CUNHA PARA A CONCENTRACIÓN UNITARIA EN FERROLTERRA NA ACCIÓN INTERNACIONAL CONTRA O CETA.
SÁBADO 21 DE XANEIRO
NO CANTÓN DE FERROL (NAS INMEDIACIÓNS DO PALCO DA MÚSICA)
ÁS 12 DO MEDIODÍA
#STOPCETA
NON Á DITADURA DAS CORPORACIÓNS TRANSNACIONAIS
NA DEFENSA DOS POBOS E DO MEDIO AMBIENTE!
Co obxectivo de participar na convocatoria internacional contra o tratado de comercio e investimentos entre a Unión Europea e Canadá (CETA - Tratado Económico e Comercial entre a Unión Europea e Canadá) que está convocada para o sábado 21 de xaneiro de 2017. Tratado que está previsto que se debata no Parlamento Europeo a principios de febreiro e que no caso de que se aprobe, repetirían-se os debates nos diferentes parlamentos estatais, mesmo sería bon que se levara na Galiza aos diferentes concellos e ao Parlamento Galego, para crear un debate popular máis xeneralizado, mais iso depende dos partidos políticos e dos seus intereses.
O CETA é un tratado, no cal a modo de exemplo, de estar en vigor afectaría de cheo na nosa economía e ao noso poder de decisión. Todos lembramos o asunto da Mina de Corcoesto (Cabana de Bergantiños) onde a empresa Edgewater (que aínda non renunciou definitivamente), de capital canadense quería explotar unha mina de ouro destruíndo montes enteiros e enchendo as nosa augas e ríos de cianuro mercurio. Pois ao rexeitar o proxecto a compañía mineira podería esixir unha indenización multimillonaria e sen someterse aos tribunais ordinarios de xustiza (neste momento ten que lixitar no Tribunal Internacional da Haya onde pide sobre 20 millóns). O CETA prevee un sistema de resolución de conflitos inversor-estado (ICS) de acceso exclusivo aos inversores estranxeiros.
O CETA, como o TTIP e o TISA, non son tratados beneficiosos para as clase traballadora e o resto das clases populares, tanto de Europa, como de USAmérica ou Canada, só benefician a grandes corporacións transnacionais que impoñen os seus criterios para que os estados lexislen no seu beneficio, a cambio de transsacións comerciais ou investimentos que na maioría dos casos son moi prexudiciais para os pobos e o medio ambiente.
Tertulia con Javier Losada, Rafael Pillado e Fernando Ramos sobre os conceptos de esquerda e clase obreira na actualidade, a situación de ambas e os movementos progresistas modernos. Que é hoxe esquerda? Que futuro teñen as esquerdas? Está representada a clase traballadora?
Apuntamentos de Lingua Galega: Apuntamentos de Ortografía [O Alfabeto]. Reminiscencias do Noso Pasado: Co Catedrático de Lingua e Literatura Galega, Xosé M. Dobarro [Limiar das Irmandades da Fala, 1916]. O Cantor de Jazz: Sección de música e cine con Carmen Sixto: O tema de hoxe [Billy Wilder]. Músicas de Brasil e Outras Terras: Sección a cargo de Eugenia Sanmartin: O tema de hoxe [Cidade de Deus]. Música Galega: Amparo Arias [Enfeitizada], Jacinta [Estranos na noite, 1967].
