Aparecen pintadas con contido xenófobo no Parque do Inferniño, bairro de Ferrol, onde moran numerosas persoas inmigrantes.
O Foro Galego de Inmigración vén de fazer público un comunicado denunciando a aparición de pintadas de carácter xenófobo no Parque do Inferniño en Ferrol, un barrio onde moran gran cantidade de persoas inmigrantes.
Na pintada, na que pode lerse en grandes letras “4.000.000 de parados, 4.000.000 de inmigrantes menos”, tenta relacionarse o número de parados coa presenza de inmigrantes no noso país, una relación absolutamente falsa e indigna. As persoas inmigrantes non son responsábeis da crise, nen do paro, non son bultos, nen máquinas, son pesoas. Son ademaís persoas traballadoras que desenvolven a súa actividade laboral, que contrubúen a cotizar a Seguridade Social e pagan os seus impostos, en moitas ocasións asumindo traballos, tarefas e situación laboráis, que non aceitaría outra persoa “natural” do estado. Cando unha persoa inmigrante queda desempregada, non é menos ca nós, é unha persoa que está a sofrer unha crise da que non é responsábel, inda por riba, pola súa condición de inmigrante é moi posíbel que fique sen Seguridade Social ou mesmo con perda de dereitos de permanencia no país, ao ficar desempregado.
As persoas inmigrantes que teñen a desgraza de estar en situación irregular no noso país, o están por motivos alleos a súa vontade, non porque desexen autocondenarse á irregularidade administrativa e ao traballo clandestino.
O menos que debemos ter, as persoas humanas e os representates políticos de quenda, é respecto cara isas persoas que están en situación de flagrante desigualdade e vulnerabilidad. Un discurso que homologue o número de inmigrantes cunha situación de crise ou índice de desemprego, ten unha intención política xenófoba e racista, indigna dun ser humano, lonxe dos datos e argumentos razoábeis. Os discursos valeiros, malintencionados como os que reflicte a pintada aparecida no parque do Inferniño, contribúen a sembrar descoñecemento, intolerancia e, pode que até, violencia cara as persoas inmigrantes.
Unha pesoa inmigrante debe ser o noso amigo; o noso inimigo deben ser aqueles que coas suas políticas ou prácticas traen situación de desigualdade, onde o pan, traballo e teito se convirten en demandas en troques de dereitos fundamentais aos que ter acceso tod@s, con indiferencia da orixe ou cor da pel. O noso inimigo é o totalitarismo, o populismo, a avaricia e o Capitalismo salvaxe que nos levou a esta crise. As persoas inmigrantes son as nosas amigas.
Dende os informativos de Rádio FilispiM, solidarizámonos co Foro Galego de Inimigración, e con todas as persoas inmigrantes, esiximos a persecución de calquer acto ou manifestación xenófoba, nas rúas, prazas, campos de fútbol e claquera outro recuncho das nosas vidas.
Informou o Pequeno Monstro para a libre e comunitaria que emite dende Ferrol.
A Plataforma Cidadá de Ferrolterra contra do TTIP (Tratado Transnacional de "libre comercio") vén
de participar, o pasado sábado 18 de abril de 2015, nunha convocatoria mundial contra deste tipo de tratados, impulsados a costas da cidadanía, resultado de negociacións ás agachadas entre os gobernos dos Estados de Canadá, EEUU e a propia U.E., con empresas transnacionais, vulnerando todo tipo de dereitos das persoas e prexudiciais ao medio ambiente.
Esta semana, tres integrantes da Plataforma cidadá contra do TTIP en Ferrolterra (Rubén, Celso e Elvira), explicaron na Rádio FilispiM, as orixes deste tipo de tratados e as consecuencias directas contra das persoas habitantes dos Estados que andan a asinar estes Tratados as costas da súa poboazón, como é o caso do español.
Ovímolos...
Informou o Pequeno Monstro para a libre e comunitaria de Ferrol
O Ateneo Ferrolán solicita ao Concello de Ferrol que assuma o custo da fatura do transporte e custódia dos seus bens. O Ateneo Ferrolán solicitou o reconhecemento da responsabilidade patrimonial ao Concelho de Ferrol em umha rolda de impresna que, seu presidente, Eliseo Fernández e o avogado da entidade, José Manuel Aneiros, deram na passada quarta feira 15 de avril (mércores) no edificio do Ateneo Ferrolán. A continuaçom escutamos o audio da rolda de impremsa. Informou Cholo para Rádio FilispiM.
Edición de audio: Pequeno Monstro.
Edición do venres 17 de abril, na Rádio Filispim, 93.9 FM, de DIVERTIMENTO para pequenos monstros.
