Comezamos o programa dando boas noticias:
felicitando ás compañeiras de Alvixe porque a Audiencia Provincial absolve a
Beatriz Sextayo Doce dun delito de inxurias a un xuíz, por tachalo de machista
, polo seu comportamento no xulgado de Ferrol.
Entrevistamos a Antía Pérez Caramés
coordinadora do monográfico : Os coidados
na encrucillada do cambio social, correspondente ao nº 5 da Revista
Atlánticas.
Antia e profesora contratada doutora na Facultade
de Socioloxía da Universidade dá Coruña e integrante do Equipo de Investigación
Sociedades en Movemento ( ESOMI), así como do Centro de Estudos de Xénero e
Feministas ( CEXEF) da devandita universidade. Pertence tamén ao Arquivo da
Emigración Galega, do Consello da Cultura Galega. Doutora en Socioloxía e especializada
en Demografía, os seus intereses investigadores céntranse no estudo das
migracións internacionais, o envellecemento demográfico e a análise das
relacións de xénero e os coidados. Recentemente editou, xunto con Renée DePalma
o libro Galician Migrations: A Case Study of Emerging Super- diversity (
Springer, 2017).
No monográfico plántase que os coidados foron
un obxecto de interese dos estudos feministas e de xénero desde os seus
inicios, sendo unha das principais preocupacións das pioneiras da Socioloxía,
pero tendo tamén unha particular relevancia no feminismo dos setenta. Na
actualidade, a crise dos coidados, exacerbada pola pandemia de coronavirus,
puxo de relevo a vixencia desta temática de investigación na que se entrecruzan
diversos paradigmas teóricos e contribucións que interrogan críticamente os
cimentos da división sexual do traballo, os fundamentos do Estado
(particularmente, do Estado do Benestar) e as políticas públicas.
Grazas Antia …polo teu traballo , o teu tempo….e a túa cordialidade…..
Fucas que participan: Chelo Carballal Balsa, Sonia Fernández Bellas. Eva
Tizón Bouza
A música que
escoitamos: A sintonía do programa: La Vita E Bella, (Nicola Piova); Culpas
(Gaijas) ; Voces de ultratumba ( Chus Taboada); Terra
( Tanxugueiras)
