Spanglish 11 de decembro 2009

Set list de Spanglish do venres 11 de decembro de 2009:

• Star Trek vs Star Wars
• Los Planetas se disuelven – El lado oscuro de la fuerza
• Glitter Klinik – Tú eres Pop
• Third Eye Foundation – A Galaxy of Scars

Descargar o arquivo

Divertimento - Serie: arquivo sonoro / historicos: Radio Kaos (2)

"Aquí Radio Kaos, a emisora universitaria e libre que okupa o 96.3 da FM en estéreo supersónico".

Desta forma indicabamos ao persoal que demos andaban a sintonizar, cando as emisións de Divertimento para Pequenos Monstros na emisora do campus de Serantes-Ferrol, naqueles 2000.

O programa que hoxe vos oferecemos debeu ser emitido na grella 1999/2000.

Este Divertimento ábrese cun par de textos do Pequeno Monstro (Poema Bomba e Aquela Casiña), segue cun poema do ferrolán Santi Ribera e finda, na súa primeira metada adicada aos textos, con Rosa de Sanatorio de Don Ramón María del Valle-Inclán, surreal poema enunciado nas noites de finais dos oitenta, por José Luis Moreno-Ruíz no seu memorábel programa (do mesmo nome) en Radio 3.

Na segunda parte do programa falamos con todo un personaxe daquelas noites ferrolás dos noventa: Raúl "El Ilegal". Daquela, Raúl tiña un local de copas na Rúa do Sol de Ferrol, facía debuxos e .... Bon, escoiten o programa.

Ben lembro a tarde na que entramos pola porta da Escola U. Politécnica de Serantes, dende donde emitía Radio Kaos, o Raúl e mais eu. O Raúl apareceu cun enorme teclado Farcisa TK61. Aínda o estou a ver, levaba unha gafas de rallar, tan delgado el con ese teclado que case o duplicaba en tamaño e peso, atravesando a porta da Politécnica camiño do estudio, ante a mirada atónita dos estudantes.

Na conversa con Raúl, acompáñanos Suso Suciedad, sombra de Divertimento naquela etapa.

Daqueles anos e daquelas ondas, lembro estes programas: O que nós sabemos e vostedes non (Santi Bergantiños e compaña), Shock (Bárbara Calavera Zalamera), Ábrete de Orellas e Chicas Católicas (Pepe Luis Cunha), Disidente (Iván), O Lucecú (Ana Santiago), Galiza Solidaria (Cebral), Café Jazz (Manuel Lorenzo), Manchita Cosa (Suso Suciedad e Paulopablo), Autopista 61, El Taller del Duende, Con Alma de B-Boy, Sinfonías Metálicas, A letra "A" e Expresión Directa (Xabi e Iván), Divertimento para pequenos monstros, e mesmo Textículos by me (Pequeno Monstro, Ana Lucecú e Suso Suciedad), nun asalto radiofónico perpretado a man armada de poemas.

Ti mesm@ podes completar esta semblanza á Radio Kaos comentando esta entrada ao pe.

A próxima semana o Pequeno monstro, desvelara quen e como se cargou Radio Kaos.

Entre tanto, para lembranza de tod@s, rescatamos do arquivo unha imaxe da grella do vrao do 2000, daquela sorprendente emisora. Un documento valorado agora mesmo en 20.000€ . Ao principio nesta entrada atoparala, fai clic nela para ampliala, pero nada de tocar.

Ficades co audio bomba.

Descargar o arquivo

Os medios comunitarios presentan emendas ao proxecto de Lei Audiovisual do Estado español.

O Congreso español debate actualmente o proxecto de Lei Xeral de Comunicación Audiovisual. Existe un anteproxecto e actualmente os diferentes grupos parlamentarios presentaron as súas correspondentes emendas para terminar de dar forma ao que será a Lei que rexerá no futuro as comunicacións no Estado español.

A devandita Lei non contenta aos medios comunitarios, que tamén presentan as súas emendas á Lei.

Gorka Andraka, de Tas Tas Irratia, en Bilbao, entrevista sobre este asunto a Mikel Estarrona, integrante da propia Tas Tas Irratia, e tamén da comisión de Lexislación e Dereito á Comunicación da Rede de Medios Comunitarios (ReMC), quen analiza o proxecto de Lei Xeral de Comunicación Audiovisual e estima que o proxecto do Goberno español cercena o Dereito á Comunicación.