Na primeira hora falamos do ATENEO FERROLÁN, da solicitude de recoñecemento de responsabilidade patrimonial que veñen de presentar ao Concello de Ferrol. Escoitamos íntegra a rolda de prensa que o presidente do Ateneo, Eliseo Fernández, e o avogado da entidade, José Manuel Aneiros, deron o pasado mércores no edificio do Ateneo Ferrolan.
Na segunda hora falamos do TTIP (Acordo Transatlántico de Libre Comercio), que negocian en secreto EE.UU., Canadá e a U.E. e que, de aplicarse, tería consecuencias directas sobre os nosos dereitos e liberdades individuais e colectivas (saúde, educación, en materia de lexislación laboral, medioambiental...). Para elo contamos no estudio con tres integrantes da Plataforma de Ferrolterra contra o TTIP, Rubén, Celso e Elvira. El@s, ademáis, anunciaron a convocatoria global para este sábado 18 de abril as 12:30 hrs., que en Ferrol terá lugar na Praza do Concello.
Continúan os actos do décimo aniversario das emisións de Rádio FilisipiM, 93.9 FM (libre e comunitaria, Ferrol). Onde, cando?: Ateneo Ferrolán, salón de actos. Marzo 2015, 19:00 hrs, entrada de balde. Organiza: Colectivo Opaii!! - Rádio FilispiM. Colaboran: Ateneo Ferrolán, E.O.I de Ferrol.
Martes 3 de marzo.
- Radio encubierta.
En 1966, BBC só emitía duas horas de rock & roll a semana; mais, unha radio alternativa instalada nun barco no mar do Norte, pon o contraponto... Cando Carl é expulsado do colexio, a súa nai mándao pasar unha tempada co seu padriño Quentin, o responsábel dese emisora "pirata" que programa para todo o país pop e rock, conquerindo unha audiencia impresionante.
Martes 17 de marzo.
- Mucho más que ruido.
Un documentario que amosa que é posíbel crear un medio de comunicación, que nace dun sono case utópico en base ao intercambio coas organizacións sociais, para construir unha experiencia única no país...
Martes 24 de marzo.
- Lavorare con lentezza
Radio Alice, Bolonia, 1976. Nas aforas das cidade, dous amigos soñan cunha saída as súas grises e opresivas vidas...
Martes 31 de marzo.
- Radioactividad.
Unha curta documental sobre as radios libres que emiten dende Madrid.
- Las radios comunitarias.
Un pequeno documentario en clave de humor sobre a razón de ser das radios comuntarias no Estado español, dirixido por Alba Lucio (Radio Ritmo).
- Érase una vez una radio libre. Radio Pica. A historia da mítica e vangardista radio libre de Barcelona contada polas persoas que lle dan vida.
Imaxe do "metro cadrado", primeiro estudo da Rádio FilispiM, no Ateneo Ferrolán.
Edición de DIVERTIMENTO para pequenos monstros do venres 27 de marzo de 2015, na Rádio Filispim, 93.9 FM, libre e comunitaria de Ferrol. ESPECIAL 10 ANOS DA RÁDIO FILISPIM e 12 DO COLECTIVO OPAíí!! Durante dúas horas lembramos os momentos máis sinalados do Colectivo Opaii!, dende os seus alicerces, en outuno de 2003, pasando polas primeiras festas e actividades para recadar fondos, o momento da activación da primeira radio libre da comarca en agosto de 2005, as seis anteriores edicións do festival "Conspirando por unha radio libre", até chegar ao ano 2015, no que Rádio FilispiM cumpre 10 anos de emisións e celebra a VII edición do CONSPIRANDO. Durante o programa contamos coa colaboaración especial de Juanillo (Trash Rock) e na segunda hora cos testemuños do noso compañeiro Cholo. Comentamos anédotas e ouvimos documentos sonoros da radio... Na última hora tivemos comunicación telefónica con algunhas das persoas, animais e cousas que darán vida VII CONSPIRANDO POR UNHA RADIO LIBRE.
Pepe Cunha, do Colectivo Opaíí!
Quincho e Carlota, de Carrero Bianco.
Oscar Quant, integrante dos SkyHooks.
Cris Moreira, actriz presentadora do VII Conspirando.
... a nosa compañeira Espe (Sons Revela2) tamén nos deu a última hora dende o estudio. O VII Conspirando, fáise en celebración 10º aniversario da FilispiM, mais tamén para o autofinanciamento da radio, que como sabedes non pide subvencións nen emite publicidade na procura da máxima independencia. A festa celebrarase o xoves “santo” 2 de abril, a partir das 22:00 h. na sá Super 8 de Ferrol, coas actuacións de: Saravá Criolo (música brasileira), Carrero Bianco (synth pop) e Skyhooks (bastket roll). O festival será animado pola actriz, Cris Moreira. Todas as persoas, artistas e grupos participantes no VII Conspirando colaboran desinteresadamente co Colectivo Opaii!-Rádio FilispiM. Apresentan: Ana Lucecú e Pequeño Monstro. Convidado especial: Juanilo “Trashrock”. Difunden: Rádio FilispiM, 93.9 FM (Trasancos) e Rádio Kalimera, 107.9 FM (Compostela).
