Leña Dura D.F. 25

Descargar o audio

Dálle que dálle nas ondas [Programa da Comunidade Educativa da Escola Rural de Lago-Valdoviño en Rádio FilispiM] - 27/06/2011

Dálle que dálle nas ondas é un programa de radio da Comunidade Educativa da Escola Rural de Lago [Valdoviño] en Rádio FilispiM, 93,9 FM.

Nesta edición, do pasado lun 27 de xuño de 2011, realizan un programa especial denunciando as intencións da Consellaría de Educación da Xunta de Galicia de fechar a Escola. Nais, pais e mestra, cóntannos todos os detalles na gravación, da que recomendamos a súa atenta escoita pola trascendencia da cuestión.

Na actualidade, grazas a pronta resposta da Comunidade Educativa desta centro [unha proba delo é este mesmo programa de radio] a Administración galega do público, ten recuado nas súas pretensións, aló menos "de palabra". Con todo, a loita e preocupación dos pais e nais da Escola continúa latente, logo dos recortes anunciados ao ensino público para o vindeiro curso académico [redución de profesorado, de unidades didácticas... ] que van afectar a moitos outros centros educativos públicos da nosa comarca.


Descargar o audio

Máis info no blogue da Escola Rural de Lago-Valdoviño -> http://escoladelago.blogspot.com

O Souto [ADEGA] - 23/05/2011

Edición de O Souto, programa de ecoloxía e medio ambiente do Colectivo ADEGA-Trasancos en Rádio FilispiM, realizado o pasado 23 de maio de 2011.

O SOUTO pode ouvirse na vosa radio nos seguintes días e horas:

DIRECTO: segundas feiras [luns] de 20:00 á 21:00 h -> Chama ao Nês por telefone ao 981.37.10.40 [Tlfne. estudio Rádio FilispiM].

DIFERIDO: quintas feiras [xoves] de 12:00 á 01:00 h. da madrugá e ademáis de 10:00 a 11:00 h. da mañá. Os sábados tamén, de 16:00 á 17:00 h. Tamén podes ouvilo ou descargalo neste Podcast e mesmo en:
www.osoutodeadega.blogspot.com

Descargar o audio

Divertimento - Especial "Desmontando o ensino público. Contrato por Ferrol".

Nova edición de Divertimento para pequenos monstros, que demos en chamar "Desmontando o ensino público. Contrato por Ferrol".

Contamos coa presenza no estudio de Rádio FilispiM, 93.9 FM, de Patricia e Ana, nais de nen@s e da comunidade educativa do Colexio Rural de Lago en Valdoviño, así como de José Manuel [profesor] e Juan [ANPA] da comunidade educativa do CEIP San Xoán de Filgueira de Ferrol.

Como xa é público sobre a Escola de Valdoviño existe unha ameaza seria de feche e sobre a escola de San Xoán de Filgueira unha reducción dos seus recursos humanos e de unidades pese ao incremento de alumnado. Este último centro contínua o seu feche de protesto contra estas medidas, dende o pasado xoves 30 de xuño. 

Ademáis, outros centros educativos públicos da comarca de Ferrol son afectados por estoutra "reconversión", dunha o doutra maneira: Rodolfo Ucha, IES Ferrolterra, CIFP de Fene, Colexios Os Casais de Maniños e O Ramo de Barallobre, IES Fernando Esquío de Neda, Colexio San Ramón de Moeche... A nível de Galicia, estes recortes afectan a outros moitos centros, todos públicos.

Durante o programa analisouse a delicada situación dos Ensino Público na comarca de Ferrol [patrocinada paradoxalmente por quen "administra" o público -> Xunta de Galicia e os seus monaguillos], ademáis se estabeleceu un interesante diálogo cos ouvintes que chamaron a radio en directo.


Descargar o audio

Foto: Susete Ferrol