O Faladoiro nº 10 - De Trasancos á Gaza (1/7/2025)

O Faladoiro Nº 10 (1/7/2025)

As persoas que facemos habitualmente este programa sentímonos moi contentos porque a cadeira que estaba baleira neste programa xa esta ocupada pola persoa que cada programa aporta unha opinión

sempre con moito fundamento, Inacio Martínez.  A súa ausencia estaba máis que xustificada pola súa participación, xunto co compañeiro Xan Lópes, á Marcha a Gaza.

Durante o programa fálanos das súas motivacions para particuipar na mesma. Relátanos as distintas etapas polas que pasaron, as dificultades e como as foron superando. A verdade e que seguindo o seu relato en varios momentos nos sentimos con eles nesa Marcha. 

Durante o programa tamen tivemos a oportunidade de falar da situación do mundo e de Gaza en particular, así como de cuestionar a humanidade de algúns dirixentes mundiais, polo que valoramos moito máis a

xenerosidade de persoas como Inacio e Xan que despois de moitos anos de compromiso social deciden implicarse nunha última acción, non exentas de riscos para súas vidas.

Grazas compañerios Xan e Inacio por existir.

Participan: Vicente, Cesio, Inacio, Chelo

O Faladoiro nº 9 . A Pobreza (17/6/2025).

A Pobreza. 

Dun ou doutro xeito, con maior ou menor grao, o certo é que a Pobreza está presente en todo o planeta. 8.500 nenos e nenas morren cada día no mundo a causa da desnutrición, sendo o número de famentos 800 millóns. 

En "O Faladoiro de FilispiM" profundamos nesta inxustiza, nesta traxedia, coas persoas convidadas: Soledad Lucero (Asociacion de Movilidad Humana - Galicia /Hasta que a Dignidade sexa costume), Guillermo Leira (Cáritas de Canido) e Gabriel Tizon, o noso prestixioso fotoperiodista. 

O Faladoiro nº 8 - Enerxía e sostibilidade

ENERXIA e SOSTIBILIDADE.

Así de amplo foi o tema tratado en noso ultimo Faladoiro. Tratamos de concretalo tocando puntos como o Modelo de Consumo Enerxético na Sociedade en xeral e de Galicia en particular, as distintas fontes de enerxía e singularmente as renovables, deténdonos na eólica terrestre e mariña flotante, o Cambio Climático, a entrada do Hidróxeno na ecuación e a sua relación cos fondos Next Generation, e outros mais, para acabar como non co tema do recente Apagamento.

Como convidados tivemos a Fernando Blanco Silva, enxeñeiro industrial pola Escola Politécnica de Ferrol, economista e graduado en dereito pola Universidade Isabel I, así como doutor en desenvolvemento sostible pola Universidade Católica de Ávila. É director da revista galega de enerxía Dínamo Técnica desde a súa fundación en 1999. Co el estivo Xosé M. Golpe Acuña, Técnico superior en centrais e redes eléctricas e consultor enerxético na Oficina de Transformación Enerxética da Deputación da Coruña e que actualmente é Deputado no Parlamento Galego polo BNG.

O Faladoiro Nº 7 - Participación cidadá

O Faladoiro da FilspiM

O Faladoiro Nº 7 (6/5/2025).-

Nesta ocasión falamos de participación cidadá. Como convidados acuden Maica Rodríguez Freire e Roberto Taboada, veciños de Canido, implicados en procesos de participación.

No programa, Maica, como licenciada en ciencias políticas e da administración, especializada en xestión integral de proxectos, reflexiona sobre o concepto de "participación cidadá" e convida a identificar este proceso de interacción no cotiá da nosa vida. Pola súa banda, Roberto, como presidente da Asociacion de Veciñanza de Canido, fálanos da dinámica creada neste centro Civico e das ventaxas de outorgar á veciñanza a responsabilidade da súa xestión.

Concluimos que a participación beneficia a toda a comunidade e crea persoas con capacidade de decisión e máis libres.

Participan: Vicente, Cesio, Ignacio, Chelo.

Convidadas: Maica Rodríguez Freire, Roberto Taboada.

O Faladoiro, Nº6 - A todo tren (15/4/2025)

O Faladoiro, a todo tren.

O Faladoiro, no seu 6º programa, convidou ao FORO CIDADÁN POLO TREN. 