Alunhas das persoas participantes no especial Marchas Dignidade 21M - 2015
Edición do venres 20 de marzo de 2015 de DIVERTIMENTO para pequenos monstros,
Especial MARCHAS DA DIGNIDADE, 21-M. Horas antes de que as columnas de Ferrolterra partisen para sumarse ao resto de columnas galegas na mobilización do sábado 21 de marzo de 2015 en Madrid, conversaremos na Rádio Filispim, 93.9 FM, con algunha das persoas que integran as Marchas na nosa comarca.
Coma integrantes das Marchas da Dignidade de Ferrolterra, estiveron no estudo: Rubén Dopico, André Martínez, Maximino Pardo, Alberto Espiñeira, Inacio Martínez e Elvira Marta.
Apresentaron e conduciron: Ana Lucecú e Pequeno Monstro.
Produzón deste especial: André Martínez i equipa de Divertimento.
Tempo de información local na Rádio FilispiM.
A Igrexa e a policía seguen a ocultar información sobre Marzo do 72.
Testemuño 1
Testemuño 2
Testemuño 3
Este mes de marzo de 2015 cumpríronse 43 anos dos terríbeis sucesos de marzo do 72 na comarca de Ferrol.
Coincidindo con esta data, apresentouse no Ateneo Ferrolán o volume “Informes diversos de los sucesos de Ferrol. 10 de marzo de 1972” (publicado por Liber Factory) , escrito pola profesora da Universidade Complutenese de Madrid, Rosa Cal, quen ofereceu novos datos sobre aquel marzo do 72 en Ferrol, que rematou co asasinato, por parte da policía, dos traballadores dos astelerios, Amador e Daniel, cuxas figuran ficaron inmortalizadas na escultura ao carón do IES Ferrolterra, a altura das Pías.
Según a autora do novo estudio, Rosa Cal, os feitos seguen tendo dúas visións ben diferentes: a dos que están a favor e en contra dos obreiros. No segundo caso estaría a policía, e no primeiro, todos os demais. No caso da Policía Armada o informe da época é unha vergoña: non fala nin dos obreiros mortos nin dos feridos. Tristemente, 43 anos despois os documentos, que consta existen nos arquivos da Policia, seguén a estar vetados aos investigadores... 43 anos despois dos sucesos.
Asi, Rosa Cal, na súa investigación para a redacción deste novo volume “Informes diversos de los sucesos de Ferrol. 10 de marzo de 1972”, afirma que no arquivo do Reino de Galicia da Coruña, ou o do Arquivo Militar do Noroeste en Ferrol, tiveron unha excelente disposición a hora de facilitarlle acceso a documentación da época; mais, canto aos arquivos policiais, aseguraronlle á autora que “non tiñan nada”, polo que non puido acceder as dúas caixas que si consta existen nos arquivos policiais sobre os sucesos.
Canto ao arquivos da Igrexa, ao non ter arquivo histórico, a historiadora acudiu a conferencia epicopal dos Obispos. Unha vez alí, aseguráronlle que “algo sabían”, mais que non podian facilitar documento algún até transcorridos 80 anos...
A policia e a Igrexa seguen a ocutar información sobre marzo do 72; 43 anos despois dos sucesos que acabaron coa vida dos traballadores dos asteleiros ferroláns Amador e Daniel a disparos da policia, e con centros de feridos e represaliados pola autoridade fascista do momento, sendo ademáis o inicio dunha espiral de represión, e dun punto de inflexión na luita obreira a nível de todo estado, que tería como cenario Ferrol e coma protagonistas a sua clase obreira.
No programa de Rádio FilispiM, "Escarnio" adicaron un tempo a estes sucesos, recollendo algunhas das voces dos testemuños vivos daqueles dias... escoitámolos:
Informou o Pequeno Monstro para a libre e comunitaria de Ferrol.
Fonte documental: Diario de Ferrol,, libro de Rosa Cal "Informes diversos de los sucesos de Ferrol. 10 de marzo de 1972.
Un instante da presentación dos proxectos (foto: Lupe Ces)
Edición de DIVERTIMENTO para pequenos monstros, do venres 13 de marzo de 2015, na Rádio Filispim, 93.9 FM, libre de Ferrol.
