Colabora na autogestom!

Triodos Bank: ES06-1491-0001-2120-2936-2023

Titular: Associaçom Cultural OPAíí!! [Ondas Para Ativaçom da Informaçom Independente]

Escoita! Rádio FilispiM Winamp, iTunes Windows Media Player Real Player TuneIn QuickTime VLC



14 abril, 2008

Manifestación polo dereito de vivirmos en galego. Santiago de Compostela, 18 de maio 2008

Podes baixar o audio desde AQUÍ

O programa de Rádio FilispiM, 93.9FM, Divertimento para pequenos monstros, entrevista a Carlos Outeiro, membro da Mesa Pola Normalización Ligüística, quen explica o porqué da manifestación convocada para o vindeiro 18 de maio en Santiago de Compostela, baixo o lema "Polo dereito de vivirmos en galego". O día anterior, 17 de maio, celébrase en toda Galiza o día das letras galegas.

A Mesa pola Normalización Lingüística chama á sociedade galega a mobilizarse masivamente “Polo dereito a vivirmos en galego”, lema que encabezará a manifestación que a asociación en defensa da lingua convoca para o vindeiro 18 de maio en Santiago de Compostela. A asociación reclama que se cumpra a lexislación lingüística e que a “única lingua propia” de Galiza sexa “oficial na realidade e non só no papel”.

Nunha conferencia de imprensa celebrada anteriormente, o presidente da asociación, Carlos Callón, sinalou cales son os obxectivos fundamentais desta convocatoria: “Lembrarlles aos poderes públicos que teñen obriga de cumprir e facer cumprir a lexislación en materia lingüística” e “demandar que o galego sexa lingua cooficial na realidade, e non só no papel”, así como “recordar que o galego é o único idioma natural de Galiza, o que o Estatuto denomina lingua propia do país”. Callón convidou “aos que falan de imposición lingüística” a que “tenten vivir 24 horas en galego, e así comprobarán que non hai ningún ámbito onde se garanta minimamente o seu uso”. Ademáis, acusou ao Partido Popular de “romper consensos existentes previamente” e recordou que “o PP sempre votou a favor de leis e proxectos a favor do galego cunha condición: que non se poñan en práctica”. Callón demandou que se dea “un baño de realismo aos discursos sobre lingua e que de verdade se dea un proceso de normalización do galego”.

A manifestación, parte principal dos actos que a asociación prepara para o Día das Letras Galegas, sairá ás doce do mediodía da Alameda compostelá, e rematará na Praza da Quintana, lugar onde se lerá un manifesto. A este manifesto poderanse unir tanto persoas a título particular como asociacións e colectivos. Trátase dunha convocatoria aberta a toda a sociedade sen distinción, unha mobilización cidadá plural.

O responsábel da Mesa pola Normalización Ligüística na comarca de Ferrol, Carlos Outeiro, foi convidado o pasado xoves 10 de abril aos micros da radio libre e comunitaria da Terra de Trasancos, Rádio FilispiM, 93.9FM, para nos contar quen son e como avalían o estado da lingua no país e, mesmo, na nosa bisbarra.

Nenhum comentário:

Related Posts with Thumbnails