O Souto [ADEGA] - Radio Filispim 24-05-2010

Nova edición de O souto, programa de ecoloxía e medio-ambiente de ADEGA-Trasancos en Rádio Filispim.

Nesta ocasión acompaña ao Nes, Helena Carquejeiro da SGHN [delegación de Ferrol] para falare da Serra do Courel e lermos algúns poemas dun dos fillos daquelas terras: Uxío Novoneira, a quen se lle adica este ano 2010 o Día das Letras Galegas.

Descargar o audio
Blog de O Souto: www.osoutodeadega.blogspot.com

Spanglish 28 de maio 2010

Set list Spanglish 28 de maio 2010:

• Tricky – Blowback – Evolution revolution love
• Os Mutantes - Haih or Amortecedor - Neurociêcia do Amor
• Fox loco phantom – Chaotic monster – Tokyo rocks
• The Commitments - Treat her right
• Sonic Youth – Goo - Dirty Boots
• Sonic Youth – The Eternal - Leaky Lifeboats
• Chico Ocaña (Mártires del Compás) - ¡Oh! Galicia Calidades
• Depressive Art – Bye Bye Dear Everything – Solar system
• Nouvelle Vague – NV 3 - Ca plane pour moi - original Plastic Bertrand
• Leite de nai – Friki boy
• Tachenko – Os reís pq sois jóvenes – Escapatoria
• Gorillaz – Plastic Beach - Superfast Jellyfish

Descargar o audio

Divertimento - Serie: Pensamento 3 - Avaricia.

Novo capítulo da serie PENSAMENTO 3, programa emitido orixinalmente por Radio 3 [RNE], un 29 de setembro de 1989 e que hoxe recuperamos en Divertimento para pequenos monstros para as ondas da libre e comunitaria Rádio Filispim [Ferrol-Trasancos 93.9 FM].

Nesta ocasión, un novo pecado capital: a avaricia.

Na introdución ao tema Agustín García Calvo comenta: "Imos seguir con esta retahila que Javier [polo presentador do programa], tirou do Catecismo do pai Astete e tratar de atopar, como se ten dito, cal é a faciana política destas monsergas da relixión doutros tempos, porque unha e outra vez partimos de que a distinción entre moral e política é de por si unha mentira, por tanto non pode haber pecados privados, porque a vida privada é pública,como se sabe, e política, por tanto.

De todas formas non esquezan os ´lectores´ que a pesar de que o pai Astete puña contra os sete vicios sete virtudes que o outro día [programa] estivemos a recitar aquí, pensamos que tal vez poderiamos ser máis económicos... preferiamos que os pecados se combateran uns aos outros e así púñamos como lema o de: contra envexa soberbia, contra bula avaricia, contra ira pereza... que por suposto son dous a dous e pódense dicir do revés. De maneira que partindo deste posíbel combate dos pecados uns contra outros, imos entrar co que hoxe Javier nos ten anunciado: ese [pecado capital] chamado da avaricia...".

Nada máis ficades con este novo episodio, non sen antes remitiros a este ENLACE, donde atoparedes a versión íntegra cantada do himno da Comunidade Autónoma de Madrid [escoita ou descarga] tal e como a veño de "rescatar" dunha vella cinta de casete, agachada no meu arquivo sonoro.

A vindeira semana, máis PENSAMENTO 3, aquí onde paran os monstros.

Descargar o audio