Programa especial dende o Ateneo Ferrolan. Emisión en diferido do acto celebrado o 11 de marzo de 2015, baixo o título "Igualdade e Empoderamento. Accións e propostas". Unha interesante mesa redonda organizada polo Ateneo, onde se expuxeron tres proxectos feministas do noso país:
As Marchas da Dignidade volven o sábado 21 de marzo a MADRID e reclaman unha FOLGA XERAL, baixo o lema “A pan traballo e teito o pobo ten dereito!”
Hai un ano, o 22 de marzo do 2014, un millón de persoas manifestabanse en Madrid convocadas por centos de organizacións sociais, sindicais e cidadáns para protestar pola situación de explotación, miseria, recortes e ataques aos dereitos máis básicos que estamos a atravesar. Alí estivo a Columna Galega das Marchas da Dignidade apoiando a necesidade de combater tanta agresión. Agora, de novo, miles de persoas dos diferentes territorios e nacións do estado, e centos de loitas e causas xustas berrarán “a pan traballo e teito o pobo ten dereito!”. En Madrid a Columna Galega partirá andando da estación de tren de Chamartín ás 3 da tarde até Colón (uns 6 km) onde rematará a marcha con un gran acto final.
Para todas aquelas persoas interesadas en acudir o sábado 21 de marzo a Madrid dende Ferrol, e participar nesta nova Marcha da Dignidade, este son os datos:
Prezo do AUTOBÚS A MADRID (Ida/Volta): 28 €. |
Saída: o sábado 21 de marzo ás 6 da mañá do sábado 21 de marzo, desde a Praza 10 de Marzo (a altura do IES Ferrolterra). O bus pasará por Caranza, Fene e Cabanas. Xa en Madrid, a volta a Ferrol será entre as 11 e 12 da noite.
Prazas: hai límite e o prazo para anotarse a viaxe remata o xoves 19 de marzo. Para anotarse a viaxe e + información:603.21.38.63
Cando a totalidade das columnas galegas cheguen a Madrid concentrarase, na estación de Chamartín dende onde partirán camiñando até Colón, uns 6 Km, onde se finalizará a marcha xunto ao resto das colunmnas do Estado.
As Marchas da Dignidade en Ferrolterra volven o 21 de marzo a MADRID co lema “a pan traballo e teito o pobo ten dereito!”. Algún programa de Rádio FilispiM fará unha cobertura especial horas antes da partida das columnas ferrolás, na programación da serán do vernres. Para incorporarse a viaxe a Madrid, contactade co teléfono: 603.21.38.63
Informou o Pequeno Monstro para a libre e comunitária de Ferrol.
Fondo sonoro: http://galizacontrainfo.org/
O pasado sábado 7 de febreiro de 2015, celebrouse unha nova edición do ciclo "FilispiM vai...". Nesta ocasión, co gallo do décimo aniversario do inicio das emisións de Rádio FilispiM, volveuse ao Ateneo Ferrolan, a nosa sede fundacional, e titulouse estoutra edición coma "FilispiM vai... cumprir 10 anos". No transcorrer do programa contouse coas actuacións musicais de Weather Underground (Oscar Quant e Oscar Kay) e Indio & Lidia e ouvironse a voces que fomaron parte dos alicerces, do presente e, incluso, do futuro filispiniano...
Ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan.
No tempo de Informativos Locais da FilisipM, oferecemos un extracto das intervencións de o Pequeno Monstro e Cholo, integrantes do Colectivo Opaii!-Rádio FilispiM, que falaron dos alicerces e do porqué da iniciativa colectiva, sendo entrevistados por Ana Lucecú e Xurxo Gago, do Colectivo Opaii!-Rádio FilispiM. Ademáis, escoitaremos a opinión de Pedro Ferrández, ex integrante do Colectivo. As intervencións completas poden atoparse no podcast do programa especial ou mesmo ouvirse en diferido os sábados entre as 7 e 9 da noite, no 93.9 da FM.
Informou o Pequeno Monstro para a libre e comunitaria de Ferrol.
O pasado sábado 7 de febreiro de 2015, celebrouse unha nova edición do ciclo "FilispiM vai...". Nesta ocasión, co gallo do décimo aniversario do inicio das emisións de Rádio FilispiM, volveuse ao Ateneo Ferrolan, a nosa sede fundacional, e titulouse estoutra edición coma "FilispiM vai... cumprir 10 anos". No transcorrer do programa contouse coas actuacións musicais de Weather Underground (Oscar Quant e Oscar Kay) e Indio & Lidia e ouvironse a voces que fomaron parte dos alicerces, do presente e, incluso, do futuro filispiniano...
Ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan.
No tempo de Informativos Locais da FilisipM, oferecemos un extracto das intervencións de Paula e Cris Meizoso (integrantes do Ateneo Ferrolán e do Colectivo Opaii!-Rádio FilispiM), que foron entrevistadas por Ana Lucecú e Xurxo Gago, do Colectivo Opaii!-Rádio FilispiM, no descorrer do programa especial. As intervencións completas poden atoparse no podcast do programa especial ou mesmo ouvirse en diferido os sábados entre as 7 e 9 da noite, no 93.9 da FM.
