Chama a atención que o manifesto que vén de publicar o Ateneo Ferrolán recolla centos de sinturas de simpatizantes, colectivos, asociacións, persoeiros da cultura galega... fronte ao ÚNICO apoio expreso da denominada SAF [Sociedad Artística Ferrolana] á decisión do Concello de Ferrol e ao seu peculiar Concelleiro de Cultura, asociación de artistas cuxo Presidente ten manifestado estar "encantada" coa proposta do Concello.
Ao festival reivindicativo acudiron centos de persoas e participaron activamente xentes relacionadas coa música, letras, teatro e artes plásticas da nosa Comarca: O Grupo Raparigos, Eva Veiga, Grupo Zanfonas de Trasancos, Helga Méndez, María Manuela, Tonecho Varela, Guillermo Ferrándiz, Manolo Bacallau, Rubén Artabe, Luis Rapela e Suso Basterrechea.
Reseñar que entre os centos de asistentes ao Festival en apoio ao Ateneo se atopaba algún integrante da referida SAF, o que indica que nen sequer todas as persoas socias da referida asociación aceptan a posición do seu Presidente, Ricardo Díaz-Casteleiro. Así, nos atopamos ante unha situación tremendamente peculiar, sen precendentes na vida cultura non só da nosa Comarca senón de todo o País, un capricho que pretende pasar por riba dun clarmor que SI é verdadeiramente popular, o dos centos de apoios aos ateneístas ferroláns.
O audio foi rexistrado por un dos reporteiros da radio libre e comunitaria de Ferrol-Terra, Rádio FilispiM. Corresponde aos últimos 17 minutos do mesmo.
Informou O Pequeno Monstro.
Imaxe: El Correo Gallego
Nenhum comentário:
Postar um comentário