O Souto [ADEGA] - Radio Filispim 10-05-2010

Nova edición do programa de ecoloxía e meio-ambiente O Souto, programa de radio da Asociación para a Defensa Ecolóxica de Galiza [ADEGA], en Rádio Filispim, 93.9 FM.

Atoparás máis info en: http://www.osoutodeadega.blogspot.com

Descargar o audio

Spanglish 7 de maio 2010

Set list Spanglish 7 de maio 2010:

• Pete & The Pirates - Little Death – I´ll love
• Delorean - Subiza – Stay Close
• Kiappe – Mal élevé - Pleurer ne rime á rien
• Dos hombres y un destino - Director: George Roy Hill. Compositor: Burt Bacharach
• Experience – Nous (en) sommes encore lá - Les aspects des jeunes énergies négatives
• Experience – Aujourd´hui, maintenant
• Adanowsky - El Ídolo – Estoy mal
• Shearer – Eve – Can´t stop it
• Bjork & P.J. Harvey - Satisfaction (Original de Otis Reading)
• Munich – Pleasure death
• The Homens – Cuarta potencia – Nada está tan alto
• Programme – L´enfer tiéde – Une vie

Descargar o audio

O Souto [ADEGA] - Radio Filispim 03-05-2010

Como todas as semanas, ecolóxicamente, Nês volveu ao imnenso estudio de Rádio Filispim, para fazer unha nova edición de O Souto, o programa de ecoloxía e meio-ambiente de ADEGA-Trasancos. Para esta ocasión o Nès fálanos da celebrazón dos Maios, entre outras cuestións.

Ficades co audio do programa:



Descargar o audio

Divertimento - Serie: Pensamento 3 - Mortes masivas.

Novo episodio da serie Pensamento 3, hoxe recuperado para Rádio FilispiM por Divertimento para pequenos monstros.

Nesta ocasión Agustín García Calvo fálanos das mortes masivas, a propósito da traxedia acontecida o 15 de abril do ano de emisión do espazo [1989]: a morte por aplastamento de 96 persoas no estadio de futbol de Sheffield [Liverpool].

O propio García Calvo, na habitual introduzón ao tema, comenta o que segue:

"Imos tratar este asunto para o que a actualidade [morte masiva de expectadores no estadio de fútbol de Sheffield, abril 1989], que non é máis que a faciana que a eternidade nos ten brindado outra ocasión máis, mais nista ocasión, en troques de Madrid ao ceo [como di o himno], de Sheffield ao ceo, que para o caso é o mesmo.

En todas partes van cocendo as mesmas fabas, polo menos en todas as partes disto que chaman mundo “progresado” e desenvolvido e todo o demáis, co que sen dúbida están ligadas estas mortes masivas, que son nas que hoxe nos imos deter.

Non esquezan os ouvintes que ademáis de nas propias areas dos paises “progresados”, se produzen case cotidianamente estas mortes, que chamamos masivas, nas márxenes: por fame en Etiopía, polas pestes e guerrillas. Mais todas elas achacámolas ao mesmo sitio: aló arriba, ao ceo, ou como queira chamarse, e isas son tambén manifestacións das mortes masivas, cada unha no seu sitio. Aquí mórrese nas autoestradas por autos, nos estadios de fútbol... Aló, como non están excesivamente “progresados”, morren tambén masivamente pero en formas máis primitivas. Mais o un é o outro, aínda que iso non quere dizer esquecer a diferenza.

Temos que ser os vivos os que falemos destes mortos, posto que eles se negan pertinazmente a falar e a dar o seu testemuño, pois neste caso sería sumamente útil se falaran os que pareceron aplastados no estadio de futbol hai dúas semanas [Sheffield Stadium,15/04/1989]. Temos que falar nós, os que seguimos a padecer e ista ilusión de estarmos vivos é sen dúbida esencialmente iso: unha ilusión. Temos que ser nós os que preguntemos aos ouvintes e os ouvintes nos pregunten, quen foron os que morreron nese campo de fútbol, quen os que morren aínda máis masivamente cada fin de semana nas estradas de Deus, nas autoestradas de Deus. Por suposto que son Masa.