Informou o Pequeno Monstro para a libre e comunitaria de Ferrol.
O pasado sábado 7 de febreiro de 2015, celebrouse unha nova edición do ciclo "FilispiM vai...". Nesta ocasión, co gallo do décimo aniversario do inicio das emisións de Rádio FilispiM, volveuse ao Ateneo Ferrolan, a nosa sede fundacional, e titulouse estoutra edición coma "FilispiM vai... cumprir 10 anos". No transcorrer do programa contouse coas actuacións musicais de Weather Underground (Oscar Quant e Oscar Kay) e Indio & Lidia e ouvironse a voces que fomaron parte dos alicerces, do presente e, incluso, do futuro filispiniano...
Ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan.
No tempo de Informativos Locais da FilisipM, oferecemos un extracto das intervencións de Miguel Castro e Fer Ocampo que foron entrevistados por Antía Cortíças e Miguel Reimundez, tod@s el@s integrantes do Colectivo Opaii!-Rádio FilispiM, no transcorrer do programa especial. As intervencións completas poden atoparse no podcast do programa especial ou mesmo ouvirse en diferido os sábados entre as 7 e 9 da noite, no 93.9 da FM.
Informou o Pequeno Monstro para a libre e comunitaria de Ferrol.
O pasado sábado 7 de febreiro de 2015, celebramos unha nova edición do ciclo "FilispiM vai..."; nesta ocasión, co gallo do décimo aniversario do inicio das emisións de Rádio FilispiM, volvimos ao Ateneo Ferrolan, a nosa sede fundacional, e titulamos estoutra edición coma "FilispiM vai... cumprir 10 anos". No transcorrer do programa contamos coas aportacións musicais de Weather Underground (Oscar Quant e Oscar Kay) e Indio & Lidia e ouvimos voces dos alicerces, do presente e do futuro filispinian@... Agora, xa en diferido poderás disfrutar deste audio ao través deste podcast, e ao través das ondas filispinianas (93.9 FM), os vindeiros sábados entre as 7 e 9 da noite. Lembra que ao longo deste ano, 2015, Rádio Filispim Colectivo Opaii!, continuará co seu programa de actos do 10 aniversario. Unha nova edición do festival "Conspirando por unha Radio Libre", un ciclo de cinema, unhas xornadas de medios libre e comunitarios, unha exposición sobre os 10 anos da radio ou, mesmo, un pequeno documentario sobre a nosa historia nos agardan... Seguiremos a informar.
Créditos:
Presentación e guión parte 1: Ana Lucecú e Xurxo Gago.
Presentación e guión parte 2: Antía e Miguel R.
Control técnico de son: Pequeno Monstro e Cholo.
"Polas fillas dos nosos fillos. Queremos Galego!", este é o lema da manifestación en defensa da Lingua Galega, que a plataforma "Queremos Galego", integrada por máis de 700 entidades, convocada para o domingo 8 de febreiro de 2015 en Compostela.
"Os datos da última enquisa do Instituto Galego de Estatística (IGE) sobre a situación do galego non nos sorprenden. Reflicten a realidade. A realidade é que cada vez hai menos xente que fala galego. A realidade é que a Xunta de Galiza demostra un total desleixo e desprezo pola lingua. A realidade é que é imposíbel vivirmos en galego con normalidade." Así comeza o comunicado de "Queremos Galego", cuxo texto completo podes atopar aquí.
No tempo de Informativos Locais da Rádio FilispiM, rescatamos parte da intervención de Carlos Outeiro, coordinador de "Queremos Galego" en Ferrolterra, a semana pasada no transcurso do programa Divertimento para pequenos monstros. A plataforma "Queremos Galego", oferece, a quen desexe acudir a Compostela dende Ferrolterra, o domingo 8 de febreiro, billetes de autobús a un prezo de tan só 3€, ida e volta (máis detalles no audio).
Carlos Outeiro, Mané "Sacha na Horta", Rosa Grillé e Ana Fernández.
Venres 23 de xaneiro de 2015, dúas horas de DIVERTIMENTO PARA PEQUENOS MONSTROS (Rádio FilispiM, 93.9 FM). Menú especial: "LINGUA GALEGA". Contidos:
Proxecto escola ensino en galego, SEMENTE TRASANCOS. Festival "Músicas para a Semente". Domingo de 25 de xaneiro de 2015, Auditorio de Narón. No estudio, Rosa Grillé. Vía teléfono, Marcos Abalde.
