UNHA TARDE NO MUÍÑO.
Programa nº 12. luns 12 marzo 2018.
Comezou o programa cunha intervención de Fran, en representación de Radio
Filispím, saudando á audiencia dende os novos locais: o Centro Cívico de
Canido. Fala Fran da ilusión que xera este cambio e oferta a Radio Filispím a
toda canta xente teña un proxecto de radio.
Continúa Roberto Taboada falando, tamén, da chegada de Radio Filispím ao
barrio de Canido e amosa a súa ledicia diante das posibilidades que este medio
de comunicación ábrelle ao barrio. Adianta tamén Roberto a próxima visita da
Intrabarrial ao Concello para propor colaboración nas vindeira Festa Dos Maios.
Na sección Outra información é
posible, Rafa Aguirrebengoa analizou o Sistema Público de Pensións e as mobilizacións
que o sector de pensionistas están a levar en demanda de pensións xustas. Analiza,
como segunda proposta a Folga dos traballadores e traballadoras da Xustiza.
Sari Alabau foi protagonista do Vivo,
penso e declaro .
O tema do día foi o 8M. Interveñen no coloquio Begoña García, Maru Seoane,
Sari Alabau, Beatriz Bocija. Todas coinciden na alegría que trouxo o día 8M,
cunhas rúas de Ferrol inzadas de mulleres e homes, de xente nova e maior, de
cidadanía en grande manifestación. Coincidencia, tamén, en salientar como data
histórica este 8M. Debate sobre a brecha salarial, evolución na vida cotiá dese
machismo que impregnou e impregna toda a sociedade. Debate sobre o papel que
teñen que cumprir xa as Administracións e críticas ao cambio e cambaleo dalgúns
partidos. Debate sobre a necesidade de lexislar sobre o desfrute do permiso de
maternidade, o feminismo inxerido nos avances sociais,….
Remate do debate e despedida coa Lega en Noveccento.