Estamos aquí a falar de mortes MASivas, sabemos que iso que [...] Comercio e Estado chaman masas, están necesiariamente compostos de individuos, de xeito que lonxe de negar a morte masiva, a morte individual, semella que a confirma...".

Máis nada, a vindeira semana máis aquí onde paran os monstros. Lembra que podes seguir os contidos de Divertimento en:

- Ferrol e comarca, ao través de Rádio Filispim 93.9 FM:
- Xoves (quintas feiras) de 8 a 9 da noite.

- Sábados de 7 a 8 da tarde
- Domingos de 10 a 11 da noite.
- Martes (terzas feiras) de 2 a 3 da tarde.

- Na comarca de Bergantiños, en Corme en Radio Roncudo 106.1 FM:
- Terzas feiras de 1 a 2 da tarde.

- Vía web, neste blog e máis en:
- Podgalego.com
- Pequenos monstros blog.


Descargar o audio

Divertimento - Serie: Pensamento 3 - Perder o tempo.

Évos aquí unha nova aventura de PENSAMENT0 3, nun dos episodios dos que máis gosto, donde Agustín García Calvo indaga coa axuda da súa audiencia oitentera [Caravana de Hormigas-Radio 3-1989] sobre a relación entre a Vida [ou o que nos vende por iso] e o Tempo [mensurábel].

Nada mellor que as primeiras verbas de Agustín, tiradas da súa introducción, para suxerirvos "gañar tempo" [entre tanto tempo perdido] escoitando o audio que segue a estas liñas:

"Matar o tempo, entreterse, divertirse e demáis é o mesmo que falar da vida. De xeito que ao falar dos ´chismitos´inventados para encher/matar o tempo estamos a falar da vida, a única que semella a real, posto que é a que nos venden.

Non hai que esquecer en que consiste a trucaxe esencialmente: cambiar a vida por tempo, converter a vida en tempo, conseguir o que se di con tan lúcida desesperación nos versos de Antonio Machado: ´ya nuestra vida es tiempo´.

Esta é a trucaxe esencial do Capital e Estado que, como explicamos outras veces, consiste en fazer crer no futuro, naturalmente non chamándoo polo seu nome [que é morte, un mome pouco conveniente, demasiado aterrador] senón chamándoo por outros nomes: futuro...

Facer crer nun destino a onde vou como ente real e a onde vai a humanidade e unha vez que se conseguiu isto, o que vai desde aquí cara ese futuro, xa é propiamente tempo. Un tempo baleiro. Un tempo que, por tanto, se pode manexar, contar. Un tempo do que vive o crédito da banca, o tempo ao que se reduce a vida do traballador mentres está no tallo e tambén [o que hoxe nos toca no programa] os ratos libres, o ocio.

Posto que o tempo non pode cambiar a natureza, é o mesmo durante o traballo que no suposto ócio ao que alude o nome desta exposición dos ´chismes´ do ócio, na que imos estar metidos incongruentamente como Javier [aludindo ao presentador] vén de dicir...".

Mais nada, a vindeira semana máis Pensamento 3, aquí onde paran os monstros.

Descargar o audio

Programa especial 1º de Maio en Rádio FilispiM

O pasado xoves 29 de abril de 2010, as 20:00 h. tivo lugar en Rádio FilispiM, 93.9 FM un PROGRAMA ESPECIAL: 1º de Maio.

Co convite a participar na mesa-debate de integrantes dos sindicatos con representación na comarca: CC.OO, CIG, CNT, USO, USTG e UXT

Poderás ouvir a repetición do programa:

• Sábado 1 de maio, as 11:00 h. da mañá.
• Domingo 2 de maio, as 15:00 h. da tarde.
• No nosso blog opaii.blogspot.com

Descarga o audio

O Souto [ADEGA] - Radio Filispim 26-04-2010

Nova edición de O Souto, programa de ecoloxía e meio-ambiente de ADEGA-Trasancos apresentado por Nês na Rádio Filispim, 93.9 FM.

Nesta ocasión como convidado: Alexandre Carrodeguas, do colectivo ecoloxista Verdegaia.

Máis info en: www.osoutodeadega.blogspot.com


Descargar o audio