UNHA TARDE NO MUÍÑO
Programa nº16. Luns
7 Maio 2018.
Programa
especial dedicado á Festa dos maios en Canido.
Maio, maio maduro cantado por Cristina Branco serviu
de sintonía ao debate no que participaron Guillermo Leira, Viviana Fernández e
Roberto Taboada, os tres compoñentes da Intrabarrial organizadora das festas.
Avaliación
positiva do desenvolvemento da programación e consenso na idea de que o modelo elixido
é o correcto. Modelo que ten como cerne a festa popular dos maios, e arredor
deste eixo vertebrador de actividades de todo tipo e destinadas a todas as
idades (actividades recreativas, culturais, musicais, feira, xantar…ata 27
actividades), procurando a participación activa da cidadanía. Modernidade e
tradición nas festas populares tentando de implicar á cidadanía e fuxindo de
canto ruído ou actividade sexa molesta para a vida cotiá da veciñanza.
María Romero
Iglesias, rapariga que dende pequena veu “facendo maios” fixo a súa declaración
en Vivo, penso e declaro.
Maio, maio de Pablo Quintana dou entrada a Inventa unha flor. O escritor Antonio
Yáñez explica en que consiste este certame escolar que nos últimos seis anos
ven formando parte da programación das festas do barrio. Bases, participación
dende os Centros educativos do barrio, desenvolvemento do acto central, libro
dixital que recolle os traballos elaborados…Avaliación e desexos de
continuidade e futuro para este acto que a ASC Muíño do Vento programa.
E paso ao recital poético dos nenos e nenas
representantes dos Centros Educativos do barrio, IES Canido (Alba Díaz-Caneja),
Juán de Lángara (Andrea Ramos Niebla), San Rosendo (Lola Sánchez Gómez) e
Cruceiro de Canido (Tomas Cruz Saavedra).
Troula de Juán Durán coa OSG serviu de
despedida ao programa.