Rádio Filispim forma parte da Rede Estatal de Medios Comunitarios (ReMC), dende novembro de 2009.


Audio tirado de Más Voces : www.masvoces.org

Video: campaña "10-D, polo dereito a comunicar", da ReMC.

Novo Recuncho

Nesta ocasión trataremos en profundidade os seguintes contidos:
- Escoitaremos as verbas de Pascual Serrano, cofundador do portal de internet " Rebelión", invitado a Ferrol por Fuco Buxán.
- No estudo de Radio Filispim, Xosé Abad, director do documental " O segredo da Frouxeira", que relata o asasinato en 1938 do alcalde de Serantes, Alejandro Porto xunto con tres compañeiros. Tamén no estudo, Enrique Barrera, historiador que traballou neste proxecto.
- Conferencia de Teodulfo Lagunero, presentando o libro " La extraordinaria vida de un hombre extraordinario". Teodulfo, militante do Partido Comunista contaranos como foi a súa loita contra a ditadura franquista.
- Sección poética,: figura e poemas de Marcos Ana.
- Sección " O despertar da razón", levada por José Torregrosa: A manipulación nos medios de comunicación.


Descarga o audio

Divertimento - Serie: arquivo sonoro/historicos: Textículos by me. Radio Kaos (1)

No vrao do ano 2000, Divertimento para pequenos monstros realizou no estudio da desaparecida en combate, Radio Kaos de Ferrol, unha serie de programas especiais intitulados Textículos by me.

A cuestión foi como segue: unha fermosa praia, unha caseta de socorro, a megafonía e tres socorristas: Ana Lucecú, Suso Suciedad e André Pequeno Monstro. Un cenario imaxinario de diálogos inocentes e melancólicos.

A última parte do programa que vos oferecemos, sintetiza o espírito daquelas edicións: experimentación sen límites, ao interpretar un texto mimimalista durante case vinte minutos alterando as voces dende a mesa de control de son, co fundo musical da peza Koyaanisqatsi do neoiorquino Philip Glass, a soar pola megafonía da caseta de socorro daquela praia inventada.

O texto en cuestión, Son Persoa, comeza inocente, mais co paso dos minutos e embuido nas notas musicais de Glass, convértese nun mantra surreal que nos leva ao éxtase final coa peza La Estatua del Jardín Botánico de Radio Futura.

Estudio: Radio Kaos. Serantes-Ferrol. Xullo de 2000.
Intepretación, voces e ideas: Ana Lucecú, Suso Suciedad e André Divertimento.
Selección musical: Pequeno Monstro.
Guión e textos: Pequeno Monstro.

Ficades na praia, co audio. Coidado coas ondas!

Descargar o arquivo

Spanglish 4 de decembro 2009

O set list de Spanglish do venres 4 de decembro 2009 foi:

• The Sunday Drivers - The End Of Maiden Trip – “My Plan”
• Alis – Cuando el sol nos dé calambre – “Cine Mudo”
• Madness – The Liberty of Norton Folgate - “That Close”
• Imago – “Taralets”
• Iron and Wine - “Naked as we Came”
• Cohiba Playa – “Radiodays”
• Wolf Gang - “Pieces of You (monster baby remix)”
• The Smiths - “Panic”
• Diardemin – “Diardemin en Africa”
• Alondra Bentley – “I feel alive”
• Lindstrom & Prins Thomas - “Rothaus Groove edit”
• Corcobado – “A Nadie”
• Franz Ferdinand - “Live Alone – Delo remix”

Descargar o arquivo

Komunikando #09

Neste Komunikando do 1 de Dezembro de 2009.

• Zënzar – O Padrinho
• Labazada – Farto de ti
• Novedades Carminha – Mata a teu pai
• Machina – Manolo Kazolo
• Taru e os Paxaros Coiro - A xente mintese
• Os tres Trebóns - Rapsodia
• Magnifique Band - A night in Bandeira

Falamos do certame musical para o Pressing Catch de Berrobambán, de que está de volta KomunikandoTV!!!!!!!!!!!!. Ponhemos um tema novo do último de Labazada, falamos da próxima presentaçom do último de The Homens e Novidades Carminha, do novo videoclip de Machina, da palestra de Xurxo Souto e o concerto de The Homens nas xornadas sobre Músicas Galegas de Actualidade e ponhemos mais um tema do CD Vozes Novas. E para rematar os concertos desta fim de semana.
Komunikando.net

RSS Feed iTunes Feed

Descargar o arquivo