Atenta - programa 3

Neste programa nº 3 de Atenta! falamos dos seguintes temas.

Falamos das suxerencias que nos chegan o correo electrónico sobre temas dos que falamos no programa.

Falamos tamen do portal Wikileaks e a guerra de Irak.

Lle dimos un suspenso rotundo o periodico El Mundo, por o artigo do seu magazine do 17 de outubro, titulado Madre o Vaca, no que faise un ataque directo a Lactancia Materna.

Falamos tamen do cartos co goberno de Zapatero mandou a Haiti como axuda humanitaria e comparamos esta cantidade con outras cousas que se poden facer coa mesma cantidade e o pequena que se queda se o comparamos coa asignacion que teñen la casa real ou a igrexa catolica.


Na cociña fixemos unha ensalada variada.

E na sección de sexo fixemos unha comparación do pracer que produce facer o amor , tomar analxesicos ou consumir cocaina.

Abrimos una nova sección titulada As Aulas, onde falaremos sobre un libriño de obrigada lectura no que se analiza o sistema de pensións baixo o titulo "¿ Están en perigo as pensións públicas?" De Juan Torres, Vicenç Navarro e Alberto Garzón Espinosa e editado por ATTAC


A música que nos acompañou desta vez foi:

"Quiero más" de Che Sudaka
"Jonny" da Polla Records
"Barruntando" e "Merda do cu" da Compañía do Ruido
"Como o vento" dos Diplomáticos de Monte Alto.



Descargar o audio

Leña Dura DF

Descargar o audio

Crónica do VI Encontro da Red de Medios Comunitarios [ReMC] en Alacante.

Foto oficial [ou oficiosa] da Asemblea coa que a pasada fin de semana se clausurou en Alacante o VI Encontro de Medios Comunitarios [ReMC].

As compas de Cuac FM, achégannos a seguinte crónica:

Rematou o VI Encontro de Medios Comunitarios. É de agradecer a ilusión e o traballo que levaron a cabo os compañeiros de Artegalia [coorganizadora do Encontro, xunto coa Rede de Medios Comunitarios], moi atentos cos asistentes [...]

O mellor do encontro, como debe ser, foi o trato humano cos demais asistentes. Este relator tivo a oportunidade de charlar con coñecer participantes de proxectos rurais [Raio Valdivielso, Radio Pikaza], históricos [Radio Carcoma], de barrio [Radio Almenara]...

La delegación de Cuac FM tivo a oportunidade de aprender sobre diversidade sexual nunha maxistral charla impartida polo ourensano Ángel Amaro, onde charlamos con el sobre a presenza e o tratamento nos medios do movemento LGTBI [Lesbianas, Homosexuais, Bisexuais, Transexuais e Intersexuais]; Mar Igrexas falounos do uso que o diario comercial on line Vilaweb fai das novas tecnoloxías; e Javier García realizou unha interesante charla sobre dereitos de autor, para logo axudar ao noso compañeiro Mariano Fernández a desenvolver a súa mesa de traballo sobre a Lei Xeral da Comunicación Audiovisual. Unha das charlas máis esperadas foi a de Manuel Tapial, activista que documentou o asalto do Exército de Israel á Flotilla da Liberdade [Palestina].

A clausura do encontro foi unha Asemblea da ReMC, boa parte da cal consistiu nunha chuvia de ideas procedente de todos os asistentes que, como o resto do encontro, podían pertencer a proxectos asociados ou non á ReMC. Tras esta, Radio Malva realizou unha serie de entrevistas a diversos asistentes [participantes de Radio Valdivielso, Radio Ritmo, Radio Lora, Onda Color, Radiópolis, Artegalia e Cuac FM] que podedes escoitar aquí:

Descargar o audio

ADEMÁIS, tamén colgaron algunhas das CHARLAS, como estas:

Diversidade sexual e medios de comunicación:

Descargar o audio

Comunicación comunitaria. Facendo radio:

Descargar o audio

Periodismo e activismo. A experiencia da flotilla da liberdade [Palestina]:

Descargar o audio

O balance, como se dixo, foi positivo. Falta procesar todo o que aprendemos neste encontro, que non é pouco. Como ben di o noso compañeiro Mariano, a unión fai a forza. Grazas [entre outras cousas] a encontros como este, os medios de comunicación comunitarios se fan máis fortes para permitir á cidadanía exercer o seu dereito a comunicar por calquera medio de difusión e expresión.

O Souto [ADEGA] 18-10-2010

Volve as ondas da LIBRES e COMUNITARIAS da Terra de Trasancos, Rádio FilispiM, o programa de ecoloxía e medio ambiente do colectivo ADEGA.

O SOUTO pode ouvirse na vosa radio nos seguintes días e horas:

DIRECTO: segundas feiras [luns] de 20:00 á 21:00 h -> Chama ao Nês por telefone ao 675.431.341 [Tlfne. estudio Rádio FilispiM]

DIFERIDO: quintas feiras [xoves] de 12:00 á 01:00 h. da madrugá e ademáis de 10:00 a 11:00 h. da mañá. Os sábados tamén, de 16:00 á 17:00 h.

Tamén podes ouvilo ou descargalo neste Podcast e mesmo en www.osoutodeadega.blogspot.com


Descargar o audio

Leña Dura D.F.

Novo programa en FilispiM, nesta ocasión, tres amigos que
se xuntan para pinchar estilos na liña do metal. A tralla, un tanto esquecida na radio, ábrese camiño agora nas ondas libres; nun programa que poderedes escoitar en directo os mércores de 21:00 a 22:00



Descargar o audio

O Recuncho nº 31

Este sábado 23 de Outubro, en Radio Filispim (93.9 fm),de 11 a 13 horas, comezo da nova tempada de O Recuncho, o programa da Asociación Cultural Fuco Buxán.

Programa nº 31

Contidos do programa:

-Coma de cotiá, José Torregrosa coa súa sección , “O Despertar da razón”, Falaranos da figura de XOSÉ LOUREIRO LUGRÍS.

- Falaremos telefónicamente con Juan Torres , catedrático de economía aplicada na universidade de Sevilla e membro de ATACC, o cal tivemos na nosa cidade, esta semana, convidado por Fuco Buxán.

- Na sección poética falaremos e escoitaremos poemas de Nicolás Guillen, esta vez, e espero que nos seguintes programas, en directo. O recitado por parte de Fernando Ocampo e de Lorena Calaza ,compañeira do grupo Bartoleta Teatro

- No estudo de Radio Filispim, acompañarannos César Fraga, secretario comarca de UXT, Xesus Anxo López Pintos, secretario comarcal da Ciga e Rafael Pillado, vicepresidente de Fuco Buxán os cales analizarán a folga xeral.

Sen máis, un saúdo dende O Recuncho.

Descargar o audio

Programa do Colectivo 22 de Outubro de 2010

Por causas alheas ao programa, a entrevista que tinhamos preparada para este programa, nom puido realizar-se, assim que foi um programa no que improvisamos bastante ;)

Aos mandos técnicos estaba estrenándose Pablo de Sin Fronteras, que o mércores iniciaram a súa andaina em Rádio Filispim, também estaba Diego Discontinuidade, que despois de moito tempo voltou, por um dia, a falar polos micros de Rádio FilispiM.

Falamos da Emigraçom, da SGAE, de Ecologia, comentamos umha pequena agenda e pinchamos algo de música, um programa completo!!!

Descargar o audio