Arrincou coa entrevista con Lidia Beceiro e Encina Fra (directora e xefa de estudos respectivamente) á que sucederon outras con diversos profesores do Centro como Henrique Dacosta, Rocío, Alfredo, Jesús Ares e Jota (J.J. Rodríguez). Tamén foron entrevistados polas compañeiras de Radio Filispim alumnos e deportistas destacados como Bruno Castro, Laura e Alejandra. Como persoal non docente entrevistamos a Pablo e Amanda -Pachi e Mandi- responsables do ambigú do Instituto. En verdade sería difícil destacar algunha delas, todas foron moi interesantes. E no intermedio e como franxa musical actuou o saxofonista e alumno do Centro Diego Rey, unha destacada sorpresa.
O obxectivo do programa cumpriuse sobradamente. O mundo dá radio seguro incorporou a novos e entusiastas seguidores e Radio Filispim -cuxo Estudo actual está tamén no barrio de Canido- continúa mostrando a súa implantación por toda Ferrolterra. E se tecnicamente todo fluíu sen sobresaltos foi grazas ás expertas mans de Joaquín e Anita, a quen tamén agradecemos moito a súa participación.
Nenhum comentário:
Postar um comentário