso quer dicer un anaco de tea [ou do que sexa] que ten a sinatura de Picasso e para distinguir entre os Picassos que levan a súa sinatura, hai que medir por metros cadrados. Non é o mesmo un Picasso de medio metro cadrado que un dun metro, teñen diferente valor.


Como sempre, atender ao diñeiro é esencial, precisamente por ser "a forma" o engano por excelencia, a especie de identidade sublime e ideal que é o diñeiro. Ela [a forma] débenos guiar en todas as análises, da vida cotiá e da vida pública.


O "facer" unha cousa é o contrario ao "ser" alguén, ser un nome propio, ser un ser real. Isto é o difícil de descubrir porque os medios de formación de masas, os políticos, a cultura, imponnos a crenza de que o "facer" redúcese ao "ser".

Así é como nas artes a sinatura [o quen é, o quen fai] substitúe ao facer, e iste facer chega a ser simplemente un pretexto para chegar a ser..."
.

Pois nada, monstros, a seguir sendo. A vindeira semana un novo capítulo da serie PENSAMENTO 3, aquí onde parades vós.

Debuxo: un Picasso de merda.

14 abril, 2010

Divertimento - Serie: arquivo sonoro/historicos: Oitenta_Vinilos [Cap.9]

No noveno [e penúltimo] capítulo da serie Oitenta Vinilos, producida por Divertimento para pequenos monstros hai cinco anos para Radio Fene, escoitamos a música de:
- Sector B
- Polanski y el Ardor

E xa no panorama local ferrolterráqueo, dos dousmil, ouvimos a:
- La Nev Diva
- Traje de Saliva
- Nolotil + Soma

Actualmente Rádio Filispim xa non está a emitir esta serie, mais dado o exito de escoitas nos pod-cast da serie Oitenta Vinilos oferécemosvos os dous últimos capítulos da mesma, co anuncio de que non descartamos gravar unha nova tanda de programas nun futuro. Agardamos as vosas suxestións para ilo.

Polo de agora atoparedes todos os capítulos desta serie no blog www.pequenosmonstros.blogspot.com, procurando na etiqueta da marxe "Serie: Oitenta Vinilos".

Monstrosos saúdos!.

Pequeno monstro.

Foto: Polanski y el Ardor


Descargar o arquivo



O Souto xa ten o seu blogue!

O programa de ecoloxía e meio ambiente de ADEGA-Trasancos xa ten o seu blogue.

Deste xeito poderás ter acceso a todos os programas que está a emitir a Rádio FilispiM, producidos por este colectivo ecoloxista, para escoitalos de vagar ou mesmo baixalos para a súa redifusión en medios libres e comunitarios de todo o mundo.

O seu contiudo irase completando co tempo, mais xa dispón dun taboleiro de mensaxes donde poder comentarlle ou suxerirlle ao Nês todo o que queiras.

Podes acceder ao blog en: http://osoutodeadega.blogspot.com

Na grella 2010-2011, O Souto, pode ouvirse ao través das ondas libres de Rádio Filispim, 93.9 FM:
  • Segundas feiras (martes) de 20:00 á 21:00 h [directo!] - [Tfno estudio: 675.431.341]
  • Quintas (xoves) de 12:00 á 01:00 h. da madrugá e de 10:00 a 11:00 h. da mañá.
  • Sábados de 16:00 á 17:00 h.
O último dos seus programas tamén podedes ouvilo neste enlace:

Descargar o arquivo



12 abril, 2010

Programa especial - Manifestación en defensa da Sanidade Pública [Ferrol]

A Plataforma pola Defensa da Sanidade Pública de Ferrol, diante do grave deterioro ó que se está sometendo á Sanidade Pública, á falla de compromiso que con esta Área ten a Xunta de Galicia e ante as medidas privatizadoras do Partido Popular respecto da Sanidade Pública, convocou para o día 11 de abril unha Manifestación Comarcal, a cal reflexou na rúa o descontento e o rexeitamento destas medidas por parte do conxunto da cidadanía da comarca. A manifestación partiu ás 12 do mediodía do Ambulatorio Fontenla Maristany.

A día de hoxe a Plataforma en Defensa da Sanidade Pública de Ferrol esta composta por máis de 40 entidades e segue aberta a novas incorporacións. Podedes ler o ideario da plataforma na sección MANIFESTO do blog:

Plataformadspferrol.blogspot.com

O Colectivo Opaii, Rádio FilispiM, decidiu cubrir a manifestación en directo con a realización dun programa especial e intentou recoller o sentir da manifestación.

Descargar o arquivo



11 abril, 2010

Spanglish 9 abril 2010


Set list Spanglish do venres 9 de abril de 2010:

  • Carlo Coupé - Música para un guateque sideral - Dos Manhattans por favor
  • David Byrne y Fatbot Slim - Here Lies Love - Eleven Days (con Cyndi Lauper)
  • Pink Bazooka – Nursery
  • La leyenda de la ciudad sin nombre - Director Joshua Logan
  • Delorean – Ayrton Senna – Deli
  • Hidrogenese – Animalitos - Disfraz de tigre
  • Eclecteck - Komiks Musik – We are going to eclecfunk your ass
  • Kula Shaker - Hush
  • Novedades Carminha – Te vas con cualquiera - Echame gel
  • Noise Project – A pedra de afiar
  • Artic Monkeys – Humbug – Dance little liar

Descargar o arquivo


07 abril, 2010

Divertimento - Serie: Pensamento 3 - Economía, o diñeiro.

Segundo capítulo da serie Pensamento 3, emitida orixinalmente dentro do programa Caravana de Hormigas de Radio 3 [RNE], no ano 1989.

Nesta ocasión o profesor Agustín García Calvo diserta cos ouvintes sobre a economía e o diñeiro.

Ao principio e final desta serie de Divertimentos, escoitarán os ouvintes a versión instrumental do Himno da Comunidade de Madrid, cuxa letra foi escrita por Agustín García Calvo e música por Pablo Sorozábal Serrano.

Estes espazos, na súa emisión orixinal en Radio 3, estaban antecedidos pola versión interpretada por un coro de dito Himno, mais polo momento non fun capaz de atopar dita versión. O certo é que o mencionado Himno, pese a ser oficial, non é reproducido nos actos da Comunidade de Madrid. A letra non ten desperdizo, nela atopanse alfaias do tipo: “Y en medio del medio, Capital de la esencia y potencia, garajes, museos, estadios, semáforos, bancos, y vivan los muertos…”. Podes ver o texto integro neste enlace: letra completa.

Para completar a hora de duración deste Divertimento incluimos ao final unha versión cantada nunha das charlas de Agustín no Ateneo de Madrid, un 1 de abril de 2008, donde o ferrolán Principe Galín fai de mestre de cerimonia e “cantor”. Podes ver o video neste enlace: video.

Este Divertimento para pequenos monstros, finda coa peza “Libre te quiero", na voz de Amancio Prada, un canto de amor libertario, sen posesión, de cuxa letra é autor o propio Agustín García Calvo.

Máis nada, ficades con Pensamento 3 [Economía, o diñeiro]. Volvemos a vindeira semana aquí, onde paran os monstros.

Descargar o arquivo


Colabora na autogestom!

Triodos Bank: ES06-1491-0001-2120-2936-2023

Titular: Associaçom Cultural OPAíí!! [Ondas Para Ativaçom da Informaçom Independente]

Related Posts with Thumbnails