Manifestación QUEREMOS GALEGO. Na defensa da lingua propia do país, domingo 8 de febreiro de 2015, Compostela. No estudio, Carlos Outeiro.
COLOQUIO-DEBATE sobre a situación da nosa lingua, coa presenza no estudio de:
- Carlos Outeiro (Queremos Galego e Mesa Pola Normalización Lingüística). - Rosa Grillé (Semente Trasancos e mestra do CPI de Pazos). - Mané (da banda galega Sacha na Horta). - Ana Fernández (integrante da Fundaçom Artábria). No transcorrer do coloquio-debate ouviimos voces rexistradas nunha enquisa a persoas universitárias de Ferrol, sobre o uso do galego.
Conducen: Ana Lucecú e Pequeno Monstro. Producción: Ana Lucecú, Pequeno Monstro, Ana Fernández. Emisión en Ferrolterra: Rádio FilispiM, 93.9 FM, libre e comunitária da Terra de Trasancos (Ferrol). En Compostela: Rádio Kalimera, 107.9 FM, libre. + info: http://pequenosmonstros.blogspot.com
Recortes da prensa local do periodo constituinte do Colectivo Opaii! - Rádio FilispiM
Datas e fitos importantes na historia fundacional do Coletivo Opaii!-Rádio FilispiM.
Setembro de 2003. Persoas da comarca de Trasancos, diversas, que até daquela non tiñan tido contacto persoal (outras sí, pois procedían da recén "desaparecida" Radio Kaos de Ferrol) comezan a "conspirar" en foros de internet a activación dunha radio libre e comunitaria en Ferrol.
Setembro/outubro/novembro de 2003. O grupo promotor convoca diversas asembleas preparatorias e definitorias das liñas do xerais do proxecto de creación dunha radio libre e comunitaria en Trasancos. Así, o 20 de novembro de 2003 celebrouse a primeira desta asembleas no bar Manchita Cosa (R/Madalena, Ferrol), que daquela levaban Suso e Narsés. A elección da data non foi casual, sería o 20-N "filispiniano". Naqueles meses "o Manchita" tamén acollería algunhas das primeiras e memorábeis actividades para recadar os primeiros fondos filispinianos: unha estupenda cea vegana e, posteriormente, algunha sesión de música e pinchas, coma aquela mítica festa de defuntos onde nos propuxemos "resucitar a Comarca de Ferrol" nunha noite.
De volta a aquelas primeiras asembleas "clandestinas", tiveron un carácter rotativo entre diversos locais, cun obxectivo: non identificar o proxecto con ningún deles en concreto, tan só termos un espazo donde "conspirar" por unha radio libre na comarca de Trasancos. Tratábase de locais de ocio dos que gostabamos, coma a Fundaçom Artábria (que daquela tiña un estupendo local na R/Magdalena), o Clube de Montaña en Canido e, claro, o Ateneo Ferrolán. Eran locais onde podiamos xuntarnos para preparar os alicerces de algo colectivo cando aínda non tiñamos un lugar propio. Daquela, pensando nun lugar axeitado para apresentar pública e abertamente o que pretendiamos fazer, concordamos que ese espazo era o Ateneo Ferrolán, e así foi, pois non só remataría sendo a nosa sede fundacional, senón, ademáis, onde se ubicaría o primeiro estudio da Rádio FilispiM, o mítico "metro cadrado".
28 de novembro de 2003. Dentre todas estas asembleas celebradas no 2003, ten especial significación a celebrada no Ateneo Ferrolán o 28 de novembro de 2003. A importancia desta asemblea é indiscutíbel para o que é a historia do colectivo Opaíí!-Rádio FilispiM, xa que foi a primeira convocatoria publica (e publicada) aberta a cidadanía, para trasladar a idea e construir un proxecto colectivo de radio libre e comunitaria entre quen estiver interesad@. Tratábase de abrir o circulo, non era unha cuestión de catro amigos, pretendiamos darlle ao proxecto un sentido comunitario real.
O texto que segue é a convocatoria aberta, pública (e publicada na prensa) co fin de trasladar as nosas intencións ao conxunto da comunidade, co obxecto abrir a iniciativa a tod@ quen estiver interesad@ no proxecto. O lugar elixido foi o salón de actos do Ateneo Ferrolán; a data, 28 de novembro de 2003:
-- Sent: Tuesday, November 11, 2003 11:02 AM
Subject: PRIMEIRA ASEMBLEA ABERTA PARA A CONSTITUCIÓN DUNHA RADIO LIBRE EN FERROL
Pola presente queremos anunciar a primeira convocatoria aberta para a constitución dunha asociación cultural que ampare o proxecto dunha RADIO LIBRE E COMUNITARIA no ámbito de Ferrol. Dita asemblea aberta, informativa e participativa, terá lugar o vindeiro venres 28 de novembro (2003) ás 20:00 horas no salón de actos do Ateneo Ferrolán. Nela trataránse, entre outras, as seguintes cuestións:
- Presentación do proxecto.