Contamos con algúns integrantes deste foro, falamos dos motivos da súa creación, de acordo a un problema que afecta a toda a comarca de Ferrol e Mariña Lucense, nun contexto de servizo público que camiña cara a privatización, tanto no transporte de persoas como de mercadorías.

A visión profesional de traballadores do sector ferroviario, a nível sindical, así como o papel de representantes das diferentes administracións, estivo presente ao longo do programa.

Os recentes estudos de Xoan Vazquez Mao, secretario xeral do Eixo Atlantico, e Esperanza Piñeiro de San Miguel e Xulia Díaz Sixto, investigadora e xornalista respeitivamente, aportan datos de utilidade aos participantes no debate radiofónico. Sen dúbida, un cativo desenvolvemento ferroviario resulta unha enorme atranco canto o desenvolvemento  económico das Comarcas do noroeste de Galiza.

Un programa moi interesante que deixa aberta moitas "vías" cara un posíbel novo Faladoiro, A TODO TREN... 

Participan: 

Vicente, Cesio, Ignacio, Fernando, Chelo, Ana.

Convidadas: 

Nes, Gregorio, Javier, Alexandre. 

O Faladoiro de FilispiM. O Idadismo na sociedade actual.

Integrantes de O Faladoiro de FilispiM

Nesta edición de O Faladoiro falamos de Idadismo, da soidade non desexada, de cooperativas de vivendas...  Ademáis, contamos con voces expertas, María Fernández Lemos (arquitecta) e Manolo Castro (sicólogo).

O Faladoiro é un programa en colectivo de Rádio FilispiM, 93.9FM

O Faladoiro - programa 4 (A Ría de Ferrol)

Ría de Ferrol

 O FALADOIRO DE FILISPIM -programa 4-

Neste espazo do Colectivo Opaii! falamos do estado da Ría de Ferrol, analisando as súas condicións xeolóxicas, físico-químicas e biolóxicas... da pegada da industria, da construción de infraestuturas como o Porto exterior.  

As persoas participantes lembran o disfrute integral da nosa Ría na súa mocidade. Cesio, biólogo, acredita o cambio da vida mariña. Ademáis, relaciónase a degradación Ría, con aspectos globais. En definitiva, un problema complexo que precisa concienciación social e unha abordaxe política e administrativa en profundidade e non de parches.

Participan: César, Inácio, Césio, Vicente e Chelo

Convidado: Guillermo Díaz Agrás, Xefe da Estación Biolóxica Mariña de A Graña (Ferrol).

O Faladoiro de FilispiM - programa 3

 

O Faladoiro de Rádio Filispim, emisión do martes 4 de marzo de 2025.

Como está, como vemos a Ferrol e a sua bisbarra hoxendía. No económico, no social, no político. Estamos ante unha recuperación ou é unha ilusión creada por certos intereses, de acordo a emocions, sensacions, desexos? En calquera caso, de ser certa ista evolución, imos polo camiño correcto ou estamos a repetir erros históricos coa montaña rusa da exclusividade do sector naval? Todas estas cuestións, e outras máis, foron plantexadas polas persoas participantes desta nova edición de O Faladoiro, un programa produción propia do Colectivo Opaii-Rádio FilispiM.

Participaron no programa: Inacio, Cesio, Vicente, César e Chelo.

O FALADOIRO DE FILISPIM -programa 2-

Segundo Faladoiro de Filispim. Nesta ocasión participan César, Inácio, Césio, Vicente e como convidado Francisco Gil, portavoz comarcal da plataforma Queremos Galego.

Precisamente a situación de emerxencia da nosa lingua centrou de forma case exclusiva o contido do Faladoiro. Situación, causas, posibles solucións e accións inmediatas, foron tomando forma ao longo do faladoiro.

O Faladoiro de FilispiM -Episodio 1-

Neste primeiro Faladoiro participan Chelo, Inácio, César, Cesio e Vicente. Despois de presentar os obxectivos e motivos do programa, a maior parte do tempo dedícase a responder unha enquisa dun equipo de investigación sobre emisoras de radio libres e comunitarias, como Radio Filispim. Foi tedioso pero clarificador para os que non coñecen este tipo de estacións. Para o próximo Faladoiro prométense temas máis interesantes.