- Os fundamentos das rádio libres e comunitarias hoxendía. Exposición e debate deses principios no noso contexto.
- Constitución de comisións de traballo para unha primeira etapa (estatutos, divulgativa da idea, financiamento, técnica...)
- Participación activa e debate.
--
Sábado 13 de decembro de 2003. O aíndaproxecto apresentouse públicamente noForo Negro e participou nunha mesa de traballo xunto a Piratona, Kalimera e outros medios de contrainformazón do país galego. Todo esto levouse a cabo no Instituto Galego de Información en Compostela, como resposta de mobilización e artellamento de redes sociais, ante o panorama desolador (papel dos medios de des-información de masas e das institucións), por mor do desastre medio ambiental do verquido de fuel do buque Prestige as costas galegas. Naquel tempo, tamén acontecía a Guerra de Irak, na que nos meteu o goberno dereitista de Aznar. Anos despois demostrariase que o pobo que saíu en masa as ruas en todo o Estado, tiña razón.
Por outra banda, naquel ano de 2003, a nivel local, a radio universitaria de Ferrol Radio Kaos, que fora espazo de encontro de persoas radioapaixoados da Comarca, fora fechada ao conxunto da cidadanía. O "flamante" estudio de dita emisora universitaria no campus de Serantes, aínda hoxe continua a ser pasto das telarañas, do silencio máis vergoñento... o "universitario".
8 de abril do ano 2004 (xoves "santo"). Primeira edición do festival "Conspirando por unha radio libre", nunha sá da estación de Ferrocarril de Ferrol, na que actuaron Miguel Alonso, Loom, Window Pane, Funky Brewter and the Karma Bussines Band e a IV Guerra Mundial (todos eles grupos locais), que supuso un importante espaldarazo económico para adquisición dos equipos técnicos que posibilitarían futuras emisións da primeira radio libre e comunitaria da nosa comarca.
25 de xuño de 2004. Dado o éxito do primerio Conspirando decídese activar unha segunda edición para poder dar unha volta de torca a activación do proxecto. Os grupos dispostos a colaborarar de novo desinteresadamente no concerto serían: Boy Elliot, Mondopétriz, Kobe e Bang 74 e o lugar elixido é a mesma sá na Estación de Ferrocarril. Mais o imprevisíbel aconteceu...A sá erroneamente tiña convocada unha "festa universitaria" para ese mesmo día e hora, deixándonos esta falta de seriedade da sá fóra de xogo. Téntase negociar cos universitario que organizan a "festa", sen resultado positivo. De novo atopámonos co "muro" universitário.
Xullo-agosto 2004. Edición do primeiro número do "Fanzine FilispiM", con numerosas colaboracions "articulistas" de dentro e fóra do Colectivo.
Setembro/outobro/novembro/decembro 2004. Segundo ciclo de cinema e música do Colectivo Opaii!!, no Ateneo Ferrolán. Coa proxección dos filmes: "Buena Vista Social Club" (Win Wenders), "Year of the horse", "Camarón en París", "Concerto de Bob Marley", "A Migty Wind" (unha parodia sobre o rock duro) e mesmo a Triloxía Qatsi (Koyaanisqatsi, Powaqqatsi e Nagoyqatsi).
31 de outubro de 2004. Festa de "defuntos" do Colectivo Opaii!, no Manchita Cosa, R/Magdalena (Ferrol). Donde as persoas fililspinianas de boa fé "rogaron unha oración polo eterno descanso da alma de Ferrolterra e realizaron todo tipo de conxuro para resucitala". Todo un acontecemento...
Nestas datas de finais de 2004. Ten lugar unha asemblea no Ateneo Ferrolán, de constitución dos principios da rede galega de radios libres e comunitarias, ReGARLIC, cuxo organizador foi o Colectivo Opaii!. Eses principios básicos tomaronse de constitución tomáronse nesa Asemblea, coa presenza de integrantes de Rádio Kalimera de Compostela, Rádio Piratona de Vigo, Cuac FM de A Coruña e Radio Roncudo de Corme.
Xaneiro de 2005. Continua o Colectivo Opaii! a proxectar filmes no Ateneo, "Baraka, o último paraiso".
27 de agosto de 2005, comezo emisións en probas da Rádio FilispiM ao través do 93.0 FM, o sábado 27 de agosto de 2005, dende o estudio "metro cadrado" do Ateneo Ferrolán, R/ Magdalena, 202. A primeira peza que soou foi "A nossa história facémola nós" da Matraca Perversa.
27 de maio 2006, primeira Sesión Vermú do Colectivo Opaii!-Rádio FilispiM no Ateneo Ferrolán. Actuaron: Faltriqueira, o Marqués das Viñas, Maite da Costa e Balandraka.
15 de decembro de 2006. Cambio de dial por concesión "legal", do 93.0 a unha radio privada, pasando Rádio FilispiM a emitir no 93.9 da FM, tras procurar ocos no dial.
Xaneiro, febreiro de 2007? (data por determinar exactamente). Pouco tempo despois deste cambio de dial,o Ateneo Ferrolán recibe unha visita de Telecomunicacións preguntando polos responsábeis da emisora. Tiñan detectado a nosa presenza no dial e requiren que nos identifiquemos, mais ficou en iso.
17 de xaneiro de 2008 cara as 11:30 h. O acceso ao Ateneo Ferrolán, en cuxas instalacións está Rádio Filispim, sofre un incendio provocado. De non ter actuado os bombeiros tan eficazmente o material de construcción, madeira, teria consumido rapidamente o edificio e posto en perigo as vidas das persoas que ali estaban. A secretaria do Ateneo foi quen deu a voz de alarma. Nunca se esclareceu quen foi nen os motivos.
29 de xuño de 2010 as 16:35 hrs. Cese temporario de emisións polo inicio das obras de rehabilitación do Ateneo Ferroán.
Venres 17 de setembro de 2010. Reanudación das emisións (en probas) dende o novo estudo na traseira do Mercado de Caranza.
(...) en construción.
E así, nese contexto, xurdiu o Colectivo Opaii!-Rádio FilispiM.
Crónica: Pequeno Monstro (actualizado a 16/02/2016).
Joám Luis Ferreiro (imaxe: http://www.greenpeace.org)
Especial "Ría de Ferrol, o espertar dos peixes". Nova edición de DIVERTIMENTO para pequenos monstros. Case dúas horas de opinión libre e valente na radio libre de Ferrol, Rádio FilispiM, 93.9 FM. Falouse, claramente, do
estado de saúde da nosa Ría, dos
recursos mariños, das Confrarías de Pescadores e as súas
"autorizacións", da Consellaría de Pesca, dos Plans de Explotación,
Asistencias Técnicas, Autoridade Portuaria, Forestal do Altlántico,
Fábricas de Colas, Reganosa, Megasa, dos recheos e os cheiros (fedor),
da formación náutico-pesqueira, do fenómeno crecente
d@s traballadores irregulares da ría, dos misteriosos cursos de formación, do IGAPE, dos fondos FEDER (que tamén
feden), de "Ferrol Container Terminal" e até dos muros físicos e
sicolóxicos. Mais, tamén de futuro e esperanza, máis aló do "cenagoso"
panorama actual. Para todo isto, contamos no estudio con:
Xaime, mariño mercante.
Joám Luis Ferreiro (Cesio), Biólogo e integrante da SGHN (Sociedade Galega Historia Natural).
Meli Criado, nautico pesqueira e "rebelde con causa".
* Tiveramos gostado ter presenza d@s traballadores irregulares da Ría
de Ferrol, cuxa intervención no programa tentamos ao longo da semana,
mais ao través dun dos seus representantes, anunciaron que non
poderían participar. Cara ao final do programa, tivemos
comunicación cunha parte da "Columna Ferrolterra", integrada na
Plataforma Galega das Marchas da Dignidade, que logo de varios días de
camiñada chegaron o 29-N a Compostela para participaren xunto a
milleir@s de galeg@s no "Toma o Obradoiro". Apresentou e conduciu: Pequeno Monstro. Grazas a Meli, Cesio e Xaime pola súas valiosas e valentes intervencións, nun tema tan "cenagoso" coma é o da Ría de Ferrol. Falar claro, sen cancelas, coa crítica e autocrítica precisa, é o primeiro paso para mudar a actual situación.
O Colectivo Opaíí! apresentou unha nova edición do ciclo "Filispim vai...".
"Filispim vai... á Fundaçom Artábria", un programa especial adicado á mítica asociación cultural da lingua, realizado ao vivo dende o seu local social, na Travesía de Batallóns, 7 - Esteiro (Ferrol). Ademáis contamos coa música de Oscar Fojo e Fausto.
A gravación ao vivo do programa especial, tivo lugar o venres, sexta feira, 21 de novembro de 2014 entre as 20:00 e as 22:00 h. Agora, oférecémosvos o audio evento, dúas horas de radio ao vivo, coa intervención de moitas persoas relacionadas directa ou indirectamente coa Fundaçom Artábria.
O ciclo de programas "Filispim vai..." é unha outra aventura do Colectivo Opaíí!-Rádio FilispiM, para achegar o medio libre e comunitario aos colectivos e espazos sociais da nosa contorna.
